Description
-
Martin IV (1281-1285)
-
Sententiam ab Episcopo Tarvisino in hac causa latam cognoscant, & de jure procedant. (Ex Autographo Archivi Veneti Monasterii S. Claræ a N. V. Flaminio Cornelio in Hist. Eccles. Venet. tom. 6. vulgato.)
-
Anno 1283. die 15. Februarii.
-
1283
-
MARTINUS &c.
Venerabili Fratri …a Episcopob , & Dilectis Filiis … Archipresbytero, & Joanni de Abbatibus Canonico Paduano Sal., & Apostolicam Benedictionem.
Sua Nobis … Præceptor, & Fratres Domus Militiæ Templic Sancti Thomasii Tervisini petitione monstrarunt, quòd cum … Priorissa & Conventus Sancti Paulid Tervisini secundum Instituta Fratrum Prædicatorum viventes, ac … Priorissae, & Conventus Sanctæ Mariæ de Cellaf Venetiarum Ordinis Sanctæ Claræ Monasteriorum Castellanæ Diœcesisg super quibusdam Terris, possessionibus, & rebus aliis in Tervisina Diœcesi consistentibus, quas iidem Priorissa, & Conventus ad se, ac eadem Monasteria communiter pertinere mendaciter asserebant; eos coram Venerabili Fratre Nostro …h Episcopo Tervisinoi auctoritate ordinariâ traxissent in causam; idem Episcopus in hujusmodi causâ procedens contra dictos Præceptorem, & Fratres definitivam sententiam promulgavit iniquam; a qua ipsi ad Sedem Apostolicam appellarunt. Quocirca Discretioni vestræ per Apostolica scripta mandamus, quatenus legitimè in appellationis causâ procedentes sententiam ipsam confirmare, vel infirmare, appellatione remotâ, curetis, sicut de jure fuerit faciendum. Quòd si non omnes iis exequendis potueritis interesse, tu Frater Episcope, cum eorum altero ea nihilominus exequaris.
Datum apud Urbemveterem xv. Kalendas Martii, Pontificatus Nostri Anno Secundo.
-
Bullarium Franciscanum romanorum pontificum, tomus III, n°XLII., p.504
-
(a) Ven. Fratri …: Joanni Baptistæ Transalgardo al. Capilistio.
-
(b) Episcopo: Patavino hoc anno defuncto ex Ughello to. 5. Ital. Sac.
-
(c) Militiæ Templi: Anno 1311. in Concilio Viennensi extinctæ.
-
(d) Conventus S. Pauli: De quo sermo fuit in ep. 110. Urbani IV. Dudum inter Ven. &c. an. 1263. data.
-
(e) Priorissa: Legerem Abbatissa, uti Clarissarum Præfecta vocari solet.
-
(f) S. Mariæ de Cella: Al. S. Mariæ Matris Domini.
-
(g) Castellanæ Diœcesis: Nunc Venetiarum dictæ.
-
(h) Fratre Nostro …: Prosavio ex catalogo Episcoporum illius Ecclesiæ apud Ughellum to. 5. Ital. Sac. num. 47.
-
(i) Tervisino: Leg. Tarvisino in Veneta Provincia tunc sub Aquilejensi Patriarcha constituto.