Description
-
Alexandre IV (1254-1261)
-
Expositis gravaminibus in Fratres a nonnullis Prælatis Eccles. irrogatis jubet, ni moniti desistant, per censuram Eccles. compellendos. (Ex Archivo nostri Conventus S. Francisci Bononien.)
-
Anno 1256. die 27. Julii.
-
1256
-
ALEXANDER &c.
Venerabilibus Fratribus .... Archiepiscopo Mediolanen.a , & ... Terdonen.b , ... Imolen.c , & ... Reginen. Episcopisd Salutem, & Apostolicam Benedictionem.
Nimis iniqua &c.e ... A quibus omnibus Fratrum molestiis quidam ex Venerabilibus Fratribus nostris Archiepiscopis, & Episcopis, ac dilectis filiis Abbatibus, Prioribus, Decanis, Archidiaconis, Rectoribus, & aliis Ecclesiarum Prælatis per Lombardiam, & Romandiolam constitutis non omnino abstinere dicuntur. Cum igitur Ordo Fratrum Minorum a bonæ memoriæ Honorio, Gregorio, & Innocentio Romanis Pontificibus prædecessoribus nostris, & Nobis ipsis dignis eorum sit exigentibus meritis approbatus, ne Apostolicæ Sedis statuta dicti Archiepiscopi, & Episcopi, ac alii contemnere videantur, quæ humiliter servare tenentur, ac suscipere reverenter: eosdem monendos attente duximus, nostris sibi dantes litterisf firmiter in præceptis, ut conscientiæ, ac famæ eorum salubriter consulentes, universi, & singuli a prænotatis prædictorum Fratrum gravaminibus desistant penitus, eorum subditos ab iis arctius compescendo. Nos enim, cum hujusmodi dictorum Fratrum, quos suæ Religionis obtentu inter alios Religiosos arctius amplexamur in visceribus charitatis, gravamina tolerare nolimus, sicut etiam nec debemus, omnes interdicti, suspensionis, & excommunicationis sententias, si quas ab ipsis, vel eorum aliquo præmissorum occasione in eosdem Fratres, vel ipsorum aliquem, seu Ecclesias, & Oratoria, vel Benefactores eorum promulgari contigerit, irritas decernimus, & inanes. Ideoque Fraternitati vestræ per Apostolica scripta firmiter præcipiendo mandamus, quatenus si dicti Archiepiscopi, & Episcopi, & alii præceptum nostrum neglexerint adimplere: vos eos ad omnia prædicta servanda, monitione præmissa, per censuram Ecclesiasticam, sublato cujuslibet contradictionis, & appellationis obstaculo, compellatis: non obstante Constitutione de duabus dietis edita in Concilio Generalig. Si vero ipsi aliquas suspensionis, excommunicationis, vel interdicti sententias in eosdem Fratres, vel ipsorum aliquem, Ecclesias, Oratoria, vel Benefactores eorum propter hoc promulgaverint, denuncietis illas penitus non tenere. Quod si non omnes iis exequendis potueritis, vel nolueritis interesse, singuli vestrum ea nihilominus exequantur.
Datum Anagniæ vi. Kalendas Augusti, Pontificatus Nostri Anno Secundo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXXIV., pp.150-151
-
(a) Mediolanen.: Fr. Leoni de Perago ex Ordine Minorum anno 1213. assumpto, de quo Ughellus to. 4. Ital. Sac., & Waddingus in Annal. & nos sup. p. 15. & 48.
-
(b) Terdonen.: Petro Busseto, de quo verba fecimus supra ad litteras hujus Pontificis Cum a nobis petitur &c. dat. die 24. Julii anno 1255.
-
(c) Imolen.: Thomæ, qui ab anno 1249. usque ad 1269. sedit ex Ughello, & jam dictis sup. p. 8. & 39.
-
(d) Reginen.: Gulielmo de Foliano ab ann. 1250. eam Ecclesiam administranti, de quo pariter in tom. 2. Italiæ Sacræ.
-
(e) Iniqua &c.: Ut in Bulla Innocentii IV. edita anno 1245. die 21. Julii paucis mutatis, vel Gregorii IX. anno 1231. 28. Augusti.
-
(f) Nostris Sibi dantes litteris: Quæ proxime relatæ sunt.
-
(g) In Concilio generali: Lateranensi iv. anno 1215. celebrato sub Innocentio III. cap. 37.