« Acte de Philippe IV le Bel et Jeanne de Champagne s’engageant à défendre le chapitre Notre-Dame de Paris contre le pape »
Général
-
-
Le chapitre Notre-Dame de Paris
-
Lettre de sauvegarde
Identification du témoin
-
Lettre de sauvegarde
FranceParisArchives NationalesK//37, n° 18Original
Identification de l'édition
-
Georges Picot, Documents relatifs aux Etats généraux et assemblées réunis sous Philippe le Bel, Collection de Documents inédits sur l'Histoire de France, Paris, 1901, p. 60-61, n° XXI.
Sceau
-
non
Analyses
-
Lettre de sauvegarde adressée par Philippe IV le Bel, avec l'accord de sa femme, Jeanne de Champagne, et de ses fils Louis et Philippe, aux doyen, chapitre et chanoines de l'église de Paris, et spécialement contre le pape Boniface VIII.
Texte
-
Philippus, Dei gratia Francorum rex. Universis presentes litteras inspecturis salutem. Cum prelatos, baronis et alios fideles et subditos nostros defendere teneamur, nos dilectis nostris decano et capitulo ecclesie Parisiensis, necnon singulalibus canonicis et personis ejusdem ecclesie, promisimus quod personas suas, statum et libertates ipsius ecclesie sue consanguineorum, parentum, affinium, amicorum et subditorum suorum qui de adherentibus fuerunt et aliorum adherentium et adherere volencium, efficaciter deffendemus, sibique assistemus in eorum deffensensione [sic] contra omnem hominem qui vellet statum, honorem libertates et jura predicta infringere, vel etiam anullare. Et specialiter contra B[onifacius], nunc Ecclesie Romane regimini presidentem, qui multa contra nos, ipsum et alios prelatos et regnum dicitur commitatus fuisse. Nec nos ab eo et suis, ut premissum est, nec ipsos a nobis in defensione predicta separabimus nec etiam excludemus, faciemus de convocacione concilii generalis, quod alias promisimus, sicut in instrumentis publicis inde confectis plenius continetur. Cumque tam nos, quam prelati et barones regni nostri sub certis formis provocaverimus, et in scriptis, ne dictus B[onifacius] convictus occasione premissorum vel aliquorum ex eis procederet contra nos, prelatos, barones, subditos nostros, prout in instrumentis publicis inde confectis plenius continetur, promittimus quod, si dictus B[onifacius], jam forte processerit occasione premissorum vel quia prelati per nos retenti pro defensione necessaria regni nostri post ejus vocacionem ex inopinato emergente, ad vocacionem hujusmodi non iverunt, sed ad requisicionem nostram se ex causis legitimis excusarunt, vel procedat, pendente negotio dicti concilii, vel etiam terminato premissorum occasione, quocumque quesito colore, excomunicando, interdicendo, suspendendo, deponendo, absolvendo a juramento fidelitatis vel homagii aut alterius quilibet obligationis vinculo, seu alias quoquo modo contra nos, prelatos, barones, consanguineos, parentes, affines, amicos vel subditos eorumdem, vel alios adherentes vel adherere volentes, nos dictis prelatis, baronibus et aliis adherentibus et adherere volentibus, assistemus et defendemus eosdem, nec nos separabimus ab eis, nec absolucionibus a juramentis quibuslibet in presenti negotio in animam nostram factis vel prestitis per quoscumque, vel aliis quibuscumque relaxacionibus indultis, vel indulgendis impetratis vel impetrandis ultro oblatis vel concessis, offerendis, vel etiam concedendis, utemur, immo semper eisdem prelatis, baronibus et aliis adherentibus vel adherere volentibus, adherebimus. Nos heredesque nostros, ad omnia premissa et singula premissorum inviolabiliter observanda specialiter obligantes, et expropositis sacrosanctis Evangelis tenere et adimplere jurari fecimus in presencia nostra et in animam nostram per dilectum et fidelem nostrum comitem Sancti Pauli. Ceterum carissime consorti nostre Johanne, regine Francie, ac carissimo Ludovico, primogenito, et Philippo, secundogenito, natis nostris, et baronibus supradictis, damus presentibus in mandatis ut eisdem decano, capitulo singulisque canonicis et personis omnia et singula premissa promittant, seque expresse ac specialiter obligent ad observacionem eorumdem, et similibus juramentis astringant. Nos vero per promissiones et juramenta que ipsi decanus et capitulus super premissis et premissa tangentibus nobis fecerunt et prestiterunt, non intendimus nec volumus novum homagium, juramentum seu aliam novam servitutem in ipsis decano et capitulo singularibusque canonicis, et personis ejusdem ecclesie et in ipsorum etiam successoribus in aliis acquirere in futurum. Nos autem Johanna, Dei gratia Francie et Navarre regina, Campanie Brieque comitissa palatina, nosque Ludovicus et Philippus prefati, premissa omnia et singula tenere firmiter et fideliter adimplere, quantum ad nos pertinet, vel in futurum pertinere poterit, promisimus et prefatum comitem Sancti Pauli in animas nostras jurari fecimus, nos, heredes et successores nostros ad hoc expresse et specialiter obligantes. Nos vero prenominatus rex premissa omnia et singula per prefatos consortem et liberos nostros de mandato nostro promissa, jurata et predictas obligaciones modo predicto factas fuisse testamur. Et ad majorem cautelam, sigillum nostrum nos, regina predicta, litteris hiis appendi fecimus, una cum sigillo prefati domini nostri regis. Datum Parisius, die martis post festum sancti Laurencii. Anno Domini millesimo tricentesimo tertio.
-
Philippe IV le Bel, roi de France
Jeanne de Champagne, reine de France
Louis X, roi de France
Philippe V, roi de France
Boniface VIII, pape
-
Paris
Bibliographie
-
Georges Picot, Documents relatifs aux Etats généraux et assemblées réunis sous Philippe le Bel, Collection de Documents inédits sur l'Histoire de France, Paris, 1901, Introduction, p. V-LII.
Informations
Acte
Lelde
Strake
(Sorbonne-Université), dans
Actes des femmes de pouvoir
label.quote.actes-des-femmes-de-pouvoir