Description
-
Innocent IV (1243-1254)
-
Officiali, & Priorati Sancti Nicolai Ebroicen. fit potestas pecuniam in usum Imperii Constantinopolitani depositam exigendi, & cuidam assignandi. (Regest. Vatican. epist. 123., & Waddingus in Regesto Pontif. num. 3.)
-
Anno 1243. die 7. Augusti.
-
1243
-
INNOCENTIUS &c.
Dilecto Filio ‥ Officiali a , & ‥ Priorati b Sancti Nicolai Ebroicen. c Salutem, & Apostolicam Benedictionem.
Dilectus filius Frater de Collivild Ordinis Fratrum Minorum quondam socius Fratris Willelmie fel. record. Gregorii Papæ Prædecessoris nostri Pœnitentiarii suis Nobis litteris intimavit, quod cum idem Pœnitentiarius &c.f (usque) aperire. Discretionem vestram rogandam duximus, & monendam; & per Apostolica vobis Scripta firmiter præcipiendo mandamus, quatenus juxta quod memoratus Frater vobis dixerit, vel si fortè id in partibus ipsis nequiverit inveniri a personis, & locis, penes quæ præfata pecunia deposita dicitur, inquisita super hoc diligentius veritate, recipientes eamdem, ‥g … si qui fuerint, vel rebelles per Censuram Ecclesiasticam, appellatione postposita, compellendo; ipsam Nicolao Deutesalve Mercatori Romano, qui dictæ pecuniæ quantitatem Procuratoribus in Christo filii nostri Imperatoris Constantinopolitanih illustris existentibus in Romana Curia mutuavit, vel ejus Procuratori sine difficultate qualibet assignetis; non obstantibus Constitutionibus de duabus dietis editis in Concilio generalii. Quod si non ambo his exequendis potueritis interesse, alter vestrum ea nihilominus exequatur.
Datum Anagniæ vii. Idus Augusti Pontificatus Nostri Anno Primo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°VI., p.309
-
(a) Officiali: Quibusdam regionibus idem est ac Vicarius Generalis Episcopi; in aliquibus tamen trans montes præsertim in Gallia, & Belgio diversus, contentiosæque jurisdictioni præest ex Cabassutio, aliisque apud Benedictum XIV. lib. 3. de Synodo Diœces. cap. 3. n. 2.
-
(b) Priorati: Cui sola præeminentia sine jurisdictione inter Beneficia competit Ecclesiastica ex præfato lib.
de Synodo Diœces.num. 1., alias tamen legiturPriori. -
(c) Ebroicen.: Episcopatus in Normandia sub Archiepiscopo Rothomagensi vulgo Evreux.
-
(d) De Collivil.: Robertus nomine, ad quem sunt litteræ Innocentii Per tuas litteras &c. dat. hoc anno die 17. Septembr. infra referendæ.
-
(e) Willelmi: de quo supra actum in pluribus Gregorii IX. litteris.
-
(f) Poenitentiarius &c.: Habentur verba hic omissa in dicta ad Fr. Robertum de Collivil. epistola.
-
(g) .... Supple Contradictores.
-
(h) Imperatoris Constantinopolitani: Balduini
ii. -
(i) Con. generali: Nempe Lateranensi IV. sub Innocentio
iii.anno 1215. cap. 37.