Général
-
Clément VI (1342-1352)
-
Pour mémoire perpétuelle de la chose
-
IX kalendas aprilis, anno decimo
-
-
Villeneuve-lès-Avignon
-
Bulle (ad perpetuam rei memoriam)
-
[Expédition] E. FRANCE, Nîmes, Archives départementales, H 785, n. 115 (auj. 121). Original sur parchemin en bon état, mais piqué dans le bas en dehors du texte [inventaire en ligne].
-
[Registre de la chancellerie apostolique] R1. CITÉ DU VATICAN, Archivio segreto Vaticano, Registra Avenionensia 118, fol. 319v.
-
[Registre de la chancellerie apostolique] R2. CITÉ DU VATICAN, Archivio segreto Vaticano, Registra Vaticana 211, fol. 191v-192.
-
Ici reprise de l'abbé Goiffon, Bullaire de l’abbaye de Saint-Gilles, Nîmes : P. Jouve, 1882, CLXIV, p. 216-218 [en ligne].
-
Ad perpetuam rei memoriam prioratus Sancti Amantii, ord. sancti Benedicti, Nemausen. dioc., mense abbatiali monasterii Sancti Egidii, ord. et dioc. predictorum, annectitur et unitur [rubricelle dans Registra Vaticana 210, fol. 17v, éd. Laurent Vallière pour APOSCRIPTA/Clément VI, en ligne].
Bulle de Clément VI, datée de Villeneuve-lès-Avignon, unissant le prieuré de Saint-Amant de Sommières à la mense abbatiale de Saint-Gilles [Goiffon]. -
Clemens episcopus, servus servorum Dei, ad perpetuam rei memoriam.
Pastoralis officii debitum, quo sumus universis orbis ecclesiis et monasteriis obligati, assidue nos compellit ut circa ipsorum statum prosperum dirigendum ac utiliter et salubriter adaugendum paternis studiis intendamus consulendo monasteriorum ipsorum necessitatibus et oportunitatibus providendo.
Exhibita siquidem nobis pro parte dilecti filii Raymundi1, abbatis monasterii Sancti Egidii, ad Romanam Ecclesiam nullo medio pertinentis, ordinis Sancti Benedicti, Nemausensis diocesis, petitio continebat quod prefatum monasterium propter inundationem fluminis Rodani est adeo in facultatibus jam collapsum quod ipse et dilecti filii conventus dicti monasterii de fructibus, redditibus et proventibus ipsius monasterii non possunt commode sustentari. Quare dictus abbas nobis humiliter supplicavit ut sibi paterno compatientes affectu prioratum Sancti Amancii2, ordinis et diocesis predictorum, ad ipsius mense prefati abbatis annectere dignaremur perpetuo et unire.
Nos igitur, qui dictum monasterium paterna dilectione prosequimur, cupientes ipsius providere necessitatibus ac indigentie imposterum precavere, hujusmodi supplicationibus inclinati, prioratum predictum cum omnibus juribus et pertinentiis suis eidem monasterio ex nunc in perpetuum, auctoritate apostolica incorporamus, annectimus et unimus, eisdem abbati et successoribus suis abbatibus dicti monasterii, qui erunt pro tempore, liberam licentiam, tenore presentium, concedentes quod, cedente vel decedente priore prioratus ejusdem qui nunc est, possint per se, vel alium, vel alios dicti prioratus, ac jurium et pertinentiarum ipsius corporalem possessionem auctoritate propria et perpetuo retinere, ac fructus prioratus ipsius in utilitatem monasterii et prioratus convertere predictorum cujuscumque licentia vel assensu minime requisitis.
Non obstantibus quibuscumque reservationibus factis et faciendis de prioratu predicto ac statutis et consueludinibus monasterii et ordinis predictorum contraris juramento, confirmatione apostolica vel quacumque firmitate alia roboratis, aut si aliqui super provisionibus sibi faciendis hujusmodi prioratibus, vel de beneficiis ecclesiasticis in illis partibus speciales vel generales nostras vel predecessorum nostrorum Romanorum Pontificum aut legatorum Sedis apostolice litteras impetrarunt, etiam si per eas ad inhibitionem, reservationem et decretum vel alias quomodolibet sit processum, quas litteras et processus habitos per easdem ad prioratum predictum volumus non extendi, sed nullum per hoc iis que ad assecutionem prioratuum, ecclesiarum et beneficiorum aliorum prejudicium generari, seu quibuslibet litteris et indulgentiis apostolicis generalibus vel specialibus, quorumcumque tenorum existant, per que presentibus non expressa, vel totaliter non inserta effectus presentium impediri valeat quomodolibet, vel differri et de quibus quorumque totis tenoribus de verbo ad verbum habenda sit in nostris litteris mentio specialis. Nos enim ex nunc irritum decernimus et inane si secus super hiis per quoscumque, quavis auctoritate, scienter vel ignoranter contigerit attemptari ; proviso quod prioratus predictus debitis obsequiis et solito ministrorum numero non fraudetur et quod incumbentia sibi onera debite et congrue supportentur.
Nulli ergo omnino hominum liceat banc paginam nostre incorporationis, annexionis, unionis et constitutionis infringere, vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli, apostolorum ejus, se noverit incursurum.
Datum apud Villam Novam, Avinionensis diocesis, IX kalendas aprilis, pontificatus nostri anno decimo. -
1. Raymond IV de Ganges fut abbé de Saint-Gilles de 1348 à 1358.
-
2. Le prieuré de Saint-Amant était à Sommières, cette ville est le chef-lieu d'un canton de l'arrondissement de Nîmes (Gard).
Informations
Acte
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27849 (aposcripta-4408), http://telma.irht.cnrs.fr/chartes/aposcripta/notice/27849 (mise à jour : 22/03/2024).