« aposcripta-3301 »

Paschalis episcopus servus servorum dei Balderico2, Noviomensi seu Tornacensi episcopo, salutem et apostolicam benedictionem. Fraternitati tuae iam secundas litteras misimus, ut monachis sancti Martini de iniuriis illis iustitiam faceres, quas a Tornacensibus clericis patiuntur. Caeterum eandem iustitiam exercere, diu multumque fraternitas tua dissimulavit, unde opportunum duximus, idem negotium Lamberto Atrebatensi3, Joanni Morinensi4 cum provincialibus fratribus commisisse5, uta nimirum tanquam religiosi virib ad pacem vehementius intendentesb. Idem negotium minus canonice tractaverunt6, quam ob rem nos utramque partem ad nostram presentiam evocavimus. Ipsis itaque clericis ex sanctorum patrum auctoritate monstravimus, quam indebite in decimarum exactione et sepulturarum prohibitione monachos praegravarent. Beatus domnusc Gregorius Augustino Anglorum episcopo scribens, tam de faciendis portionibus vel exhibenda hospitalitate et adimplenda misericordia, nobis, quid erit loquendum cum omne, quod superest in causis piis ac religiosis, erogandum estd. Quartus autem Leo sinodali constitutione decrevit, ut decimae et primitiae seu quaecumque oblationes vivorum et mortuorum ecclesiis dei fideliter reddantur a laicis, ubi notandum, quod non a monachis sed a laicis reddi decimae iubeantur. Monachi namque cum eorum plerique aut levitae aut sacerdotes sint, aut aliis ecclesiasticis ordinibus perfruantur atque assidue per dei gratiam divinis inserviant ministeriis, immunes profecto ab huiusmodi exactionibus sunt habendi. Idem etiam Leo episcopis Britanniae scribens, illis tantum ecclesiis, quae plebes7 vocantur, deberi decimas, indicat, ubi sacrosancta dantur baptismata, in quibus evidenter verbis apparet, causa baptismatis, eucharistiae, poenitentiae seu caeterorum officiorum, quae a clericis presbiteris exhibentur, decimas a populo esse reddendas, in quibus omnibus nullum per clericos servitium monachorum conventibus exhibetur. Porro de sepultura monasteriis permittenda beati Gregorii habetur manifesta sententia ; Joannem enim, Urbis veteris episcopum, in monasteriis sepeliri mortuos prohibentem, his verbis cohibere curavit : si ita est, a tali vos, hortor, inhumanitate recedere et sepeliri mortuos ibidem et celebrari missas, nulla ulterius habita contradictione permittas. Ne denuo querelam de his, quae dicta sunt, Agapitus vir venerabilis ad me deponere compellatur. Hac sanctorum patrum auctoritate comperta et veritatis ratione cognita, predicti, qui ad nos venerunt, clerici Tornacenses, debita humilitate cesserunt et de caetero nullam se super his querelis molestiam monachis illaturos polliciti sunt. Tuam ergo solicitudinem, frater karissime, commonemus, ne ulterius supradicti monasterii fratres patiaris molestiis talibus infestari, neque ibi collationeme catedrae, neque aliud quid inferas, quo regularis ordo turbetur. De his autem elemosinarum partibus, quae sunt a morientibus ecclesiae reliquendae, vestra interest dioceseos vestrae parochianos instruere, ut per tuae vigilationis instantiam, largiente domino, tam clericis quam monachis iusta serventur et ecclesiis pax firma permaneat.

Data Laterani, per manum Joannis, diaconi cardinalis. iiii Idus Novembris.