Description
-
Nicolas IV (1288-1292)
-
In eumdem modum Dilectis filiis ‥ Decano Colimbrien., Cantori, & ‥ Archidiacono Ulixbonen. Ecclesiarum &c. Per alias nostras litteras &c., (ut in proxima superiori usque) plumbeo sigillo munitas, tam dilectis filiis ‥ Priori Prædicatorum, & ‥ Guardiano Minorum Fratrum Ulixbonen. 1 seu eorum vicem gerentibus Ecclesiæ Romanæ nomine, quàm dicto Archiepiscopo, & singulis Episcopis &c. (usque) manifestiùs exprimitur. Volentes itaque hujusmodi promissionem dicti Regis non solùm quoad eos, qui præsentes in eadem Curia fuerint, verùm etiam quoad omnes, quorum intererit, licèt præsentes non fuerint, plenum robur, & efficaciam obtinere, vobis communiter, & cuilibet vestrum singulariter in solidum stipulandi a memorato Rege præmissa, & recipiendi super omnibus prædictis promissionem ab ipso pro dictis Archiepiscopo Episcopis Ecclesiis Capitulis personis ecclesiasticis & omnibus aliis, quorum interest, vel in futurum interesse poterit, plenam & liberam concedimus de Apostolicæ potestatis plenitudine facultatem. Ita, quòd ex stipulatione vestra, sive cujuslibet vestrum, seu ex promissione facta vobis, aut vestrum cuilibet perinde omnibus & singulis, quorum interest, seu in futurum intererit, actio acquiratur, ac si per se ipsos præsentialiter, eadem a sæpefato Rege stipulata fuissent, sive promissionem hujusmodi recepissent. Ceterum volumus, & præsentium vobis auctoritate mandamus, quatenus quidquid super iis, seu aliquis vestrum duxeritis faciendum, Nobis per vestras litteras &c. ut supra usque in finem. Datum ut supra.
-
Anno 1289. die 21. Martii.
-
1289
-
Bullarium Franciscanum romanorum pontificum, tomus IV, n°XCIII., pp.64-65
-
Ulixbonen.: de quo Conv. FF. Min. meminimus alibi, & præcipue to. 3. fol. 95. 203. & 205.
1
Informations
Document
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 154406 (bullarium-franciscanum-2493), http://telma.irht.cnrs.fr/chartes/en/bullarium-franciscanum/notice/154406 (mise à jour : 26/01/2021).