Description
-
Innocent III (1198-1216)
-
L'évêque de Langres Guillaume et le duc de Bourgogne Eudes
-
XVI kalendas maii, anno quarto decimo
-
-
Latran
-
Lettre, général (après 1198, littere cum filo canapis)
-
[Registre de la chancellerie apostolique] R. CITÉ DU VATICAN, Archivio apostolico Vaticano, Registra Vaticana 8, ep. 29, fol. 53.
-
n.c.
-
Ici reprise d'Andrea Sommerlechner, Othmar Hageneder, Till Hötzel, Rainer Murauer, Reinhard Selinger, Herwig Weigl, Die Register Innocenz' III. Band. 14. Pontifikatsjahr, 1211/1212, Vienne : Verlag der Österreichischen Akademie der Wissenschaften (Publikationen des Österreichischen historischen Instituts in Rom), 2018, n. 29, p. 55-56 [en ligne].
-
Paul Dumay, Innocentii III... Epistolae, Paris, 1625, n. 5, p. 43.
-
Étienne Baluze, Epistolarum Innocentii tertii Romani pontificis libri undecim, Paris : François Muguet, 1682, 2 vol., II, n. 29, p. 522-523 [en ligne].
-
Jacques-Paul Migne, Patrologie latine, París, 1844-1855 (réimp. Turnhout : Brepols, 1970), t. 216, n. 29, c. 405-407 [en ligne].
-
n.c.
-
Potthast, Regesta pontificum Romanorum, n. 4231, p. 364 [en ligne].
-
Louis Georges Oudard Feudrix de Bréquigny, Table chronologique des diplômes, chartes, titres et actes imprimés concernant l'histoire de France, t. IV, Paris, 1836, p. 506 [en ligne].
-
Alphonse Roserot, Répertoire historique de la Haute-Marne, Paris, 1901, n. 800, 866.
-
(Willermo) episcopo Lingonensi et (Odoni) duci Burgundiae scribit, se ratum habere quidquid ab ipsis ex compromisso statutum fuerit ad reformationem et solutionem debitorum monasterii s. Benigni Divionensis absque rerum ecclesiae venditione vel obligatione, provisa tamen quinquaginta monachorum iuxta loci consuetudinem sustentatione [Potthast].
Innocenz III. befiehlt dem Bischof [Wilhelm] von Langres und dem Herzog [Odo] von Burgund, auf Wunsch des Abtes und der Mönche von Saint-Bénigne in Dijon die Besitzungen der Abtei gemeinsam mit einem Dritten an sich zu nehmen, bis deren Schulden ohne Veraüßerung der Guter der Abtei getilgt sind und 50 Mönche versorgt werden können ; weiters sollen sie für die Einhaltung der Bestimmungen, die zur Reformierung der Abtei getroffen wurden, nötigenfalls mit kirchlicher beziehungsweise weltlicher Strafgewalt sorgen [Sommerlechner et alii]. -
Episcopo Lingonensi1 et nobili viro duci Burgundie2.
Sicut ex literis dilectorum filiorum abbatis3 et conventus sancti Benigni Diuionensis, diocesis Lingonensis, accepimus, cum tu, frater episcope, in tue promotionis inicio ad monasterium eorundem, de cuius miserabili lapsu multa didiceras4, accessisses gracia visitandi, memoratus conventus in te ac eundem abbatem et priorem eiusdem loci necnon et duos alios clericos super reformatione domus tam in capite quam in membris compromittere curaverunt, promittentes interposito iuramento se ordinationi vestre humiliter parituros. Vos autem compromissioni huiusmodi a festo sancti Remigii5 tunc proximo affuturo usque ad annum terminum prefigentes communiter statuistis, ut, quod super debitorum solucione a vobis ordinaretur, interim servaretur, et capitulo inter cetera iniungentes, ut ordo monasticus, qui relaxatus ibidem aliquatenus fuerat, districcius servaretur, duo milia librarum et eo amplius infra annum pro debitis monasterii persolvistis.
Appropinquante vero termino compromissioni prefixo, cum fuisset a vobis primitus constitutum, ut omnes obedienciarum proventus insimul adunati ad solutionem cederent debitorum quodque obedientiarii, ne statutum huiusmodi prepedirent, ad suas obedientias mitterentur earundem proventus fideliter servaturi, ipsi proventus illius anni in usus proprios vel potius in abusus nequiter converterunt.
Unde cum adhuc multa debita superessent, pro quibus nondum fuerat satisfactum, que nonnisi cum multarum possessionum distraccione ac maximo ecclesie detrimento poterant expediri, et malitia creditorum nonnisi per te, fili dux, cuius iurisditionis existunt, posset ulterius refrenari, vobis pariter extitit ab eisdem abbate ac fratribus cum instantia supplicatum, ut ascito vobis tercio viro provido et potente in manu vestra tamdiu possessiones ecclesie teneretis, donec absque rerum ecclesie vendicione seu obligatione aliqua ipsius debita solverentur et quinquaginta monachis faceretis honeste in eadem ecclesia iuxta loci consuetudinem provideri ; ipsique ad predicta servanda se iuramento prestito astrincxerunt, tibi, frater episcope, patentes super hoc litteras concedentes, quod vos demum eorum devicti precibus acceptastis.
Cum igitur iidem abbas et fratres devote nobis duxerint supplicandum, ut, quod premissum est, auctoritate dignaremur apostolica confirmare, cum ad presens alio modo nequeat monasterio consuli memorato, nos, qui super eiusdem loci sumus reformatione solliciti, provisionem huiusmodi ratam habentes et gratam, cum credamus eandem ad ipsius monasterii commodum redundare, devocionem vestram rogandam duximus et monendam per apostolica vobis scripta precipiendo mandantes, quatenus suprascripta taliter ad honorem Dei et utilitatem monasterii supradicti ad debitum perducatis effectum, que ad reformationem loci statuta sunt facientes in suo robore perdurare, ut diligencie vestre studium clareat in effectu ac divinam et apostolicam gratiam propter hoc vobis uberius comparetis ; contradictores, si qui fuerint, vel rebelles tu, frater episcope, censura ecclesiastica et tu, fili dux, si necesse fuerit, potestate tibi tradita sublato appellationis obstaculo compescatis.
Datum Laterani, XVI kalendas maii, anno quartodecimo. -
1. n.c.
-
2. n.c.
-
3. n.c.
-
4. n.c.
-
5. n.c.
-
n.c.
-
n.c.
Informations
Document
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 187133 (aposcripta-34991), http://telma.irht.cnrs.fr/chartes/en/aposcripta/notice/187133 (mise à jour : 06/06/2024).