« aposcripta-3300 »

Paschalis episcopus servus servorum dei dilecto in Christo filio Rainerio, abbati monasterii, quod dicitur sancti Sepulchri, infra civitatem Cameracensem, eiusque successoribus regulariter | promovendis in ppm. — Pie postulatio voluntatis effectu debet prosequente compleri, quatinus et devotionis sinceritas laudabiliter enitescat et utilitas postulata vires indubitanter assumat. Quia igitur dilectio | tua ad sedis apostolicȩ portum confugiens eius tuitionem devotione debita requisivit, nos supplicationi tuȩ clementer annuimus et sancti Sepulchri monasterium, cui deo auctore presides, apostolicȩ sedis auctoritate munimus. Statuimus enim, ut ea, que vobis a predecessore nostro, sanctȩ memoriȩ Gregorio septimo, apostolicȩ sedis presule, per privilegii paginam confirmata sunt2, quieta vobis semper et integra conserventur ; videlicet ecclesia sancti Martini Cameracensis, que abbatia dicitur, ecclesia sancti Georgii, et ecclesia sanctȩ Mariȩ Magdalene cum altaribus suis, et plura curtilia cum districto toto, et terra arabilis iuxta Cameracum, quam commutatam a Waldrico abbate sancti Andreȩ3 donavit Lithbertus episcopus4, item Cameraci molendinum unum, apud Villam puerorum molendinum unum et dimidium, et omnis piscatio quȩ inter hec molendina est, item apud Nigellam molendinum unum cum districto, in pago Cameracensi omnis villa sancti Ylarii cum altari, de villa Rolant curte tertia pars cum districto, ecclesia et altare de Salegio cum appendiciis suis, ecclesia et altare de Tum cum appendiciis suis, altare de Maineriis cum appendiciis suis, in villa de Relincurte curtilia et terra arabilis, in villa de Blathercurte duȩ partes [unius] cambe et curtilia et terra arabilis, in villa Banteneis, in Hera, Rameliis, Morenceis, Colregio, Ollevilla, Marconio, Solobria et apud Veteres lis curtilia et terrȩ arabiles, apud Busseras unus mansus et terra arabilis, dimidium quoque predium de Gatenneis, in pago de Hainau Villerellum et ecclesia cum altari et appendiciis suis, salvo episcopali redditu, qui est nummorum duodecim, item terra que vocatur Vehut cum districto, in pago Letgii altare de Villanis cum appendiciis suis, pars altaris dimidia de Braina, altare de Genam curte, villa in Bracbant que vocatur Nivuehovo cum districto toto et ecclesia et altare cum appendiciis suis, salvo episcopali redditu, qui est nummorum duodecim. Super hec confirmamus vobis altare de Bunlari cum appendiciis suis, altare de Brugelectis cum multa familia, salvo episcopali redditu, qui est quinque solidorum, altare de Leuves salvo episcopali redditu, qui est duorum solidorum, preterea, quecumque predia, quascumque possessiones idem sancti Sepulchri cenobium presenti tertia indictione legitime possidet sive in futurum concessione pontificum, liberalitate principum vel oblatione fidelium iuste atque canonice poterit adipisci, firma tibi tuisque successoribus et illibata permaneant. Oleum infirmorum, consecrationes altarium sive basilicarum, ordinationes monachorum, qui ad sacros fuerint ordines promovendi, ab episcopo in cuius diocesi estis accipietis, si quidem gratiam atque communionem apostolicȩ sedis habuerit, et si ea gratis ac sine pravitate voluerit exhibere. Alioquin liceat vobis, catholicum, quem malueritis, adire antistitem et ab eo consecratio[num sacramenta] suscipere, qui apostolicȩ sedis fultus auctoritate, quȩ postulatur, indulgeat. Obeunte te, nunc eius loci abbate, vel tuorum quolibet successorum, nullus ibi qualibet surreptionis astutia seu violentia preponatur, nisi quem fratres communi consensu vel fratrum pars consilii sanioris vel de suo, vel de alieno, si oportuerit, collegio secundum dei timorem et beati Benedicti regulam elegerint. Ad hec decernimus, ut nulli omnino hominum liceat, idem monasterium temere perturbare aut eius possessiones auferre, vel ablatas retinere, minuere vel temerariis vexationibus fatigare, sed omnia integra conserventur eorum, pro quorum sustentatione et gubernatione concessa sunt, usibus omnimodis profutura, salva, sicut supra dictum est, Cameracensis episcopi reverentia. Si qua igitur ecclesiastica secularisve persona hanc nostrȩ constitutionis paginam sciens contra eam temere venire temptaverit, secundo tertiove commonita, si non satisfactione congrua emendaverit, potestatis honorisque sui dignitate careat, reamque se divino iudicio existere de perpetrata iniquitate cognoscat, et a sacratissimoa corpore ac sanguine dei et domini redemptoris nostri Jesu Christi aliena fiat, atque in extremo examine districte ultioni subiaceat. | Cunctis autem eidem loco iusta servantibus sit pax domini nostri Jesu Christi, quatinus et hic fructum bone actionis percipiant et apud districtum iudicem premia eterne pacis inveniant. Amen. Amen. — | Scriptum per manum Rainerii, scriniarii, regionarii et notarii sacri palatii. —

(R) Ego Paschalis catholicȩ ecclesiȩ episcopus ss. (M)

Dat. Laterani, per manum Johannis, santȩ Romanȩ ecclesiȩ diaconi cardinalis ac bibliothecarii. Kl. Novembris. Indictione iii. Incarnationis dominicȩ anno mcix. Pontificatus autem domni Paschalis secundi papȩ anno xi.