Description
-
Boniface VIII (1294-1303)
-
Infrascripto ex Ord. Min. ad O. B. translato administrationes Regulares permittit, quibuscumque in contrarium non obstantibus. ex Vat. Reg. Pontif. epist. 486. anni 2.
-
Anno 1296. die 27. Septembr.
-
1296
-
BONIFACIUS &c.
Dilecto filio Amadeo de Sabaudiaa Monacho Monasterii S. Justib Segustiæc Ord. S. Benedictid Taurinen. Diœcesis Salutem, & Apostolicam Benediction.
Dum tuæ devotionis laudabilia merita, super quibus multipliciter commendaris, paterna consideratione pensamus, Apostolico te favore dignum conspicimus, & prærogativa gratiæ specialiter attollendum. Cum itaque, sicut ex tenore tuæ petitionis accepimus, tu olim Ordinem Fratrum Minorum professus ad Ordinem S. Benedicti Superioris tui super hoc obtentâ licentiâ te duxeris transferendum, dictumque Ordinem S. Benedicti professus in illo jamdiu fueris, prout fide dignorum comperimus testimonio, laudabiliter conversatus; Nos volentes dictorum intuitu meritorum personam tuam favore prosequi gratiæ specialis, tecum ut ad administrationes regulares animarum curam habentes, vel non habentes prædicti Sancti Benedicti dumtaxat Ordinis assumi licite valeas, fel. record. Nicolai Papæ IV. & alia quacumque constitutionee super hoc in contrarium edita non obstante, auctoritate Apostolica de speciali gratia dispensamus. Nulli ergo omnino hominum liceat hanc paginam nostræ dispensationis infringere &c. Datum Anagniæ V. Kalendas Octobris, Pontificatus nostri Anno Secundo.
-
Bullarium Franciscanum romanorum pontificum, tomus IV, n°XCV., p.417
-
(a) De Sabaudia: Italis la Savoja regione Galliæ Narbonensis sub ditione proprii Principis, cui etiam Pedemontium paret.
-
(b) Monast. S. Justi: liberalitate locupletati priscorum Segusiensium Marchionum. In ejus Ecclesia cineres requiescunt S. Justi Martyris, & hac fortasse de causa S. Justi titulum assumpsit. De illo per transennam agit Mabillonius ad an. Chr. 1106. lib. 71. Annal. n. 19. At fusiùs Martinerius in Lexico ad vocem Suse.
-
(c) Segustiæ: meliùs Segusii antiquissimæ Urbis Italiæ, olim in Gallia Subalpina, nunc in Pedemontio ad fluvium Duriam sub dominio Ducis Sabaudiæ.
-
(d) O. S. Benedicti: tunc temporis, at nunc Canonicorum Regularium, qui illis successere, teste laud. Martinerio ibidem.
-
(e) Constitutione: incipiente In vestri Ordinis data die 14. Maii 1288. & a nobis exhibita supra pag. 20.