Général
-
Boniface VIII (1294-1303)
-
Le roi d'Aragon, Jacques II
-
VII kalendas iulii, pontificatus nostri anno primo
-
-
Anagni
-
n.c.
-
[Expédition] E. Barcelone, Arxiu de la Corona d’Aragó, Reial Cancelleria, Butlles, lligall 19, núm. 29. a Existeix fil de seda. Butlla perduda.
-
[Registre de la chambre apostolique] R. CITÉ DU VATICAN, Archivio apostolico Vaticano, Registra Vaticana??, fol. ??.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 516.
-
b Domínguez Sánchez, Documentos de Bonifacio VIII, p. 141-142, doc. 62. c THOMAS, Registres de Boniface VIII, I, col. 67, doc. 181. d MIQUEL ROSELL, Regesta, p. 130, doc. 234. e Schedario Baumgarten, II, p. 594, doc. 4465.
-
Georges Digard, Maurice Faucon, Antoine Thomas, Robert Fawtier, Les registres de Boniface VIII. Recueil des bulles de ce pape, Paris : Albert Fontemoing (BÉFAR), 1884-1939, n. ??? [en ligne].
-
?
-
?
-
Potthast, Regesta pontificum Romanorum, n. ??? [en ligne].
-
?
-
Bonifaci VIII concedeix al rei Jaume II d’Aragó la dispensa de l’impediment de consanguinitat o afinitat en quart grau o en tercer i quart, per contraure matrimoni amb Blanca d’Anjou, filla del rei Carles II de Sicília (Nàpols i d’Anjou), amb qui signa el tractat de pau (d’Anagni). [Schmidt et Sabanés i Fernandez].
-
Bonifacius episcopus, servus servorum Dei, Iacobo Aragonum regi illustri salutem et apostolicam benedictionem.
Et si inter illos qui consanguinitatis vel affinitatis nexu iunguntur, instituta sacrorum canonum matrimonialem copulam interdicant, summus tamen pontifex ex potestatis plenitudine quam non ab homine obtinet, sed a deo personarum et temporum qualitate pensata utiliora prospiciens, nonnumquam rigorem iuris, maxime circa sublimes personas pro pace regnantium et regnorum mansuetudine temperat et quod negat arta severitas, benignitas provide dispensationis indulget.
Cum igitur inter carissimum in Christo filium nostrum Carolum Sicilie regem illustrem et te tractatus pacis sit habitus et firmatus, qui si ad votivum perducatur effectum auctore domino statum producet quietis inter maiores fideles principes orbis terre, et in eodem tractatu devenerit quod tu Blance dicti regis nate, cui ex pluribus diversisque lateribus in quarta vel ad plus tertia et quarta consanguinitatis seu affinitatis iungeris linea matrimonialiter copuleris, supplicatum fuit nobis humiliter quod tu et prefata Blanca impedimentis consanguinitatis seu affinitatis huiusmodi non obstantibus, matrimonium inter vos licite valeatis contrahere cum dispensatione plenitudinis apostolice potestatis. Nos vero vicarii licet immeriti pacis auctoris, qui facit concordiam in sublimibus suis inter eundem regem et te, inter quos gravis admodum diuturna et dissidiosa contentio mundo attulit calamitates et bella, reformari pacis federa cupientes, propter statum miserabilem terre sancte precipue que fidelium principum orbis terre distractorum invicem ad concertationes et prelia subsidii debiti dampna plorat, ad reparationem quoque status dicti regis ac regni Sicilie, multis concussi turbinibus et agitati procellis, specialem nec immerito habentes considerationis intuitum quod tu et Blanca prefata, etiam si ex duobus tribus pluribus diversisve lateribus in quarta vel ad plus tertia et quarta consanguinitatis seu affinitatis vos contingatis linea, matrimonium inter vos libere contrahere valeatis, non obstantibus impedimentis predictis auctoritate apostolica dispensamus, prolem suscipiendam ex vobis legitimam decernendo.
Nulli ergo omnino hominum liceat hanc paginam nostre dispensationis et constitutionis infringere vel ei ausu temerario contraire. Siquis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum.
Datum Anagnie, VII kalendas iulii, pontificatus nostri anno primo. -
n. c.
Informations
Acte
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192843 (aposcripta-40584), http://telma.irht.cnrs.fr/chartes/aposcripta/notice/192843 (mise à jour : 19/06/2024).