Description
-
Benoît XII (1334-1342)
-
Les évêques de Quimper et de Vannes
-
X kalendas julii, anno tercio
-
-
Avignon
-
Lettre, général (après 1198, littere cum filo canapis)
-
[Registre de la chancellerie apostolique] R. CITÉ DU VATICAN, Archivio segreto Vaticano, Registra Vaticana 123, n. 362.
-
Ici reprise de Jean-Marie Vidal, « Affaire d'envoûtement au tribunal d'Inquisition de Tours, intervention de Benoît XII (1335-1337) », Annales de Bretagne et des pays de l'Ouest, 28/4, 1902, p. 485-504, aux pages 499-500 [en ligne].
-
Partielle : Jean-Marie Vidal, Bullaire de l’Inquisition française au XIVe siècle et jusqu'à la fin du Grand Schisme, Paris : Letouzey et Ané, 1913, n. 167, p. 250.
-
Benoît XII presse les évêques de Quimper et de Vannes d’accomplir la commission reçue du pape dans l’affaire de Hervé de Trévalloet. Ils devront, en particulier, réduire à de justes proportions les indemnités exigées par les témoins pour se rendre auprès de la Curie [Vidal].
-
Venerabilibus fratribus .. Corisopitensis et .. Venetensis episcopis, salutem et cetera.
Nuper nobilis viri Hervei, domini de Trevalloet, et Ivonis Boseuc, familiaris ipsius, Corisopitesis. et Leonensis diocesum, conquestione percepimus quod super causa que inter eos, ex parte una, et dilectos filios Johannem Aufredi, ordinis Predicatorum, inquisitorem heretice pravitatis, et Alanum Thome, eiusdem ordinis, vicarium inquisitoris eiusdem in provincia Turonen., ex altera, super nonnullis criminibus et sortilegiis que in necem quondam Petri, domini de Guergolle, eiusdem Corisopitensis diocesis, iidem Herveus et Ivo dicebantur nequiter perpetrasse, apud Sedem apostolicam fuerat ventilata, sicut adhuc etiam ventilatur ; nos inter alia in dictarum partium presentia taliter duximus ordinandum, videlicet quod Guillermus de Bemcant, presbiter eiusdem Leonen. diocesis, qui de dictorum inquisitoris et vicarii et etiam bone memorie Alani, episcopi Corisopitensis, tunc viventis mandato detentus fuerat et detinebatur adhuc in carcere venerabilis fratris nostri .. episcopi Corisopitensis, successoris eiusdem Alani episcopi, mancipatus, sub fida custodia, et alii testes qui fuerant alias super hiis examinati, si viverent, et generaliter omnes qui super hiis scire possunt quomodolibet veritatem et probabiliter deponere, et per utramlibet dictarum partium fuerint nominati ad nostram presentiam sumptibus producentium personaliter evocentur. Atestationes quoque et confessiones illorum qui premissorum occasione dicuntur fuisse combusti vel in carceribus mortui, vel districti nobis etiam destinentur. Et quod etiam notarii publici, qui per dictos Herveum et Ivonem seu per eorum procuratores vel alterum eorumdem super dicto negotio dicuntur fecisse processus vel consignasse aliqua instrumenta, una cum dictis processibus seu instrumentis veris, perfectis, seu integris, non truncatis, nec diminutis, nec alteratis ex nova fabrica, ad nostram presentiam similiter evocentur. Et quod in totum bona mobilia et immobilia eiusdem Caterine, uxoris dicti Hervei, matris et omnium fratrum et sororum ipsius ob premissa vel eorum occasione arrestata seu detenta dearrestentur et restituantur eisdem. Bona vero mobilia et immobilia dicti Hervei dearrestari et extra sequestrum poni modo volumus infrascripto ; videlicet quoad omnem necessariarum suarum sufricientiam expensarum, et quoad omnes alias expensas litis huiusmodi pro advocatis, procuratoribus, notariis, testibus, nunciis et generaliter pro omnibus que in causa seu lite huiusmodi incunbunt vel incubuerunt facienda. incumberent facienda. Vobisque per litteras nostras dedimus in mandatis ut vos, vel alter vestrum, per vos, vel alium, seu alios, predictos omnes ad nos ut premittitur evocandos peremptorie ex parte nostra citare ut infra duorum mensium spatium post citationem huiusmodi dicti notarii cum dictis processibus, seu instrumentis veris, perfectis, et integris, ut prefertur, necnon alii testes expensis producentium, quas eis in veniendo ad presentiam nostram, stando in Romana curia, et redeundo ab ea precipimus exhiberi, personaliter compareant coram nobis ; ac nichilominus alia predicta omnia et singula per nos ut premittitur ordinata curaretis executioni debite demandare. Et quod licet predicte littere vobis ex parte nostra fuerint presentate, et ut ad eorum executionem procederetis iuxta tenorem ipsarum per dictos Herveum et Ivonem seu procuratores ipsorum fueritis cum instantia humiliter requisiti, vos tamen ad premissorum executionem hucusque non curastis procedera, nec curatis, in non modicum dictorum Hervei et Ivonis et aliorum predictorum quorum interest preiudicium et gravamen. Iidem quoque Herveus et Ivo notas exponere curaverunt quod prenominati testes, qui super veritate dicenda ad Romanam curiam sunt vocandi, adeo immoderatas expensas exigunt ab eisdem, quod ad solutionem earumdem eiusdem Hervei non sufficerent facultates. Quocirca fraternitati vestre per apostolica scripta in virtute obedientie districte precipiendo mandamus quatinus vos... ad premissorum executionem procedere studeatis, iuxta predictarum nostrarum super premissis vobis directarum continentiam litterarum. Et ne dicti testes et alii ad eandem curiam propterea personaliter evocandi in exigendis expensis superfluis metam ralionis excedant, easdem expensas refrenare, moderari et taxare provide studeatis, prout vobis, Deum habendo pre oculis, videbitur expedire. Sic vos in predictis babentes quod non possitis de inobedientia vel contemptu super premissis rationabiliter increpari.
Datum Avinione, X kalendas julii, anno tercio. -
Informations
Document
Clara
Lenne
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27431 (aposcripta-4120), http://telma.irht.cnrs.fr/chartes/en/aposcripta/notice/27431 (mise à jour : 18/03/2023).