Description
-
Honorius IV (1285-1287)
-
Le chancelier de Paris
-
X kalendas februarii, anno primo
-
-
Rome, Saint-Pierre
-
Mandement (littere cum filo canapis)
-
[Registre de la chancellerie apostolique] Reg. Vat. Honorii IV an. 1, ep. 270, fol. 74b. — Jourdain, n° 280.
-
Ici reprise de Henri Denifle, Émile Châtelain, Chartularium Universitatis Parisiensis. I. Ab anno MCC usque ad annum MCCLXXXVI, Paris : Delalain, 1889, n. 527, p. 638 [en ligne].
-
Jourdain, Ind. chronol., n. 280, p. 51.
-
Potthast, Regesta pontificum Romanorum, n. 22355 [en ligne].
-
Litterae Honorii papae IV ad Nicolaum cancellarium Parisiensem, quibus, ad exemplum pontificum Innocentii IV, Alexandri IV, Clementis IV et Gregorii X, providet ut clerici, in Arabica lingua et in ceteris partium Orientalium linguis eruditi, qui Parisius mittebantur, pro necessariorum defectu ab incepto studio desistere non cogantur.
-
Dilecto filio .. cancellario ecclesie Parisiensis.
De affectione pia et moderatione provida fe. re. Innocentii pape IV, predecessoris nostri, dudum noscitur processisse, quod ipse quosdam clericos, tam in Arabica quam in aliis linguis partium orientalium eruditos tali de causa mitti disposuit Parisius ad studendum, ut doctrinam sacre pagine consecuti, alios ad salutem in transmarinis partibus erudirent[1]. Pie quoque memorie Alexander papa IV, predecessor noster, ne iidem clerici, qui erant tunc decem Parisius, ab incepto studio pro necessariorum defectu desistere cogerentur, quondam .. cancellario Parisiensi, predecessori tuo, ad instar ipsius predecessoris Innocentii, suis sub certa forma dedisse dicitur litteris in mandatis, ut ipsis decem et totidem aliis, cum essent ibidem, ab aliquibus monasteriis vel ecclesiis regni Francie, ita tamen quod in singulis monasteriis vel ecclesiis eisdem, singulis prefatis clericis, videlicet viginti, vel aliis eis cedentibus vel decedentibus in loco succedentibus eorumdem, usque ad numerum pretaxatum faceret per se vel per alium in decem libris parisiens. annis singulis, quamdiu Parisius hujusmodi studio insisterent, provideri, dummodo monasterium vel ecclesia, quod vel que per triennium id solveret, super hoc non gravaretur ulterius, eadem gratia quantum ad alia monasteria vel ecclesias in suo robore nichilominus perdurante, contradictores, etc. usque compescendo[2]. Postmodum vero, fe. re. Clemens papa, predecessor noster, quondam magistro Odoni de Sancto Dionysio, canonico Parisiensi, suis sub certa forma dedit litteris in mandatis, ut ad provisionem dictorum decem et aliorum decem clericorum ejusdem terre, cum Parisius essent, per se vel per alium procederet juxta tenorem predictarum litterarum eorumdem predecessorum Innocentii et Alexandri ad dictum cancellarium directarum ; ac postmodum, pie memorie Gregorius papa X, predecessor noster, eidem magistro Odoni per suas mandavit litteras, ut ad provisionem dictorum clericorum per se vel per alium procederet secundum earumdem dicti predecessoris Clementis continentiam litterarum[3]. Nos itaque volentes ut quod per predictos predecessores nostros in hac parte demandatum extitit plenum consequatur effectum, discretioni tue per apostolica scripta mandamus quatinus ad provisionem dictorum clericorum, per te vel per alium, auctoritate nostra procedas secundum eorumdem dictorum predecessorum nostrorum continentiam litterarum, non obstante, si prelatis, vel collegiis, aut personis monasteriorum et ecclesiarum predictorum, seu quibuscumque aliis a sede apostolica sit indultum quod ad provisionem alicujus in aliquibus pensionibus minime teneantur, quodque ad id compelli, seu interdici, vel excommunicari non possint per litteras apostolicas non facientes plenam et expressam de indulto hujusmodi mentionem, seu qualibet dicte sedis indulgentia cujuscumque tenoris existat, per quam effectus presentium impediri valeat vel differri, et de qua cujusque toto tenore de verbo ad verbum oporteat nostris litteris fieri mentionem.
Dat. Rome apud Sanctam Sabinam X kalendas Februarii, pontificatus nostri anno primo. -
1. Supra n° 180.
-
2. Cf. n° 324.
-
3. Hae epistolae non sunt notae.
-
Même bulle que APOSCRIPTA n. 12227.
Informations
Document
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 164565 (aposcripta-16999), http://telma.irht.cnrs.fr/chartes/en/aposcripta/notice/164565 (mise à jour : 17/05/2024).