« bullarium-franciscanum-3699 »


Description

  •  
    Jean XXII (1316-1334)

  •  
    Eximit idem monasterium a praestandis decimis aliisque contributionibus.1

  •  
    1320, septembris 24, Avinione.

  •  
    1320


  •  

    Dilectis in Christo filiabus abbatissae et conventui monasterii sororum inclusarum sancti Corporis Christi Neapolitan. ordinis sanctae Clarae.

    Sacra vestra religio, quae in monasterio vestro a vobis sub onere paupertatis iugiter colitur, sic a vobis mundanae dissolutionis relegavit illecebras etc. Hinc est, quod nos pium et congruum reputantes, ut vos illa prosequamur gratia, quam vestris necessitatibus conspicimus opportunam, vobis auctoritate praesentium indulgemus, ut ad praestationem decimarum de quibuscunque possessionibus et aliis omnibus bonis vestris, quae in praesentiarum habetis et iustis modis praestante Domino acquisiveritis in futurum, vel ad contribuendum in procurationibus quorumlibet ordinariorum et etiam legatorum et nuntiorum sedis apostolicae, et quibuslibet talliis et collectis, et ad exhibendum paedagia, telonia et alias exactiones quibusvis regibus, principibus seu aliis personis saecularibus minime teneamini nec ad id compelli aliquatenus valeatis, omnes sententias excommunicationis, suspensionis et interdicti, quas contra haec in personas vestras seu praefatum monasterium proferri contigerit, decernentes tenore praesentium irritas et inanes. Nulli ergo etc. Datum Avinione, VIII kal. octobris, anno quinto.


  •  
    Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°408., p.191

  •  
    Reg. Vat. t. 71, ep. 460, apud Wadd. l. c. reg. pont. Io. XXII, n. 90.

    1

Informations

Document

bullarium-franciscanum admin (IRHT), dans  Bullarium Franciscanum

Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 155612 (bullarium-franciscanum-3699), http://telma.irht.cnrs.fr/chartes/en/bullarium-franciscanum/notice/155612 (mise à jour : 26/01/2021).