« bullarium-franciscanum-809 »

Document | bullarium-franciscanum/notice/152269
plus d'informations

Description

  •  
    Innocent IV (1243-1254)
  •  
    Hortatur, una & injungit, ut Fratribus Pistorien. vendant Censum ipsis onerosum Monachi Vallisumbros. (Ex Authographo Conventus S. Crucis Minor. Convent. Florentin.
  •  
    Anno 1252. die 3. Octobris.
  •  
    1252

  •  

    INNOCENTIUS &c.

    Dilectis filiis Abbati, & Conventui Monasterii Thaonis a Ordinis Vallisumbrosæ Pistorien. Diæcesis Salutem, & Apostolicam Benedictionem.

    Cum, sicut dilecti filii .... Minister, & Fratres Minores Pistoriensesb Nobis significare curarunt, eos in eorum loco quemdam duodecim denariorum Pisanæ monetæc Censum annuum eisdem plurimum onerosum, & vobis parum utilem habeatis; iidem Ministerd, & Fratres exonerari eo cupiunt absque vestræ, vestrique Monasterii læsione. Quare ipsi Nobis humiliter supplicarunt, ut censum sibi vendi hujusmodi faceremus. Ipsorum igitur Ministri, & Fratrum humilibus precibus inclinati Universitatem vestram rogandam duximus attentius, & monendam, per Apostolica vobis scripta mandantes, quatenus, recepto ab eisdem Ministro, & Fratribus pro Censu ipso secundum Civitatis Pistoriensis consuetudinem hactenus observatam pretio competenti, eumdem ipsis pro Nostra, & Apostolicæ reverentia concedatis; ita quod devotionem vestram exindè meritò commendare possimus in ipsius Monasterii utilitatibus promptiores.

    Datum Perusii v. Nonas Octobris Pontificatus Nostri Anno Decimo.
  •  
    Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CDXXXIV., p.628
  •  
    (a) Monasterii Thaonis: In Apennino monte ab urbe Pistoriensi pas. mill. 7. circiter distantis, quod jam pridem suppressum fuisse scitur.
  •  
    (b) Pistorien.: De Conventu Pistorien. agit Waddingus ad annum 1250. num. 18., Minister autem erat aut Provinciæ Tusciæ, aut Conventus.
  •  
    (c) Denariorum Pisanæ monetæ: Argenteorum, ut videtur, alias plurimum onerosum non fuisset. Philippus Argellatus Bononien. dissert. de Monetis Italiæ par. I. pag. 77. agit & de Pisana moneta, plus tamen de illius origine, ac nummis cusis, quam de valore utpote incerto.
  •  
    (d) Minister: Al. Guardianus, ut videtur; & ut illis temporibus ex B. Ugone de Digna in expositione Regulæ FF. Minorum cap. 8.

Informations

Document
bullarium-franciscanum admin (IRHT), dans  Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 152269 (bullarium-franciscanum-809), http://telma.irht.cnrs.fr/chartes/en/bullarium-franciscanum/notice/152269 (mise à jour : 15/12/2020).
http://telma.irht.cnrs.fr/chartes/en/bullarium-franciscanum/notice/152269
bullarium-franciscanum/notice/152269
XML  JSON