Général
-
Boniface VIII (1294-1303)
-
à renseigner
-
II kalendas iulii, pontificatus nostri anno primo.
-
-
Anagni
-
n.c.
-
[Expédition] E. Barcelone, Arxiu de la Corona d’Aragó, Reial Cancelleria, Butlles, lligall 19, núm. 35. a Butlla amb fil de cànem.
-
[Registre de la chambre apostolique] R. CITÉ DU VATICAN, Archivio apostolico Vaticano, Registra Vaticana??, fol. ??.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 520.
-
b THOMAS, Registres de Boniface VIII, I, col. 81, doc. 213 (en part). c Domínguez Sánchez, Documentos de Bonifacio VIII, p. 147-148, doc. 69. d Potthast, Regesta Pontificum Romenorum, doc. 24118. e MIQUEL ROSELL, Regesta, p. 132, doc. 238. f Schedario Baumgarten, II, p. 496, doc. 4473.
-
Georges Digard, Maurice Faucon, Antoine Thomas, Robert Fawtier, Les registres de Boniface VIII. Recueil des bulles de ce pape, Paris : Albert Fontemoing (BÉFAR), 1884-1939, n. ??? [en ligne].
-
?
-
?
-
Potthast, Regesta pontificum Romanorum, n. ??? [en ligne].
-
?
-
Bonifaci VIII dóna instruccions a Guillem, cardenal prevere de Sant Climent, per l’execució del tractat de pau (d’Anagni). [Schmidt et Sabanés i Fernandez].
-
Bonifatius VIII episcopus servus servorum Dei, dilecto filio Guilelmo tituli sancti Clementis presbitero cardinali salutem et apostolicam benedictionem.
Rex pacificus cuius locus est factus in pace, civitati Ierusalem quam dilexit, pacem posuit fines eius. Hanc profecto pressius amplectens et osculans ortus et vite tempore, cum hiis etiam qui illam oderant immutabiliter coluit et exemplariter predicavit. Hec inquam hereditarius census ipsius, sicut perpetuum mansurumque peculium bellum auferens turbinemque dissolvens succidit odia, producit concordias, lites tollit et dum legibus dissidio fremente silentibus, dat vigoris presidium, firmat regnantium solia, multiplicat populos eisque tempora tribuit, placida tranquillitate iocunda.
Sane manifesta evidentia facti notoriat nullumque fere angulum orbis latet qualiter ex occupatione ac invasione insule Sicilie facta per quondam Petrum olim regem Aragonum sancta Romena ecclesia iniuriis propulsata pergravibus inter multos fideles principes orbis terre gravia et periculosa sunt orta dissidia, ex quibus animarum pericula, corporum strages, facultatum lapsus et sicut supponunt multorum sana iudicia, terre sancte perditio, proch dolor, provenerunt. In quibus dolentes et flentes amare, precipue post apicem apostolatus assumptum, ex instructione ipsius pacis auctoris, “oculos levantes ad montem, unde venit auxilium”, ad supputanda predicta discrimina propensiori studio et cura sollicita, vias quesivimus perscrutando profunda consilia, per que pacis lenitas turbata claresceret et quies transfuga communi desiderio affectata rediret, sicque suffragio divine potentie, nostrum adiuvante propositum, devenit ad terminum quod inter carissimos in Christo filios nostros Phylippum Francorum et Carolum Sicilie reges illustres, dilectum filium nobilem virum Carolum Alanzonis et Valesie comitem et Iacobum natum quondam Petri olim regis Aragonum supradicti, inter quos gravis admodum et diuturna contentio mundo attulit calamitates et bella, prout scire te novimus, tractatus pacis est habitus in nostra presentia et firmatus.
Quocirca discretioni tue per apostolica scripta mandamus, quatinus cum personam tuam, de cuius gratiis et virtutibus tibi concessis a domino interne ac sincere confidimus, pro votiva et actuali executione tractatus eiusdem, ad ultramontanas partes providerimus destinandum, secundum possibilitatem tibi ex alto concessam, sic sensus prepares intellectum acuas, spiritus accendas, quod iuvantia finem prosperum tractatus ipsius investiges sollicite, edifices provide, plantes attente ac ledentia quelibet dissipes evellas ac destruas quod assistente superna gratia per tuum laudabile ministerium et attentum, ad laudem divini honoris et nominis et fidei christiane profectum, nostrum desiderium in predictis efficaciter impleatur, et sicut te oraculo vice vocis instruximus, ubicumque circa explicationem tractatus eiusdem aliquis se nodus dubitacionis ingesserit, qui te forsitan in perplexo deduceret, oculos convertentes ad Christum, quantum cum ipso poteris, conformes tue conscientie gremium ad id potius, quod predicte perfectioni proficiat, quam quod ipsam per obstaculum alicuius ingesti prepedii aliquo modo ledat. Nosti quidem quod in hiis que facta contingunt de iuris prudencia, determinacio certa non traditur, sed ius dicentis et exequentis providencie committuntur. In premissis ergo ubi precipue casus emerserit, qui per commissiones factas tibi et informationes nostras videatur omissus, sic te geras tractabilem et humanum, quod rigorem mansuetudine tua provisio temperet et ad equitatis dulcedinem per modestos et explicitos terminos circumspectio provida se cum gratia humane amabilitatis inclinet.
Datum Anagnie, II kalendas iulii, pontificatus nostri anno primo. -
n. c.
Informations
Acte
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192847 (aposcripta-40588), http://telma.irht.cnrs.fr/chartes/aposcripta/notice/192847 (mise à jour : 14/06/2024).