« bullarium-franciscanum-1811 »

Document | bullarium-franciscanum/notice/153724
plus d'informations

Description

  •  
    Clément IV (1265-1268)
  •  
    Ne conveniri possint coram sæculari judice, neve quibusdam coactionibus gravari. (Ex tom. 1. Bullarii Ord. Prædicat. Bul. xlv. pag. 473.)
  •  
    Anno 1266. die 13. Martii.
  •  
    1266

  •  

    CLEMENS &c.

    Dilectis filiis ‥ Majoria , & Fratribus Ordinis Militiæ S. Mariæ Virginis gloriosæb Sal., & Ap. Bened.

    Desideriis vestris in his affectu benevolo debemus annuere, quæ vos & Ordinem vestrum dignè possint a dispendiis præservare. Hinc est, quod Nos vestris supplicationibus inclinati auctoritate vobis præsentium indulgemus, ut vos, vel aliqui de Ordine vestro coram sæculari judice contra Sanctiones Canonicasc conveniri minime valeatis, & quibuscunque angariisd, & pangariise quarumcunque secularium personarum exempti sitis penitus, & immunes. Nulli ergo omnino hominum liceat hanc paginam nostræ concessionis infringere &c.

    Datum Perusii iii. Idus Martii, Pontificatus Nostri Anno Secundo.
  •  
    Bullarium Franciscanum romanorum pontificum, tomus III, n°LXXI., pp.-75
  •  
    (a) Maiori: Qui in aliis Ordinibus appellatur Prior, & Magister, aut Minister, vel Præpositus Generalis, in isto Majoris titulo exornabatur; eratque Loderengus de Andalo Bononien.
  •  
    (b) Militiæ S. Mariæ Virginis Gloriosæ: V. Bulla 16. Urbani IV. in 2. hujus Operis tom. pag. 432. (c): neve verum est, idcirco Fratres Gaudentes a rusticis vocatos, quod suis quisque in ædibus cum uxoribus, & filiis vitam agerent; cum hoc ipsum facerent, faciantque Fratres de Pœnitentia Tertii Ordinis S. Francisci, & tamen nusquam hoc titulo irrisos fuisse comperimus: sed quia bona eis relicta, & collata pro debellandis Ecclesiæ hostibus, & defendendis viduis, pupillisque, in proprios usus convertisse ferebatur.
  •  
    (c) Sanctiones Canonicas: Quæ Ordines Regulares exemptos volunt.
  •  
    (d) Angariis: Idest exactionibus, quæ angunt, & vexant.
  •  
    (e) Pangariis: Al. parangariis, seu perangariis, idest magnis angariis, patrimoniorumque exactionibus. V. Bulla Sol ille verus &c.

Informations

Document
bullarium-franciscanum admin (IRHT), dans  Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 153724 (bullarium-franciscanum-1811), http://telma.irht.cnrs.fr/chartes/en/bullarium-franciscanum/notice/153724 (mise à jour : 26/01/2021).
http://telma.irht.cnrs.fr/chartes/en/bullarium-franciscanum/notice/153724
bullarium-franciscanum/notice/153724
XML  JSON