Description
-
Boniface VIII (1294-1303)
-
Pallium confert Fr. Jacobo O. Minorum ad Archiepiscopalem Jaderensem Sedem evecto. ex Reg. Vat. Pont. ep. 242. anni 5.
-
Anno 1299. die 1. Julii.
-
1299
-
BONIFACIUS &c.
Venerabili Fratri Jacoboa Archiepiscopo Jadren. Sal. & Apostolicam Benedict.
Cum Palleumb, insigne videlicet Pontificalis Officii, a Nobis cum ea, qua decuit, instantia postulasses, Nos tuis supplicationibus annuentes, ipsum de Corpore Beati Petri sumptum tibi per dilectos filios nostros Matthæumc Sanctæ Mariæ in Porticu, Neapoleonemd Sancti Adriani, Petrume Sanctæ Mariæ Novæ, & Richardumf Sancti Eustachii Diaconos Cardinales duximus assignandum, præstito a te nostro, & Ecclesiæ Romanæ nomine fidelitatis solitæ juramento, ut illo intra Ecclesiam tuam illis diebus utaris, qui expressi in ipsius Ecclesiæ privilegiis continentur; Ut signum igitur non discrepet a signato, sed quod geris exteriùs intus serves in mente, Fraternitatem tuam monemus attentiùs, & hortamur, quòd humilitatem, & justitiam, dante Domino, qui dat munera, & præmia elargitur, observare studeas, quæ suum servant, & promovent servatorem, & Jadren. Ecclesiam sponsam tuam cures sollicite, auctore Domino, incrementis in spiritualibus, & temporalibus ampliare. Datum Anagniæ Kalendis Julii, Pontificatus nostri Anno Quinto.
-
Bullarium Franciscanum romanorum pontificum, tomus IV, n°CLXX., p.489
-
(a) Jacobo: de quo in proxime superiori epist. no. (f).
-
(b) Palleum: meliùs Pallium, quod quid sit, & cur a B. Petri corpore sumptum asseratur, jam diximus in notis ad epist. 409. Nicolai IV. supra pag. 215. no. (e h).
-
(c) Matthæum: Rubeum Ursinum aliàs commemoratum.
-
(d) Neapoleonem: Ursinum Romanum a Nicolao IV. Sacra Purpura insignitum anno 1288. atque e vivis sublatum Avenione anno 1347. sub Clemente VI. Oldoini in nova addit. ad Ciacon.
-
(e) Petrum: Valerianum nobilem Privernatem, de quo alibi.
-
(f) Richardum: Petronum nobili genere Senis ortum, ac in utroque jure peritissimum, qui a Bonifacio VIII. inter Diaconos Cardinales cooptatus an. 1298. die 4. Decembr. Januæ, ubi Legationis munere fungebatur, vitam absolvit, vel an. 1313. ut tuetur Ciaconius, vel 1314. die 10. Febr. ut vult Contelorius. Ejus ossa Senas translata, ibidem in Ecclesia principe marmoreo condita tumulo requiescunt. Oldoini.