« aposcripta-41140 »

Document | aposcripta/notice/193449
plus d'informations

Description

  •  
    Alexandre III (1159-1181)
  •  
    L'abbé, Aymon, et les frères de Saint-Seine
  •  
    VII idus martii, indictione XII, anno MCLXXVIII, pontificatus anno vicesimo
  •  
    1179/03/09

  •  
    Latran
  •  
    Privilège solennel
  •  
    [Cartulaire] B. FRANCE, Dijon, Archives départementales de Côte-d'Or, CART. 165, p. 165 (fonds de l'abbaye de Saint-Seine). Cartulaire du XIIIe siècle [en ligne].
  •  
    [Copie moderne] C1 et alii. FRANCE, Paris, Bibliothèque nationale, ms. Latin 9874, p. 1. Copie du cartulaire de Saint-Seine, XVIIIe siècle [en ligne]. D'autres copies de B. se trouvent sous les cotes Latin 12824, fol. 339, copie par Aubrée des cartulaires de Saint-Symphorien d'Autun, de S. Marcel de Chalon et de S. Seine ; et Latin 17085 (Bibl. Buherianae A 62. 1721) fol. 1, copie par Jean Bouhier.
  •  
    Wilhelm Wiederhold, Papsturkunden in Frankreich, 2. Bourgogne, Bresse et Bugey, Berlin, 1906 (Nachrichten der königlichen Gesellschaft der Wissenschaften zu Göttingen. Beiheft), n. 39, p. 62 [en ligne].
  •  
    Antonin Bourquin pour APOSCRIPTA, octobre 2024, d'après B.
  •  
    ?
  •  
    Alexander III. nimmt das Kloster Saint-Seine unter dem Abt Aymo in den apostolischen Schutz und bestätigt ihm die namentlich aufgeführten Besitzungen, die Freiheit vom Interdict, das Aufnahmerecht, die Sepultur und die freie Abtswahl [Wiederhold].
  •  
    Alexander episcopus servus servorum Dei. Dilectis filiis Haymoni abbati monasterii Sancti Sequani ejusque fratribus tam presentibus quam futuris monasticam vitam professis in perpetuum.
    Quociens a nobis illud petitur, quod religioni et honestati convenire dinoscitur, animo nos decet libenti concedere et petencium desideriis congruum impertiri suffragium.
    Eapropter, dilecti in domino filii, vestris justis postulationibus clementer annuimus, et prefatam monasterium Sancti Sequani, in quo divino mancipati estis obsequio, sub beati Petri et nostra protectione suscipimus et presentis scripti privilegio communimus.
    In primis statuentes siquidem, ut ordo monasticus qui secundum Dei timorem et beati Benedicti regulam in monasterio vestro institutus esse dinoscitur perpetuis ibidem temporibus inviolabiliter observetur.
    Preterea quascumque possessiones, quecumque bona idem monasterium, in presentiarum juste et canonice possidet, aut in futurum concessione pontificum, largitione regum vel principum, oblatione fidelium, seu aliis justis modis, prestante Domino, poterit adipisci, firma vobis vestrisque successoribus et illibata permaneant.
    In quibus hec propriis duximus exprimenda vocabulis :
    Locum ipsum, in quo prefatum monasterium situm est, cum omnibus suis pertinentiis, Novam Villam cum mancipiis et omnibus aliis ad eamdem villam pertinentibus, Sigestrum, Belent, Munellum, Sauciniacum, Campaniacum cum capella, Vallem cum capella, Quinque fontes, Meletum cum capella, res que sunt in villa de Tarsu, Frasnetum cum capella et aliis adjacentibus, Lyriacum cum capella, Buxerias, Pelliriacum cum capella, Puntiacum cum capella, res quas habetis in Cancello, in Juniaco, in Blasiaco, in Buso, in Prusiliaco, in Turciaco, in Tiniaco, in Gisiaco, in Porciniacoa, Salmasia, Sollotia, Villulam cum capella, Turciac(um) cum capella, villam que vocatur ad sanctum Hylarium cum suis omnibus pertinentiis, villam sancti Maximini cum capella, ecclesiam sancti Johannis de Socce, ecclesiam de Rupe, possessiones et vineas in Brino, in Saniaco et Jonicello, mansos et terras juxta Vuites, castrum Antiniaci cum pertinentiis suis, Unciacum cum pertinentiis suis, ecclesiam de Maviley, ecclesiam de Sagriniaco cum pertinentiis suis, ecclesiam de Blasiaco, ecclesiam sancti Martini de Monte1.
    In comitatu Divionensi2 ecclesiam de Altavilla cum pertinentiis suis, capellam de Dist, capellam de Carmo Rotundo, Darensem cum ecclesia et aliis suis pertinentiis, Wicum qui vocatur Stall., ecclesiam de Scalob cum capella de Saliva, ecclesiam sancti Martini de Lingonis, terram de Delet, ecclesiam de Rupescissa cum medietate ipsius ville, capellam sancti Egydii de Magnevalle, quinque arpenta terre que Henricus comes Trecarum libere concessit ecclesie sancti Sequani cum hominibus qui sunt in villa que dicitur Barbonia.
    In territorio Belnensi3 possessiones et vineas que sunt in villa Carboni et in Cassaneas, in Saviniaco mansum cum vineis et aliis consuetudinibus suis, capellam de Tapet, ecclesiam de Busa.
    In territorio Cabulensi4 possessiones et vineas quas habetis in villa Gigonia et in Ruliaco cum decimis de Miliciaco.
    In pago Senonensi5 possessiones quas habetis in Blanciaco.
    In Salinis6 lebetes duas post puteum priori loco constitutas, uno tamen pariete disjunctas. Casale unum cum furno in Grosono.
    Casalia cum terris apud Faferniacum7, quatuor farmarios et mansum cum hominibus, in villa que dicitur Ruwra mansum cum pertinentiis suis, ecclesiam de Dreis cum decimis et aliis pertinentiis suis.
    Oblationes etiam que tempore rogationum de diversis ecclesiis ad vestrum monasterium proferuntur, villam de Pangis cum capella, terra de Semull., et terra de Britineria, Balma cum capella. In Saviniaco terras prata et homines. Homines quos habetis in Flaviniaco. Duas eminas, unam de frumento et aliam de fabis, quas canonici de sancto Stephano8 singulis annis vobis solvunt. Tres eminas, medietatem de frumento et medietatem de avena, quas canonici sancte Marie de Uniaco9 singulis annis vobis persolvunt. Octo solidos quos canonici de Bassofonte10 singulis annis vobis solvere tenentur. Et villam de Martreis.
    Cum autem generale interdictum terre fuerit, liceat vobis clausis januis, exclusis excommunicatis et interdictis, non pulsatis campanis, suppressa voce divina officia celebrare.
    Liceat quoque vobis personas liberas et absolutas e seculo fugientes ad conversionem recipere, et eas sine contradictione aliqua retinere. Prohibemus insuper ut nulli fratrum vestrorum post factam in eodem loco professionem nisi optentu arctioris religionis fas sit sine abbatis sui licentia de eodem loco discedere, discedentem vero absque communium litterarum cautione nullus audeat retinere.
    Sepulturam quoque ipsius loci liberam esse decernimus, ut eorum devotioni et extreme voliuntatic qui se illic sepeliri deliberaverint, nisi forte excommunicati vel interdicti sint nullus obsistat ; Salva tamen justicia illarum ecclesiarum a quibus mortuorum corpora assumuntur.
    Obeunte vero te, nunc ejusdem loci abbate, vel tuorum quolibet suscessorumd, nullus ibi qualibet subreptionis astutia seu violentia preponatur, nisi quem fratres communi consensu vel fratrum pars consilii sanioris secundum Dei timorem, et beati Benedicti regulam providerint eligendum.
    Decernimus ergo, ut nulli omnino hominum fas sit prefatum monasterium temere perturbare, aut ejus posessiones aufferre, vel oblatas retinere, minuere seu quibuslibet vexationibus fatigare ; Sed omnia integra conserventur eorum pro quorum gubernatione, ac sustentatione concessa sunt, usibus omnimodis profutura, salva apostolice sedis auctoritate, et diocesani episcopi canonica justicia.
    Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit, secundo, tertiove commonita, nisi reatum suum digna satisfactione correxerit, potestatis honorisque sui dignitate careat, reamque se divino judicio existere de perpetrata iniquitate cognoscat, et a sacratissimo corpore ac sanguine Dei et Domini Redemporis nostri Jesu Christi aliena fiat atque in extremo examine divine ultioni subjaceat. Cunctis autem eidem loco sua jura servantibus sit pax Domini nostri Jesu Christi quatinus et hic fructum bone actionis percipiant, et apud districtum judicem premia eterne pacis inveniant. Amen[, Amen. Amne.]

    (Rota) Ego Alexander catholice ecclesie episcopus ss. (BV)e
    ✝ Ego Hubaldus Hostiensis episcopus ss.

    ✝ Ego Johannes presb. card. sanctorum Johannis et Pauli tit. Pamachii ss.
    ✝ Ego Johannes presb. card. tit. sancti Marci ss.
    ✝ Ego Petrus presb. card. tit. sancte Susanne ss.
    ✝ Ego Petrus presb. card. tit. sancti Grisogoni ss.
    ✝ Ego Centius presb. card, tit. sancte Cecilie ss.

    ✝ Ego Jacinthus sancte Marie in Cosmydyn diac. card. ss.
    ✝ Ego Arditio diac. card. sancti Theodori ss.
    ✝ Ego Laborans diac. card. sancte Marie in Porticu ss.
    ✝ Ego Johannesf diac. card. sancti Angeli ss.
    ✝ Ego Reynirius diac. card. sancti Georgii ad Velum aureum ss.
    ✝ Ego Matheus sancte Marie (Nove) diac. card. ss.

    Datum Laterani, per manum Alberti, sancte Romane ecclesie presbiteri cardinalis et cancellarii, VII ydus martii, indictione duodecima, Incarnationis dominice anno Mo.Co.LXXVIIIo, pontificatus uero domni Alexandri pape tercii anno vicesimo.
  •  
    (a) On peut lire : Preciniaco.
  •  
    (b) barré avant : Squalo.
  •  
    (c) sic pour voluntati.
  •  
    (d) sic pour successorum
  •  
    (e) BV fehlt, ebenso überall ✝ und ss.
  •  
    (f) Johannes Georgius.
  •  
    1. Noms modernes des possessions dans la règion de Saint-Seine-l'Abbaye (Côte-d'Or), dans l'ordre de la charte : Neuville (lieu détruit, cn de Saint-Martin-du-Mont) ; Cestre ; Bligny-le-Sec ; Munois (hameau, cn de Darcey) ; Saussigny (ferme, cn de Bligny-le-Sec) ; Champagny ; Vaux-Saules ; Cinq-Fonts (hameau, cn de Vaux-Saules) ; Moloy ; Tarsul ; Frénois ; Léry ; La Bussière (lieu indeterminé) ; Pellerey ; Poncey-sur-l’Ignon ; Chanceaux ; Jugny ; Blaisy-Bas ; Bussy-la-Pesle ; Présilly ; Turcey ; Thenissey ; Gissey-sous-Flavigny ; Preugny (lieu détruit, cn de Flavigny) (?) ; Salmaise ; Soulosse (lieu détruit, près de Flavigny) ; Villotte-Saint-Seine ; Turcey ; Saint-Hélier ; Saint-Mesmin ; Soussey-sur-Brionne ; Rupe (La Roche Vanneau ?) ; Brain ; Seigny ; Jonicello (lieu indeterminé près de Montbard ou Flavigny) ; Blaisy-Haut ; Saint-Martin-du-Mont.
  •  
    2. Possessions dans le comté de Dijon : Hauteville-lès-Dijon ; Daix ; Charme-Ronde (ferme, cne de Chanceaux) ; Darois ; Étaules ; Échalot ; Salives ; l'église Saint-Martin de Langres ; Delet ? ; Rochetaillée (?) ; l'église Saint-Gilles de Magnevalle (Magny ?) ; Barbonne ou Bourbonne (?).
  •  
    3. Possessions dans la région de Beaune : Corboin (hameau, cne de Nuits-Saint-Georges) ; Chassagne-Montrachet ; Savigny-lès-Beaune ; Notre-Dame-du-Chemin (hameau, cne de Ladoix-Serrigny) ; Bouze-lès-Beaune.
  •  
    4. Possessions dans la région de Chalon-sur-Saône : Grésigny (lieu détruit, cne de Rully) ; Rully ; Mellecey.
  •  
    5. Possessions dans la région de Sens : Blacy (Yonne) ?
  •  
    6. Saulon-la-Chapelle ?
  •  
    7. Autres possessions : Fauverney ; Rouvres-en-Plaine ; Drée ; Panges ; Semull. ou Seuvill. (?) ; Bretenière (lieu détruit, près de Pasques) ; Baulme-la-Roche ; Savigny-sous-Mâlain ; Flavigny-sur-Ozerain ; Martrois.
  •  
    8. Abbaye Saint-Étienne de Dijon.
  •  
    9. Abbaye Notre-Dame d'Oigny.
  •  
    10. Abbaye des prémontrés de Basse-Fontaine (Aube).
  •  
    Inconnue de Jaffé.

Informations

Document
Antonin Bourquin (CIHAM (UMR 5648)), dans  APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193449 (aposcripta-41140), http://telma.irht.cnrs.fr/chartes/en/aposcripta/notice/193449 (mise à jour : 22/10/2024).
http://telma.irht.cnrs.fr/chartes/en/aposcripta/notice/193449
aposcripta/notice/193449
XML  JSON