Description
-
Clément V (1305-1314)
-
Le prieur de Lohéac, Olivier de Berno
-
II nonas maii, anno tertio
-
-
Poitiers
-
Lettre, général (après 1198, littere cum filo canapis)
-
[Registre de la chancellerie apostolique] R. CITÉ DU VATICAN, Archivio segreto Vaticano, Registra Vaticana 55, fol. 79v, cap. 421.
-
Ici reprise de Guillaume Mollat, « Études et documents sur l'histoire de Bretagne, XIIIe-XVIe siècle », Annales de Bretagne et des pays de l'Ouest, 25-1, 1909, p. 152-172, aux p. 157-159 [en ligne].
-
Regestum Clementis Papae V , n. 2756.
-
Bulle de nomination d'Olivier de Berno, prieur de Lohéac, au diocèse de Saint-Malo, désigné par Jean de Castro, prieur de Massérac, au diocèse de Nantes, qui par voie de compromis avait été chargé par le prieur et le couvent de Redon de choisir le successeur de Jean de Guipri décédé, à l'exclusion toutefois de Nicolas de Tréal, moine du monastère.
-
Dilecto filio Oliverio abbati monasterii Rothonensis, ad Romanam Ecclesiam nullo medio pertinentis, ordinis sancti Benedicti, Venetensis diocesis.
Debitum officii nostri requirit ut inter sollicitudines alias, quibus assidue premimur, specialiter circa ecclesias et monasteria solertiam adhibentes, eorum utilitatibus intendamus in eo maxime ut viduatis, ne longe vacationis dispendia patiantur, de illorum celeriter nostre diligentie studio provideatur susbtitutione pastorum, per quos spiritualiter et temporaliter, auctore Domino, continuum suscipiant incrementum. Olim siquidem monasterio Rothonensi, ad Romanam Ecclesiam nullo medio pertinente, ordinis sancti Benedicti, Venetensis diocesis, per obitum quondam Johannis de Guipri, abbatis ejusdem monasterii, regimine destituto pastoris, ... prior et conventus ejusdem monasterii, vocatis omnibus qui voluerunt, debuerunt et potuerunt commode interesse, die ad eligendum prefixa, ut moris est, convenientes in unum ac Spiritus Sancti gratia invocata deliberantes, in ipsius electionis negotio per viam procedere compromissi, dilecto filio Johanni de Castro, monacho dicti monasterii, priori prioratus de Maceraco, ad dictum monasterium immediate spectantis, dicti ordinis, providi ea vice de abbate ipsi monasterio de persona ex eodem monasterio assunienda, fratre Nicolao de Treal, monacho dicti monasterii, consanguineo predicti Johannis, dum taxat excepto, potestateni plenain et liberam unan imiter concesserunt; dictus vero Johannes, hujusmodi potestate recepta, secedens in partem, diligenti intra se deliberatione prehabita, in te, tune monachum ejusdem monasterii, in sacerdotio constitutum, priorem prioratus de Loheaco, Macloviensis diocesis, ad dictum monasterium immediate spectantis, votum suum direxit, ac ex potestate sibi a dictis priore et conventu tradita, vice sua et eorumdem prioris et conventus, de ipsorum mandato, in abbatem dicti monasterii te elegit, electionem hujusmodi coram eis solemniter publicando, tuque infra tempus legitimum, ad instantiam dictorum prioris et conventus hujusmodi electioni consentiens, propter hoc ad sedem apostolicam personaliter accessisti et demum tamtu, per te ipsum, quam iidem prior et conventus, per eorum certos procuratores et nuntios ad nos propter hoc specialiter destinatos, presentato nobis dicte electionis decreto, a nobis servatis in hiis statutis a jure temporibus, suppliciter postulastis ut confirmare electionem hujusmodi dignaremur. Nos igitur electionem eamdem tuamque personam per venerabilem fratrem Leonardum, episcopiim Albanensem, et dilectos filios nostros Berengarium, tituli sanctorum Nerei et Achillei presbiterum, ac Jacobum, sancti Georgii ad Velum aureum diaconum cardinales, examinari fecimus diligenter et, facta nobis ab eisdem cardinalibus super hoc relatione fideli, quia eamdem electionem invenimus de te persona ydonea, cui de religionis zelo, observantia dicti ordinis, litterarum scientia, vite munditia et aliis virtutum meritis laudabile testimonium perhibent fidedigni, canonice celebratam ipsam de dictorum episcopi, et cardinalium et aliorum fratrum nostrorum consilio, auctoritate apostolica, confirmantes, te dicto monasterio in abbatem prefecimus et pastorem, curam et administrationem ipsius monasterii tibi in spiritualibus et temporalibus committendo et subsequenter tibi fecimus per eumdem episcopum munus benedictionis impendi, firma de te a nobis concepta fiducia quod dictum monasterium per tue industriam providentie, Deo propitio, a noxiis preservabitur et adversis, regularibus quoque institutis proficiet et alias spiritualiter et temporaliter augmenta suscipiet commodi et honoris. Quocirca discretioni tue per apostolica scripta mandamus quatinus impositum tibi onus a Domino devote supportans, sic curam et administrationem predictas diligenter geras et sollicite prosequaris quod exnunc apud remotos et proximos tua fama clareat per effectum et in delectationem nobis veniat te oportuno tempore gratiose prosequi ac tuis desideriis favorem benivolum impertiri.
Datum Pictavis, II nonas maii, anno tertio.
In eodem modo dilectis filiis … priori et conventui monasterii Rothonensis, ad Romanam Ecclesiam nullo medio pertinentis, ordinis sancti Benedicti, Venetensis diocesis, etc.
Debitum officii etc. ut in alia superiori usque et honoris. Quocirca universitatem vestram rogamus, monemus et hortamur attente, per apostolica vobis scripta mandantes quatinus dictum abbatem cum ad vos pervenerit, pro nostra et apostolice sedis reverentia benigne recipientes et honorifice pertractantes, exhibeatis ei obedientiam et reverentiam debitam et devotam, ejus salubria taonita et mandata suscipiendo, humiliter ac efflcaciter adimplendo, ita quod mutuo inter vos et ipsum et spirituale possit habundare gaudium et prosperitatis optate consurgere incrementum; alioquin sententiam quam idem abbas rite tulerit in rebelles ratam habebimus et faciemus actore Domino usque ad satisfactionem condignam inviolabiliter observari.
Datum ut supra.
Informations
Document
Clara
Lenne
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27367 (aposcripta-4074), http://telma.irht.cnrs.fr/chartes/en/aposcripta/notice/27367 (mise à jour : 17/05/2024).