Description
-
Benoît XII (1334-1342)
-
L'abbé de Redon Jean de Tréal
-
XVI kalendas aprilis, anno sexto
-
-
Avignon
-
Mandement (littere cum filo canapis)
-
[Registre de la chancellerie apostolique] R. CITÉ DU VATICAN, Archivio segreto Vaticano, Registra Avinionensia 54, fol. 78.
-
Ici reprise de Guillaume Mollat, « Études et documents sur l'histoire de Bretagne, XIIIe-XVIe siècle », Annales de Bretagne et des pays de l'Ouest, 25-1, 1909, p. 152-172, aux p. 162-164 [en ligne].
-
Jean-Marie Vidal, Benoit XII, Lettres communes, n. 7644.
-
Benoît XII, ayant fait examiner V élection de Jean de Tréal, la déclare canonique et la confirme.
-
Johanni abbati monasterii sancti Salvatoris Rothonensis, ad Romanam Ecclesiam nullo medio pertinentis, ordinis sancti Benedicti, Venetensis diocesis, salutem.
Suscepti cura regiminis continua cor nostrum pulsat instantia ut solicitudinis debitum, ad quod universis orbis ecclesiis et monasteriis nos apostolice servitutis officium obligat, eorum singulis et presertim ecclesie Romane immediate subjectis, prout nobis ex alto permittitur, exolvamus in eo potissime ut regimina illorum, que vacationum dampna deplorant, personis talibus committamus, per quarum solertiam circumspectam et circumpectionem solicitam ecclesie et monasteria eadem, Deo auctore, grata suscipiant in spiritualibus et temporalibus incrementa.
Dudum siquidem monasterio sancti Salvatoris Rothonensis ad Romanam ecclesiam nullo medio pertinente, ordinis sancti Benedicti, Venetensis diocesis, per obitum quondam Oliverii dicti monasterii abbatis, qui in illis partibus nature persolvit, abbatis regimine destituto, dilecti filii conventus ejusdem monasterii, vocatis omnibus qui debuerunt, voluerunt et potuerunt commode interesse, die ad eligendum prefixa, ut moris est, convenientes in unum, et Spiritus Sancti gratia invocata, te, tune abbatem monasterii de Calma, prefato monasterio Rothonensi immediate subjecti, dicti ordinis, Nannetensis diocesis, in abbatem prefati monasterii Rothonensis quasi per inspirationem divinam concorditer elegerunt, tuque electioni hujusmodi de te facte ad dictorum conventus instantiam prestans assensum, ad Sedem Apostolicam personaliter accessisti, et tam tu, per te ipsum, quam prefati conventus, per eorum procuratores et nuncios ydoneos, ad sedem predictam propter hoc specialiter destinatos, a nobis cum instantia petiistis ut electionem hujusmodi, illius presentato nobis decreto, confirmare de benignitate apostolica dignaremur, in hiis omnibus statutis a jure temporibus observatis, nos igitur electionem ipsam tueque persone merita per venerabilem fratrem Petrum, episcopum Penestrinum, et dilectos filios nostros Imbertum, basilice duodecim apostolorum presbyterum, ac Neapoleonem, Sancti Adriani diaconum cardinales, examinari fecimus diligenter et, facta nobis super hiis ab eisdem episcopo et cardinalibus relatione plenaria et fideli, quia electionem hujusmodi de te, viro vite laudabilis, litterarum scientia predito, honestate morum decoro et aliis multiplicium virtutum meritis insignito, reperimus canonice celebratam, eam de fratrum nostrorum consilio auctoritate apostolica confirmamus, teque ipsi monasterio Rothonensi preficimus in abbatem, curam et administrationem ipsius tibi tam in spiritualibus quam in temporalibus plenarie committendo, in illo, qui dat gratias et largitur premia, confidentes quod dictum monasterium Rothonense, dextera tibi Domini assistente propitia, per tue industrie ac circumspectionis fructuosum studium spiritualiter et temporaliter regetur utiliter et prospere dirigetur.
Quocirca discretioni tue per apostolica scripta mandamus quatinus onus regiminis dicti monasterii Rothonensis suscipiens, reverenter sic te in eo salubriter exercendo exhibeas studiosum quod per laudabilem diligentiam tuam et curiosam solertiam monasterium ipsum preservetur a noxiis et adversis, tuque proinde retributionis eterne premium ac nostram et dicte sedis benedictionem et giatiam uberius consequi merearis.
Datum Avinione, XVI kalendas aprilis, anno sexto.
In eodem modo dilectis filiis conventui monasterii sancti Salvatoris Rothonensis, ad Romanam Ecclesiarrï nullo medio pertinentis, ordinis sancti Benedicti, Venetensis diocesis, salutem.
Suscepti cura regiminis etc. usque prospere dirigetur.
Quocirca universitati vestre per apostolica scripta mandamus quatinus eundem abbatem tanquam patrem et pastorem animarum vestrarum dévote suscipientes, ac exhibentes ei obedientiam et reverentiam debitam et devotam, ipsius monita et mandata salubria curetis dévote suscipere ac efficaciter adimplere, alioquin sententiam, quam idem abbas propter hoc rite tulerit in rebelles ratam habebimus et faciemus, auctore Domino, usque ad satisfactionem condignam inviolabiliter observari.
Datum ut supra.
In eodem modo dilectis filiis universis vassallis monasterii sancti Salvatoris Rothonensis, ad Romanam Ecclesiam nullo medio pertinentis, ordinis sancti Benedicti, Venetensis diocesis, salutem.
Suscepti cura regiminis etc. usque prospere dirigetur.
Quocirca universitati vestre per apostolica scripta mandamus quatinus eundem abbatem debita honorificentia prosequentes, ei fidelitàtem debitam exhibere necnon de consuetis servitiis et juribus sibi a vobis debitis respondere intègre studeatis ; alioquin sententiam sive penam, quam idem abbas rite tulerit seu statuerit in rebelles, ratam habebimus et faciemus, auctore Domino, usque ad satisfactionem condignam inviolabiliter observari.
Datum ut supra. -
n. c.
Informations
Document
Clara
Lenne
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27370 (aposcripta-4077), http://telma.irht.cnrs.fr/chartes/en/aposcripta/notice/27370 (mise à jour : 28/06/2024).