Description
-
Urbain V (1362-1370)
-
La communauté de Chaumousey, OSA, diocèse de Toul
-
Le chanoine de Chaumousey, OSA, diocèse de Toul, Gerric
-
VI kalendas julii, anno primo
-
-
Avignon
-
Mandement (littere cum filo canapis)
-
[Cartulaire] C1. FRANCE, Épinal, Archives départementales des Vosges, XII H 1, fol. 27v (fonds de l'abbaye de Chaumousey). Cartulaire de Chaumousey, 1427.
-
[Registre de la chancellerie apostolique] R. CITÉ DU VATICAN, Archivio apostolico Vaticano, Registra Avenionense 155, fol. 216.
-
Albert Nicolay, « Cartulaire de Chaumousey » in Documents rares ou inédits de l'histoire des Vosges, Paris, 11 vol., 1868-1896, t. XI, p. 406 [en ligne].
-
M.-H. Laurent et alii (éd.), Urbain V (1362-1370), Lettres communes, Paris, 1954-1989, 12 t. (BEFAR), n. 7977.
-
Confirmation par Urbain V de l’élection de Thierri de Dompaire, comme abbé de Chaumousey [Inventaire AD des Vosges].
Gerrico, can. monast. Calmosiacen., S.R.E. immediate subjecti, O.S.A., Tullen. dioc., ordinem ipsum expresse professo, sacerdoti, electio in abb. dicti monast., pastore carentis per obitum ext. Rom. cur. Leobaldi, a Johanne de Lunarisvilla, cler. in spiritualibus vicar. generali Bertrandi, episc. Tullen., approbata, munere benedictionis a Francisco, episc. Suidonien., ex commissione dicti episcopi Tullen., obtento, contra apost. reserv. ab Innocentio PP. VI institutam, facta, confirmatur. - In e. m. : conventui monast. Calmosiacen. [Laurent]. -
Urbanus episcopus, servus servorum Dei, dilectis filiis conventui monasterii Calmosiacensis, Romane Ecclesie immediate subjecti, ordinis sancti Augustini, Tullensis diocesis, salutem et apostolicam benedictionem.
Officii nostri debitum exigit ut, inter sollicitudines varias quibus assidue angimur, specialiter circa ecclesias et monasteria omnia solertiam adhibentes, eorum utilitatibus intendamus, presertim ut illis que Romane Ecdesie immediate subjecta et prelatorum suorum regimine destituta sunt, de talium nostre diligentie studio provideatur sustitutione pastorum per quos ecclesie et monasteria ipsa spiritualiter et temporaliter continuis proficiant incrementis.
Dudum siquidem quondam Leobaldo, abbate monasterii vestri Calmosiacensis, regimini dicti monasterii presidente, felicis recordationis Innocentius Papa VI, predecessor noster, cupiens eidem monasterio, cum vacaret, per apostolice sedis providentiam, ydoneam presidere personam, provisionem ipsius monasterii ordinationi et dispositioni sue, ea vice, specialiter reservavit, decernens extunc irritum et inane, si secus super hiis perquoscumque, quavis auctoritate, scienter vel ignoranter, contingeret attemptari.
Postmodum vero, dicto monasterio vestro, per obitum dicti Leobaldi abbatis, qui extra Romanam curiam decessit, vacante, vos, reservationis et decreti hujusmodi, ut asseritur, forsan ignari, dilectum filium Therricum abbatem, canonicum ipsius monasterii vestri, ordinem ipsum expresse professum et in sacerdotio constitutum, in vestrum et monasterii vestri abbatem, licet de facto concorditer elegistis, ipseque reservationis et decreti predictorum similiter inscius, prefate electioni consentiens, electionem ipsam a dilecto filio Johanne de Lunarisvilla, clerico, in spiritualibus vicario generali venerabilis fratris nostri Bertrandi, episcopi Tullensis, habentis electionem abbatis dicti monasterii vestri per se vel per alium pro tempore confirmandi ipsique abbati munus benedictionis impendendi, ex speciali privilegio Sedis apostolice potestatem ex speciali commissione per dictum episcopum sibi facta, reservationem et decretum predicta similiter ignorante, obtinuit confirmari etiam de facto, et per venerabilem fratrem nostrum Franciscum, episcopum Sidoniensem, ex commissione dicti episcopi Tullensis sibi munus benedictionis impendi, seque administrationi bonorum dicti monasterii vestri extunc in spiritualibus et temporalibus ingessit.
Et demum reservatione et decreto hujusmodi ad suam deductis notitiam, premissa omnia coram eodem predecessore in consistorio proponi fecit, dictoque predecessore, per eum dicto monasterio vestro non proviso, postmodum sublato de medio, Nos, ad apicem summi apostolatus assumpti, electionem et confirmationem predictas, ut pote post et contra reservationem et decretum predicta de facto ut premittant attemptatas prout erant, reputavimus irritas et inanes, et ad provisionem ipsius monasterii vestri celerem et felicem, dequa nullus preter romanum pontificem ea vice se intromittere potuerat neque poterat, reservatione et decrete obsistentibus supradictis, ne dictum monasterium vestrum longe vacationis exponeretur incommodis, paternis et sollicitis studiis intendentes, post deliberationem quam super hiis cum fratribus nostris habuimus diligentem, demum ad predictum Therricum abbatem vestrum, cui de religionis zelo, litterarum scientia, vite ac morum honestate et aliis virtutum meritis laudabilia apud nos testimonia perhibentur, direximus oculos nostre mentis, quibus omnibus, ac etiam concordi vestrum ipsum Therricum eligentium voluntate, debita meditatione pensatis, de persona ejusdem Therrici eidem monasterio vestro de dictorum fratrum consilio, auctoritate apostolica providimus, ipsumque illi prefecimus in abbatem, curam et administrationem ipsius monasterii vestri sibi in spiritualibus et temporalibus plenario committendo, ac hujusmodi munus sibi, ut prefertur, impensum, et que circa administrationem hujusmodi per eum alia rite gesta sunt pacificavimus et etiam approbavimus.
In illo qui dat gratias et largitur premia confidentes quod, dextera Domini sibi assistente propitio, prefatum monasterium vestrum per sue circunspectionis industriam prospere dirigetur ac salubria, dante Domino, suscipiet incrementa.
Quocirca discretioni vestre per apostolica scripta mandamus quatinus eumdem abbatem, pro nostra et ejusdem Sedis reverentia benigne recipientes et honorifice pertractantes, exhibeatis eidem obedientiam debitam et devotam, ejus salubria monita et mandata suscipiendo humiliter et efficaciter adimplendo, Alioquin sententiam quam idem abbas rite tulerit in rebelles ratam habebimus, et faciemus, auctore Domino, usque ad satisfactionem condignam inviolabiliter observari.
Datum Avinione, sexto kalendas julii, pontificatus nostri anno primo. -
?
Informations
Document
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193299 (aposcripta-40990), http://telma.irht.cnrs.fr/chartes/en/aposcripta/notice/193299 (mise à jour : 09/09/2024).