Description
-
Alexandre II (1061-1073)
-
L'abbé du monastère Saint-Michel de Poggio Imperiale Widric
-
Kalendas novembris, anno millesimo LXVIII, indictione VI
-
-
Lucques
-
Bulle (ad perpetuam rei memoriam)
-
[Autre copie médiévale] B. ITALIE, Florence, Archivio di Stato, Bonifacio 1068 Nov. 1. Copie des 12 Jahrh.
-
Ici reprise de Julius von Pflugk-Harttung, Acta pontificum Romanorum inedita. Urkunden der Päpste vom Jahre 748 bis zum Jahre 1197, II, Stuttgart : W. Kohlhammer, 1884 [en ligne], n. 141, p. 106-107.
-
Philippe Jaffé, Wilhelm Wattenbach, Samuel Loewenfeld, Ferdinand Kaltenbrunner, Paul Ewald, Regesta pontificum Romanorum ab condita ecclesia ad annum post Christum natum MCXCVIII, 2e éd. Leipzig, : Veit, 1885-1888, 2 vol., n. 4655 [en ligne].
-
Alexander II bestätigt dem Abte Widricus von San Michele in Poggio Imperiale di Firenze die Besitzthümer und Rechte seines Klosters1.
-
Alexander episcopus, servus servorum Dei, Widrico, venerabili abbati monasterii sancti Michaelis siti comitatu Florentino in castello de Marturis2 suisque successoribus, in perpetuum.
Desiderium quod religiosorum prepositorum et sanctorum locorum stabilitate pertinere monstratur sine aliqua est deo auctore dilatione perficiendum et .......... utilitatis commodis nostrorum assensum et solite apostolice auctoritatis exposcitur presidium, ultro benignitatis intuitu nos convenit subvenire, et rite pro ....... et ratione solidare, ut ex hoc nobis quoque potissimum premium a conditore omnium deo in sidereis arcibus conscribatur, et ideo, quia postulastis a nobis, ut prefatum monasterium apostolice auctoritatis serie muniremus, et omnia eius pertinentia perhenni iure ibidem inviolabiliter permanenda confirmaremus, et, ut absque omni iugo seu ditione cuiuscumque persone constaret nostri privilegii pagina, sicut olim fuit, corroboraremus.
Propterea, tuis flexi[s] precibus, per huius nostre auctoritatis privilegium statuentes decernimus, ut propter amorem sancti Michahelis arcangeli, cuius honori dicatus est locus, et propter tuum gratissimum famulatum, quem circa nos exibuisti et ...... e, quia a nostra apostolica Sede consecutus es, confirmamus et corroboramus tibi tuisque successoribus omnia et in omnibus, quicquid Hugo, venerabilis marchio, eidem venerabili loco pro sue anime remedio concessit. Confirmamus autem prefato venerabili monasterio, quicquid nunc tenet vel Deinceps acquisiturus est et .......... antecessoribus nostris, videlicet Stefano3, Adriano4, Iohanne5, Formoso, seu aliis quibuslibet antecessoribus nostris, eidem monasterio concessum est, et quicquid ........... gibus per precepti paginam concessum fuisse dinoscitur. Cuncta loca urbana vel rustica, id est curtes, ma(s)sas, salas, castella, casales, vinea[s ..... diversaque predia, culta vel inculta, cum decimis et primitiis de omnibus terris et donicatis, eidem cenobio pertinentibus, colonis vel colonabus, serv[is ....... et aldionibus, quȩ ab aliquibus fidelissimis christianis eidem monasterio concessa sunt, vel que etiam per alia munimina ad eumdem pium locum pertinere videntur, cum mag ........ securitate, quiete debeas possidere, et per te universi successores tui abbates in perpetuum, ita, ut nullus umquam successorum nostrorum pontificum, nullus etiam imperator, rex, dux, marchio, comes et vicecomes, et preterea archiepiscopus, episcopus vel alia aliaque persona, magna vel parva, ipsum monasterium de prefatis omnibus rebus et decimis ac primitiis, de omnibus supradictis rebus, pertinentibus eidem venerabili loco, audeat devestire, molestare vel inquietare, nec non sub divini iudicii promulgatione, confirmatione et anathematis interdictione corroborantes decernimus, ut nullus episcopus, seu quilibet sacerdotum, sicut supra diximus, in eodem venerabili cenobio pro aliqua ordinatione seu pro sinodo seu consecratione ecclesie presbiterorum vel diaconorum missarumque celebratione, nisi ab abbate eiusdem loci invitatus fuerit, ad agendum presummat, set liceat monacis ipsius loci, cuiuscumque voluerint, honoris gradum suscipere, ubicumque libitum fuerit. Abbates namque, qui conservandi(!) essent, de ipsa congregatione cum consilio fratrum comuniter eligantur, ad benedicendum atque consecrandum nobis nostrisque successoribus deferantur. Crisma quoque vel, que ad sacrum misterium pertinent, a quocumque petierint presule, nostra auctoritate possint suscipere. Quod, ut nunc seu in futuris temporibus firmum et inviolabile maneat, nostro privilegio confirmamus ad honorem Dei et sancti Michaelis archangeli, in cuius honore consecratus est locusa.
Si quis autem temerario ausu, quod fieri non credimus, contra huius nostre apostolice confirmationis seriem venire, agere temptaverit, sciat, se esse maledictum a deo patre et filio spirituque sancto et a beato Petro, apostolorum principe, et a trecentis X et VIII patribus, simulque a sanctis omnibus. Quid plura ? omnes maledictiones que in Veteri et Nova continentur Lege veniant super eum a celesti Sede, perculsique anathema maranatha. Qui vero custos et observator huius nostri privilegii extiterit benedictionis gratiam et vitam eternam a domino consequi mereatur. Amen.
Datum Luce, kalendas novembris, per manus Petri, sancte Romane Ecclesie subdiaconi ac bibliothecarii, anno VIII pontificatus domni Alexandri pape secundi, anno videlicet Incarnationis dominice millesimo LXVIII, indictione VI. -
(a) loco
-
1. Vergl. die Urk. vom Januar–februar 1134 ( APOSCRIPTA n. 4808 ). Zu grossem Danke fühle ich mich Herrn Prof. C. Paoli in Florenz verpflichtet.
-
2. Jetzt Poggio Imperiale oder Poggibonsi alto ; vor der Porta Romana von Florenz.
-
3. Wird Stefan VI sein.
-
4. Hadrian II.
-
5. Johann VIII. Die Nennung vor Formosus weist mit nahezu zwingender Sicherheit auf diese Päpste.
-
Ob die Abschrift ganz in Ordnung ist, muss zweifelhaft erscheinen.
Informations
Document
Benjamin
Oury
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 79815 (aposcripta-4585), http://telma.irht.cnrs.fr/chartes/en/aposcripta/notice/79815 (mise à jour : 17/05/2024).