Description
-
Clément VI (1342-1352)
-
Stephanum Minoritam ecclesiae Ruben. (Ruvo in Apulia) praeficit in episcopum.1
-
1349, ianuarii 26, Avinione.
-
1349
-
Venerabili fratri Stephano episcopo Ruben.
Apostolatus officium etc. Dudum siquidem bonae memoriae Ioanne episcopo Ruben.a regimini Ruben. ecclesiae praesidente nos ... provisionem eiusdem ecclesiae ordinationi et dispositioni nostrae et sedis apostolicae ea vice duximus specialiter reservandam etc. Postmodum vero praedicta ecclesia per obitum eiusdem Ioannis, qui extra Romanam curiam diem clausit extremum, pastoris solatio destituta, nos ad provisionem ipsius ecclesiae celerem et felicem ... intendentes ... post deliberationem, quam super his cum fratribus nostris habuimus diligentem, demum ad te ordinis fratrum Minorum professorem, in sacerdotio constitutum, litterarum scientia praeditum, morum ac vitae honestate decorum, in spiritualibus providum et in temporalibus circumspectum ac aliis multiplicium virtutum meritis laudabiliter insignitum, convertimus oculos nostrae mentis. Quibus omnibus debita meditatione pensatis, de persona tua nobis et fratribus nostris ob tuorum exigentiam meritorum accepta praefatae Ruben. ecclesiae de dictorum fratrum nostrorum consilio auctoritate apostolica providemus teque illi praeficimus in episcopum et pastorem, curam et administrationem ipsius Ruben. ecclesiae tibi tam in spiritualibus quam in temporalibus plenarie committendo, et subsequenter per venerabilem fratrem nostrum Bernardum episcopum Portuen. apud sedem apostolicam tibi fecimus munus consecrationis impendi etc. Datum Avinione, VII kalendas februarii, anno septimo.
In eumdem modum archiepiscopo Baren., capitulo ecclesiae Ruben., clero ac populo civ. et dioec. Ruben.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°485., pp.222-223
-
Reg. Vat. t. 188 (Clem. VI a. 7, l. 4, p. 1), ep. 218; Wadd. l. c. reg. pont. Clem. VI, p. 2, n. 44.
1 -
(a) Anno 1344 promoto.