Description
-
Alexandre IV (1254-1261)
-
Ut nullus nisi Legatus de Latere Pontificis quemquam Fratrum sibi assumere queat in socium, seu ad procuranda negotia sine Ministrorum Ordinis licentia. (Ex Regesto Vatic. apud Petrum de Alva in Indiculo Bull. Seraph.)
-
Anno 1258. die 19. Martii.
-
1258
-
ALEXANDER &c.
Dilectis filiis ... Generalia , & Provincialibus Ministris, ac aliis Fratribus Ordinis Fratrum Minorum Salutem, & Apostolicam Benedictionem.
Petitionibus vestris tam piis, quam providis paternæ benignitatis gratia, quæ filiis utiliora prospicit, assensum benevolum impendentes, ut nullus Legatus nisi de Latere nostro missus auctoritate litterarum Sedis Apostolicæ de cetero impetrandarum specialem de præsentibus non facientium mentionem; aut Prælatus aliquis, seu aliqua Persona Religiosa, vel Secularis de Fratribus vestri Ordinis ad sua, seu Ecclesiæ negotia procuranda, vel secum manendum aliquos assumere valeat, nisi quos Generalis, & Provincialis Minister eorum tamquam idoneos, & discretos sibi duxerit assignandos, quos subjacere volumus Ordinis disciplinæ, auctoritate vobis præsentium indulgemus. Nulli ergo omnino hominum liceat hanc paginam nostræ concessionis infringere, vel ei ausu temerario contraire. Si quis autem hoc attentare præsumpserit, indignationem Omnipotentis Dei, & Beatorum Petri & Pauli Apostolorum ejus se noverit incursurum.
Datum Viterbii xiv. Kalend. Aprilis, Pontificatus Nostri Anno Quartob.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CDXIV., p.283
-
(a) Generali: S. Bonaventuræ.
-
(b) Hanc concessionem ediderat jam Innocentius IV. anno 1245. die 24. Septembr. aliis verbis Vobis per Apostolicæ &c., & 1247. die 13. Augusti renovavit hoc exemplo.