« bullarium-franciscanum-3698 »

Universis Christi fidelibus praesentes litteras inspecturis.

Speciosus forma et plenus gratia etc. Cum itaque carissima in Christo filia nostra Sanctia regina Siciliae illustris, offerre Deo cupiens piae mentis gratissimum holocaustum, ob ipsius reverentiam et gloriosissimae Virginis matris eius in civitate Neapolitana monasterium sororum fundandum duxerit et etiam construendum, quod « sancti Corporis Christi » vulgariter nuncupatur,a ubi chorus virgineus sororum ordinis sanctae Clarae in copioso numero gratum Altissimo praebeant famulatum: nos cupientes, ut erga dictum monasterium fidelium devotio augeatur et ad eius ecclesiam dicti fideles spiritualibus allecti muneribus in iubilo mentis frequenter accedant dona divinae gratiae percepturi, omnibus vere poenitentibus et confessis, qui in festo eiusdem sancti Corporis, quod in die Iovis sancto et post festumb Pentecostes quinta feria celebratur, annum unum, eis vero, qui in ipsarum festivitatum octavis ad dictam ecclesiam devote accesserint annuatim, de omnipotentis Dei misericordia et beatorum Petri et Pauli apostolorum eius auctoritate confisi, centum dies de iniunctis eis poenitentiis misericorditer relaxamus. Datum Avinione, VIII kal. octobris, anno quinto.