Description
-
Clément VIII (1592-1605)
-
L'archidiacre et l'official de Besançon
-
L'abbaye cistercienne de Mont-Sainte-Marie
-
MDXCIII, kalendas januarii, anno secundo
-
-
Rome, Saint-Pierre
-
Mandement (littere cum filo canapis)
-
[Expédition] E. FRANCE, Besançon, Archives départementales du Doubs, 64 H 16 (fonds de l'abbaye Notre-Dame de Mont-Sainte-Marie). Bulle manquante, reste de fils de chanvre [images en ligne].
-
Antonin Bourquin pour APOSCRIPTA, octobre 2024 d'après E.
-
?
-
(à faire)
-
Clemens episcopus, servus servorum Dei, Dilectis filiis .. archidiacono ecclesie Bisuntine ac officiali Bisuntino, Salutem et apostolicam benedictionem.
Ex injuncto nobis de super apostolice servitutis officio monasteriorum quorumlibet utilitatibus et commodis intendentes his que propterea facta fuisse dicuntur ut firma et illibata persistant libenter, cum a nobis petitur mandamus adiici apostolici muniminis firmitatem.
Dudum siquidem a felicis recordationis Paulo pape II, predecessore nostro, emanarunt littere tenoris subsequentis :
« Paulus episcopus, servus servorum Dei, Ad perpetuam rei memoriam.
Cum in omnibus judiciis sit rectitudo justitie et conscientie puritas observanda, id multo magis in commissionibus alienationum rerum ecclesiasticarum convenit observari in quibus de christi patrimonio et dispensatione pauperum non de proprio cujusque peculio agitur aut tractatur.
Quapropter oportet ut in [examinandis hujusmodi alienationum] causis que a sede apostolica in forma si in evidentem utilitatem cedant oneratis ecclesiasticorum judicum conscientiis delegantur nihil favor usurpet, nihil timor extorqueat, nulla expectatio premii justitiam conscientiamque subvertat, monemus igitur et sub interminationes divini judicii omnibus commissariis et delegatis hujusmodi modi districte precipimus, ut cause et diligenter attendant causas in litteris apostolicis per supplicantes expressas illaque sollicite examinent atque discutiant aut testes et probationes super narratorum veritate recipiant et solum Deum pre occulis habentes omni timore aut favore deposito ecclesiarum indemnitatibus consulant nec in lesionem aut detrimentum earum decretum quomodolibet interponant.
Siquis autem commissarius aut delegatus conscientie sue prodigus in gravamen aut detrimentum ecclesie per gratiam timorem vel sordes alienationi consenserit aut decretum vel auctoritatem interposuerit inferior quidem episcopo sententiam excommunicationis incurrat episcopus vero ut superior ab executione officiorum per annum se noverit suspensum ad extimationem detrimenti ecclesie illati, nihilominus condemnandus sciturus, quod si suspensione durante damnabiliter ingesserit se in divinis irregularitatis laqueo se involvet a quo non, nisi per summum pontificem poterit liberari, is vero qui dolo vel fraude aut scienter in detrimentum ecclesiarum alienationem fieri procuraverit aut per sordes vel impressionem alienationis decretum extorserit similem sententiam excommunicationis incurrat, a qua non nisi per romanum pontificem possit absolvi ad restitutionem nihilominus [rerum] alienatarum cum fructibus quandocumque de premissis constiterit condemnandus.
Volumus autem quod commissarii et delegati presenti de penis constitutionis vestre specifice moneantur et in quibuscunque litteris commissionum hujusmodi [hec] statum vestrum inseratur.
Nulli ergo omnino hominum liceat hanc paginam nostre monitionis, precepti et voluntatis infringere, vel ei ausu temerario contraire. Siquis autem hoc attemptare presumpserit, indignationem omnipotentis Dei et beatorum Petri et Pauli Apostolorum ejus se noverit incursurum.
Datum Rome apud Sanctum Petrum, anno Incarnationis dominice millesimo quadringentesimo sexagesimo quinto, quinto idus maii, pontificatus nostri anno primo. »1
Et deinde exhibita nobis nuper pro parte dilectorum filiorum abbatis et conventus monasterii Sancte Marie, Cisterciensis ordinis, Bisuntine diocesis, et Nicier Pavier, laici oppidi de Salinis, dicte diocesis, petitio continebat, quod cum abbas et conventus inter alia ejusdem monasterii bona haberent et possiderent quasdam vineas cum viridariis illis adjacentibus ruinosas et incultas duodecim jugerum vel circa mensure illarum partium ......................
Datum Rome apud Sanctum Petrum, anno Incarnationis dominice millesimo quingentesimo nonagesimo tercio, kalendas januarii, pontificatus nostri anno secundo. -
Paul II : APOSCRIPTA n. 25676.
-
?
Informations
Document
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193444 (aposcripta-41135), http://telma.irht.cnrs.fr/chartes/en/aposcripta/notice/193444 (mise à jour : 13/10/2024).