Description
-
Alexandre IV (1254-1261)
-
Nonnullos Ecclesiæ Prælatos perstringit ob molestias, & gravamina Fratribus Minoribus illata; & præcipit illis, ut desistant, quascunque censuras Eccles. in eosdem Fratres ab ipsis promulgatas irritas decernens, & inanes. (Ex Archivo Conventus Sancti Francisci Bononien., & Jaderen. teste Gonzaga par. 2. Conv. 12. Prov. Dalmatiæ, & ex Firmamentis trium Ordinum par. 2. tract. 2. fol. 59., Autographisque Parisiis, Cadomi, Brugis, & alibi extantibus.)
-
Anno 1256. die 27. Julii.
-
1256
-
ALEXANDER &c.
Venerabilibus Fratribus Archiepiscopis, & Episcopis, ac dilectis filiis Abbatibus, Prioribus, Decanis, Archidiaconis, Rectoribus, & cæteris Ecclesiarum Prælatis per Lombardiama constitutis Salutem, & Apostolicam Benedictionem.
Nimis iniqua vicissitudine &c.b luxuriant damnabiliter in eodem, Christum patenter in famulis suis persequi non verentur &c. (usque) fidelitatem juramento firmatam ab eorum Ministris, Custodibus, & Guardianis nihilominus exigentes. Eis quoque, ut tam extra Civitates, quam intra &c. (usque) & ut ipsos suæ subdant totaliter ditioni; eisdem Ministros, Custodes, & Guardianos volunt præficere pro suæ arbitrio voluntatis. A quibus omnibus Fratrum molestiis quidam ex vobis non omnino abstinere dicuntur. Cum igitur Ordo Fratrum Minorum Honorio, Gregorio, & Innocentio Romanis Pontificibus prædecessoribus nostris, & Nobis ipsis, dignis eorum sit exigentibus meritis approbatus: ne Apostolicæ Sedis statuta contemnere videamini, quæ humiliter suscipere, ac servare tenemini reverenter; Universitatem vestram monemus attente per Apostolica vobis scripta firmiter præcipiendo mandantes, quatenus conscientiæ, ac famæ vestræ salubriter consulentes, universi, & singuli a prænotatis prædictorum Fratrum gravaminibus penitus desistatis, subditos vestros ab iis arctius compescendo. Nos enim, cum hujusmodi dictorum Fratrum, quos suæ Religionis obtentu inter alios Religiosos arctius amplexamur in visceribus charitatis, gravamina tolerare nolimus, sicut etiam nec debemus; Omnes interdicti, suspensionis, & excommunicationis sententias, si quas a vobis, vel vestrum aliquo præmissorum occasione in eosdem Fratres, vel ipsorum aliquem, seu Ecclesias, & Oratoria, vel Benefactores eorum promulgari contigerit, irritas decernimus, & inanesc.
Datum Anagniæ vi. Kalendas Augusti, Pontificatus Nostri Anno Secundo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXXIII., p.150
-
(a) Per Lombardiam: & Romandiolam deesse videtur, ut habetur in sequenti epistola pro hujusce defensione vulgata.
-
(b) Vicissitudine &c.: Vide Bullam Innocentii IV. anno 1245. die 21. Julii editam paucis mutatis.
-
(c) Inanes: Pro qua re conservatores Fratrum instituit; eisque mandavit, ut perturbatores commonerent, & non desistentes censura Ecclesiastica compescerent per insequentes litteras.