Général
-
Martin IV (1281-1285)
-
Le roi de France Philippe III le Hardi
-
XVI kalendas mensis julii, anno tertio
-
-
Orvieto
-
Lettre, général (après 1198, littere cum filo canapis)
-
[Expédition] E. FRANCE, Paris, Archives nationales, J 699/67. Original scellé (lettre close).
-
Ici reprise de Charles-Victor Langlois, Le règne de Philippe III le Hardi, Paris, 1887, p. 442-443, n. 24, d'après E [en ligne].
-
Bernard Barbiche, Les actes pontificaux originaux des Archives Nationales de Paris, Cité du Vatican, 1975-1982, II, n. 1724, p. 277.
-
Le pape avertit Philippe III du traité conclu entre Robert de Bourgogne et les hommes de son duché.
-
Martinus episcopus, servus servorum Dei, carissimo in Christo filio Philippo regi Francorum illustri, salutem et apostolicam benedictionem.
Ad notitiam regiam fore credimus jam perductum qualiter inter prelatos ecclesiarum cathedralium et aliarum ac monasteriorum aliorumque locorum ecclesiasticorum necnon et capitula, conventus aliasque personas ecclesiasticas et etiam seculares ducatus, ac dilectum filium nobilem virum, ducem Burgundie, habitus dicitur esse tractatus ut dux ipse a frequenti monetarum mutatione desistens que prelatis, capitulis, conventibus et personis ac ecclesiis, monasteriis, locisque predictis et universaliter omnibus ipsius ducatus incolis asseritur esse dampnosa, de cetero per se suosque successores monetam immutabilem forma, lege ac pondere cudi et fabricari faciat sub certo valore habendam et perpetuo immutabiliter observandam, hoc eidem adjecto tractatu quod de immutabilitate hujusmodi per nos et te solide cautionis remedium prebeatur et quod propter hoc omnes viri ecclesiastici in ducatu existentes eodem de universis proventibus, redditibus et obventionbus ecclesiasticis eidem duci decimam tribuant per biennium continuum colligendam et solvendam per episcopos in suis civitatibus et diocesibus vel per viros idoneos ab ipsis episcopis deputandos ad valorem et taxationem quibus olim taxati fuerunt in decima concessa pro subsidio Terre sancte, nostro in his beneplacito reservato, quodque clerici et laici nobiles et ignobiles conditionis libere de aliis ipsorum proventibus et redditibus per continui biennii spacium decimam similiter duci exhibeant memorato. Populares vero laici talliabiles quilibet locum et focum tenentes per biennium simile V solidos solvere teneantur.
Nos autem quorumdam ex prelatis, capitulis, conventibus et personis eisdem suas nobis super hoc destinantibus litteras precibus inclinati, venerabiles fratres nostros Autissiodorensem et Nivernensem episcopos super hoc per nostras sub certa forma litteras executores duximus deputandos. Quia igitur dubitandum nobis occurrit ne per easdem nostras litteras negocio decime tibi pro prosecutione negotii regni Aragonie ab apostolica Sede concesse aliquod possit prejudicium generari ; quia etiam nequaquam vidimus expedire ut hujusmodi concesse tibi negocium decime prelatis et aliis personis ecetesiasticis ducatus ejusdem prius revelari contingat quam illud eis per dilectum filium nobilem virum Alexandrum de Loese, latorem presencium, regie celsitudini mittimus ad cautelam ut illas tunc demum prefato duci assignari facias cum pensato statu negocii decime supradicte videris expedire.
Ceterum quia in auditu rumorum felicium qui tibi de status nostri continentia nuntiantur animus regius delectatur, tibi tenore presentium intimamus quod per Ejus gratiam a quo bona cuncta procedunt corporea fruimur sospitate, ad exsequendas laboriosi officii nostri partes vigilantibus studiis intendentes.
Datum apud Urbem Veterem, XVI kalendas mensis julii, pontificatus nostri anno tertio. -
Inconnue de Potthast - Absente des registres.
Informations
Acte
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27394 (aposcripta-4101), http://telma.irht.cnrs.fr/chartes/aposcripta/notice/27394 (mise à jour : 09/01/2021).