Général
-
Innocent III (1198-1216)
-
Les archevêques de Lyon et de Besançon et leurs suffragants, ainsi que les abbés, prieurs, archidiacres, doyens et autres prélats des églises de ces provinces
-
L'abbaye de Balerne
-
XVI kalendas maii, anno octavo
-
-
Rome, Saint-Pierre
-
Mandement (littere cum filo canapis)
-
[Copie moderne] C1. FRANCE, Montmirey-la-Ville, Bibliothèque du baron d'Aligny, ms. 7201, fol. ??. « Cartulaire de Balerne », copie du XVIIe siècle par l'abbé Jules Chifflet, d'après le cartulaire perdu de Balerne (cf. Pidoux de la Maduère, Catalogue de la bibliothèque franc-comtoise du château de Montmirey-la-ville, appartenant au baron d'Aligny, Besançon, 1931, p. 56).
-
[Copie moderne] D1. FRANCE, Besançon, Bibliothèque et archives municipales, Collection Baverel, ms. 38, n. 55, fol. 35v. « Cartulaire de Balerne », copie du début du XIXe siècle par l'abbé J.-P. Baverel, d'après le cartulaire perdu de Balerne (ou la copie de Jules Chifflet) [en ligne].
-
Antonin Bourquin pour APOSCRIPTA, novembre 2024, d'après D1.
-
?
-
Innocent III commande aux archevêques de Lyon et de Besançon de veiller à ce que les privilèges et immunités de l'abbaye de Balerne soient respectés [APO].
-
Innocentius, episcopus, servus servorum Dei, venerabilibus fratribus Lugdunensis et Bisuntino archiepiscopis, et suffraganeis et dilectis filiis abbatibus, prioribus, archidiaconis, decanis et aliis ecclesiarum prelatis in Lugdunensi et Bisuntine provincias, salutem et apostolicam benedictionem.
Non absque dolore cordisa et plurima turbatione didicimus, quod ita in plerisque partibus ecclesiasticab censura dissolvitur et canonice sententie severitas [enervatur], ut viri religiosi et hii maxime qui per Sedis apostolice privilegia majori donati sunt libertate, passim a malefactoribus suis injurias sustineant et rapinas, dum vix [invenitur] qui congrua illis protectione subveniat, et pro fovenda pauperum innocentia se murum deffensionis opponat.
Specialiter autem, dilecti filii abbas et fratres de Balerna, Cisterciensis ordinis, tam de frequentibus injuriis quam de ipso quotidiano defectu justicie conquerentes, universitatem vestram litteris apostolicis excitaric, ut ita videlicet iis in tribulationibus suis contra malefactores eorum prompta debeatis magnanimitated consurgere, quod ab angustiis, quas sustinent, et pressuris vestroe possint presidio respirare.
Ideoque universitati vestre per apostolica scripta commendamus, atque precipimus, quatenus illos, qui possessiones, vel res, seu domos predictorum fratrum, vel hominum suorum, irreverenter invaserint, aut eaf injuste detinuerint, que predictis fratribus ex testamento decedentium reliquuntur, seu in ipsos fratres contra Apostolice Sedis indulta, sententiam excommunicationis aut interdicti presumpserint promulgare, vel decimas laborum, seu nutrimentorum ipsorum, spretis Apostolice Sedis privilegiis, extorquere, monitione premissa, si laici fuerint, publice candelis accensis, excommunicationis sententia percellatisg : si vero clerici vel canonici regulares, seu monachi fuerint, eos appellatione remota ab officio et beneficio suspendatis, neutram relaxaturi sententiam, donec predictis fratribus plenarie satisfaciant, et tam laici quam clerici seculares, qui pro violenta manuum injectione anathematis vinculo fuerint innodati, cum litteris diocesani episcopo ad sedem apostolicam venientesh ab eodem vinculo mereantur absolvi.
De monachis vero et canonicis regularibus id servetur, ut si ejusdem claustri fratres manus ipsi injecerint violentas per abbatem proprium, si vero unius claustre fratrem in fratrem alicujus claustri, hujusmodi presumpserint violentiam exercere, per injuriam passi et inferentes, abbates absolutionis beneficium assignatur, etiam si eorum aliqui, priusquam habitum reciperent regularem, tale aliquid commiserint, propter quod ipso actu excommunicationis sententiam intervissent ; nisi actus ipsorum esset difficilis et enormis, utpote si esset ad mutilationem membra vel sanguinis effusionem processum, aut violenta manus in episcopum vel abbatem injecta, cum excessus tales et similes sine scandalo nequeant preteriri.
Si vero in clericos manusi injecerint pro vitando scandalo mittantur ad sedem apostolicam absolvendi ; villas autem in quibus bona predictorum fratrum vel hominum suorum per violentiam detenta fuerint, quandiu ibi sunt, interdicti sententie supponatis.
Datum Rome apud Sanctum Petrum, XVI kalendas maii, pontificatus nostri anno octavo. -
(a) ms. : ordinis.
-
(b) ms. : ut ecclesiastica.
-
(c) ms. : excitare.
-
(d) ms. : magnimitate.
-
(e) ms. : nostro.
-
(f) ms. : res.
-
(g) ms. : praecollatis.
-
(h) ms. : venirentur.
-
(i) ms. : majus.
-
Inconnue de Potthast.
Informations
Acte
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193523 (aposcripta-41213), http://telma.irht.cnrs.fr/chartes/aposcripta/notice/193523 (mise à jour : 25/11/2024).