Description
-
Nicolas IV (1288-1292)
-
Ut quinquies in anno cum 8. honestis mulieribus ingredi possit Monasterium S. Mariæ de Garda Ord. S. Claræ. ex Reges. Vatic. Pontif. epist. 322. anno 1.
-
Anno 1289. die 20. Februar.
-
1289
-
NICOLAUS &c.
Dilectæ in Christo Filiæ Nobili Mulieri Johannæa Comitissæ Blesensib Salutem, & Apostolicam Benedictionem.
Ex devotionis tuæ meritis provenire conspicitur, ut Apostolicæ Sedis benignitas consueta personam tuam in iis, quæ digne postulas, favorabiliter prosequens, Tibi se reddat ad gratiam liberalem. Hinc est, quòd Nos tuis devotis supplicationibus inclinati, ut Monasterium de Gardac Beatæ Mariæ Ordinis S. Claræ Carnotensis Diœcesis, quod quondam Johannesd Comes Blesensis Pater tuus propriis sumptibus fundasse dicitur, pariter & dotassee, Tuque ad idem Monasterium gerens ex hoc piæ devotionis affectum, de bonis tuis eidem Monasterio plura bona, pietatis intuitu, diceris contulissef, cum octo honestis Matronis quinquies in anno ingredi valeas, dummodo Tu, & ipsæ Matronæ infra domos habitationi Sororum ipsius Monasterii deputatas non edatis, vel etiam pernoctetis, non obstantibus contrariis ejusdem Ordinis consuetudinibus, vel statutis, devotioni tuæ auctoritate præsentium indulgemus. Nulli ergo omnino hominum liceat hanc paginam nostræ concessionis infringere &c. Datum Romæ apud S. Mariam Majorem X. Kalendas Martii, Pontificatus Nostri Anno Primo.
-
Bullarium Franciscanum romanorum pontificum, tomus IV, n°LXXXII., pp.53-54
-
(a) Johannæ: de Castillione Joannis Comitis Blesensis filiæ, & Petri nati S. Ludovici Regis uxoris ex Vaddingo ad ann. 1288. n. 41., & 15. epist. hujus Pontificis anno superiore die 27. April. data.
-
(b) Blesensi: vulgò Blois, de qua Civitate dictum est ad præfatam 15. epist.
-
(c) De Garda; al. de Custodia Gallice Garde.
-
(d) Joannes: de Castillione ut supra, Oppido in Gallia.
-
(e) Dotasse: anno 1277., ut velle videtur Vaddingus ad eum ann. n. 23. reipsa tamen sub Martino IV. res cœpit effectui mandari in Oppido Guyschiæ ab urbe Blesensi 5. mil. pas. distante, al. Colonges.
-
(f) Contulisse: quod & refertur in cit. 15. epistola incip. Ex parte vestra &c.