Description
-
Grégoire IX (1227-1241)
-
L'abbé de Cîteaux et tous les co-abbés et frères de l'ordre cistercien
-
VII kalendas decembris, anno primo
-
-
Latran
-
Titre, général (littere gratiose, cum filo serico)
-
[Cartulaire] G. FRANCE, Dijon, Archives départementales de la Côte-d'Or, CART. 204, pièce NNN, fol. 20v (fonds de l'abbaye de Fontenay). Cartulaire du XVIIIe siècle, d'après un vidimus de l'évêque d'Autun, Gui, daté de février 1228 [images en ligne].
-
Antonin Bourquin pour APOSCRIPTA, mai 2024, d'après G.
-
?
-
Gregorius episcopus, servus servorum Dei, Dilectis filiis .. abbati Cistercii et universi coabbatibus ajus et fratribus sub eodem ordine Deo servientibus, Salutem et apostolicam benedictionem.
Si adhuc Amalech persequitur Jerusalem dum cupidi et avari viros religiosos Deum videre per contemplationis otium cupientes non solum aperta sevitia, verum etiam subdola calliditate multipliciter inquietant, nos igitur, veri Moisy vices, licet immeriti, gerimus, debemus illorum et refragari conatibus et versutiis obviare ; ne virgam peccatorum super sortem justorum relinquere videamur.
Ex parte siquidem vestra fuit propositum coram nobis, quod nonnulli clerici et laici, non tam justitiam suam prosequi quam vos persequi dampnabiliter intendentes, vos ultra duas pluresve dietas a monasteriis vestris per litteras apostolicas faciunt malitiose citari, ut fatigati laboribus et expensis vel cedere litibus, vel dampnosas subire compellamini pactiones.
Ut igitur sapientia vincat sua suavitate malitiam, cum experimento sciamus quam sit amarum sancte contemplationi vacantibus distrahi litibus odiosis, volentes, quantum cum Deo possumus, vestre quieti consulere, ne decetero ultra duas dietas a monasteriis propriis per litteras apostolicas trahi possitis in causam, auctoritate vobis presentium indulgemus, nisi littere ipse de hac indulgentia fecerint mentionem.
Nulli ergo omnino hominum liceat hanc paginam nostre concessionis infringere, vel ei ausu temerario contraire. Siquis autem hoc attemptare presumpserit, indignationem omnipotentis Dei et beatorum Petri et Pauli apostolorum ejus se noverit incursurum.
Datum Laterani, VII kalendas decembris, pontificatus nostri anno primo. -
Inconnue de Potthast. Absente des registres édités.
Informations
Document
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192735 (aposcripta-40511), http://telma.irht.cnrs.fr/chartes/en/aposcripta/notice/192735 (mise à jour : 17/05/2024).