Général
-
Nicolas V (1447-1455)
-
L'évêque de Vannes
-
III kalendas octobris, anno quinto
-
-
Rome, Saint-Pierre
-
Lettre, général (après 1198, littere cum filo canapis)
-
[Registre de la chancellerie apostolique] R. CITÉ DU VATICAN, Archivio apostolico Vaticano, Registra Avinionensia 397, fol. 329.
-
Ici reprise de Guillaume Mollat, « Études et documents sur l'histoire de Bretagne, XIIIe-XVIe siècle », Annales de Bretagne et des pays de l'Ouest, 22-2, 1906, p. 187-213, aux p. 211-213 [en ligne].
-
Nicolas V charge l'évêque de Vannes de confirmer la fondation de la Chartreuse de Nantes, substituée par Arthur de Richemont à la collégiale des saints Donatien et Rogatien [Mollat].
-
Nicolaus etc.. venerabili fratri episcopo Venetensi, salutem.
Ut sacer ordo fratrum Cartusiensium in agro dominico divina dispositione plantatus in orbem terrarum latius distendatur tanto promptiores merito invenimur, quanto uberiores ex illis fructus proveniunt et ipsi sedulius insistunt profectibus animarum.
Cum itaque, sicut accepimus, in tunc collegiata ecclesia sanctorum Donatiani et Rogatiani extra muros Nannetenses, suppressis in illa dignitate ac canonicatibus et prebendis ceterisque ecclesiasticis beneficiis ab olim inibi fundatis, predictus ordo Cartusiensis institutus ipsaque ecclesia in monasterium eorumdem fratrum erecta, ac in ea et juxta eam claustrum, refectorium, dormitorium et alia necessaria officinia pro usu et habitatione eorumdem fratrum accommoda incepta, necnon inibi dicti fratres qui a venerabili fratre nostro Guillermo episcopo Nannetensi ac aliis christifidelibus donationes receperunt, ac cum dilecto filio Johaime Guillopou, rectore parrochialis ecclesie sanctorum extra muros hujusmodi, in cujus parrochia dictum monasterium existit situatum, super nonnullis differentes inter eos occasione nonnullorum possessionum, jurium et rerum aliarum existentibus, compositiones, concordata, pacta et conventiones inierunt et fecerunt, positi fuere, prout inibi conventualiter degunt ipsi fratres de presenti.
Nos, ad dictum ordinem specialis gerentes devotionis affectum et ad ea libenter intendentes per que ordo ipse ulterius valeat propagari, necnon suppressionem, erectionem, institutionem, donationes, pacta et conventiones hujusmodi et inde secuta omnia et singula rata et grata, et presentibus pro sufficienter expressis ac designatis habentes, dilecti filii nobilis viri Arturi, comitis Richemondie et conestabularii Francie, in hac parte supplicationibus inclinati, fraternitati tue per apostolica scripta mandamus quatinus suppressionem, erectionem, institutionem, operis inceptionem, donationes, compositiones et generaliter omnia alia et singula que pro felici directione ac utilitate monasterii et religiosorum in illo pro tempore degentium facta, acta, gesta, inita et tractata existunt et quecumque inde secuta auctoritate nostra confirmes, et approbes ac suppleas omnes et singulos defectus, si qui forsan intervenerunt in eisdem, et nichilominus priori per quem ipsum monasterium regi volumus et conventui monasterii prefati pro directione et utilitate predictis statuta, consuetudines, ordinationes in eodem monasterio edendi, compositiones, tractatus, conventiones, promissiones, obligationes, concordata, transactiones atque pacta cum quibusvis aliis personis ecclesiasticis vel secularibus de et super quibuscumque bonis et rebus mobilibus et immobilibus faciendi et iniendi, illaque canonica obligatione ac juramento et quacumque alia validatione firmandi, ab ipsisque personis donationes, oblationes et munera, ac quecumque alia que ipsis largitione fidelium concedi aut largiri canonice contigerit recipiendi et acquirendi, ac cetera que eis accommoda sive etiam necessaria fuerunt et que omnia, postquam peracta extiterunt, eadem auctoritate cum simili suppletione defectuum confirmare et approbare procures, condendi, ordinandi et etiam faciendi in ipso ordine, superioris aut cujusvis alterius licentia super hoc minime requisita, licentiam et facultatem eadem auctoritate nostra largiaris.
Volumus autem et auctoritate apostolica decernimus quod monasterium prefatum et in eo pro tempore degentes fratres omnibus et singulis privilegiis, immunitatibus et libertatibus quibus majoris Cartusie et alia monasteria ac fratres ipsius ordinis gaudent et utimtur uti valeant et debeant pariter et gaudere, non obstantibus constitutionibus et ordinationibus apostolicis, necnon ordinis et monasterii predictorum statutis et consuetudinibus, etiam juramento, confirmatione apostolica vel quavis firmitate alia roboratis, ceterisque contrariis quibuscumque.
Datum Rome apud Sanctum Petrum anno etc., millesimo quadringentesimo quinquagesimo primo, tertio Kalendas octobris, pontificatus nostri anno quinto. -
L'abbé Delanoue, Saint Donatien et Saint Rogatien de Nantes, Nantes, 1904, chapitre X, aux p. 134-151.
Informations
Acte
Clara
Lenne
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27337 (aposcripta-4057), http://telma.irht.cnrs.fr/chartes/aposcripta/notice/27337 (mise à jour : 24/05/2024).