Description
-
Eugène IV (1431-1447)
-
Le chanoine de Milan Giuseppe Brivio
-
Le laïc milanais Amedeo Landi
-
MCDXXXIX, XVI kalendas julii, anno nono
-
-
Florence
-
Mandement (littere cum filo canapis)
-
[Registre de la chancellerie apostolique] F. ITALIE, Milan, Archivio dei Luoghi Pii Elemosinieri presso Azienda di Servizi alla Persona Golgi Redaelli, Famiglie, b. 257, fasc. Landi, 5. Copie dans la sentence de Giuseppe Brivio.
-
Ici reprise de Marina Benedetti, Tiziana Danelli, Contro frate Bernardino da Siena. Processi al maestro Amedeo Landi (Milano 1437-1447), Milan : Milano University Press, 2021 [en ligne], p. 235-236.
-
?
-
?
-
Le pape ordonne l'ouverture d'un enquête, à la demande d'Amedeo Landi, sur l'accusation d'hérésie lancée contre lui par fra Bernardino de Sienne et d'autres prédicateurs dans leurs sermons [APO].
-
Eugenius episcopus, servus servorum Dei, dillecto filio Ioseph de Brippio canonico Mediolanensi salutem et apostolicam benedictionem.
Humilibus supplicum vocis libenter annuimus eaque favoribus prosequimur oportunis.
Exhibita siquidem nobis nuper pro parte dillecti filii Amadei de Landis, laici in civitate Mediolani comorantis, petitio continebat quod ol[i]m, postquam ipse, tunc pro instruendis iuvenibus in dicta civitate scolas tenens, iuvenes eosdem dictas scolas frequentantes, quorum aliquos ad ingrediendum religionem plus animi levitate quam sano conscilio ductos festinare, cernebat, monuerat eisque persuaserat, ut ante ingressum religionis huiusmodi per annum vel duos regularem Observantiam, si eius asperitatem sufferre possent, in propriis domibus expirentur ac dillecti filii Francischus de Lacruce, canonicus Mediolanensis vicarius in spiritualibus generalis venerabilis fratris nostri archiepiscopi Mediolani, et Iohannes de Puteobonello, Ordinis fratrum Predicatorum professor tunc inquisitor heretice pravitatis in illis partibus auctoritate apostolica deputatus, ad falsam denuntiationem quorundam malivolorum prefati Amadei minus veraciter pretendentes ipsum Amadeum premissorum occaxione heresis labe fore respersuma contra eum ad hoc vocatum seu citatum ex offitio descenderant ad inquisitionem nonnulli Ordinum Mendicantium professores in prefata civitate ac diocesi Mediolanensi moram trahentes, ausu temerario Dei timore postposito, dictum Amadeum non confessum, non convictum, neque sententia cuiusvis iudicis condemnatum inquisitionis offitio huiusmodi etiam indeciso manente eadem occaxione prefacta labe respersum fore in fatie Ecclesie populi multitudine ad audiendum verbum Dei inibib congregata publice predicare non errubuerunt in animarum suarum periculum ac non modicum prefati Amadei fame denigrationem pariter et iacturam et, licet vicarius et inquisitor predicti in prefato inquisitionis negotio rite postmodum procedentes ipsum Amadeum premissa occaxione nulla heresis labe respersum esse invenerunt eumque innocentem fore per diffinitivam que nulla provocatione suspensa in rem transunt iudicatam sententiam declaraverant, tamen dicti professores postmodum prefatam sententiam sicut ipsum Amadeum occaxione huiusmodi dicta labe respersum fuisse publice predicarunt, ita cum ad ipsa labe incontaminatum fore publice predicare non curarunt. Quare pro parte ipsius Amadei nobis fuit humiliter supplicatum ut sibi et statui suo in premissis oportune providere de benignitate apostolica dignaremur.
Nos igitur, huiusmodi supplicationibus inclinati, discretioni tue per apostolica scripta mandamus quatenus, vocatis qui fuerint evocandi et auditis hinc inde propositis quos iustum fuerit appellacione remota decernas fatiens quod decreveris per censuram ecclesiasticam firmiter observari, non obstante si ordinibus prefatis a Sede apostolica sit indultum quod ipsorum ordinum persone ad iuditium trahi seu suspendi vel excomunicari aut ipse vel eorundem ordinum loca interdictic non possint per litteras apostolicas non fatientes plenam et expressam ac de verbo ad verbum de indulto huiusmodi mentionem et qualibet alia dicte Sedis indulgentia generali vel speciali cuiuscumque tenoris existat per quam presentibus non expressam vel totaliter non insertam tue iurisdictionis explicacio in hac parte valeat quomodolibet impediri que quo ad hoc eis nolumus aliqualiter suffragari.
Datum Florentie, anno Incarnationis Dominice millesimo quadringentesimo trigesimo nono, sexto decimo kalendas iullii, pontificatus nostri anno nono. -
(a) Prima s corr. da p.
-
(b) i maiuscola sovrascritta su i minuscola.
-
(c) interdicti così forse per interdici.
Informations
Document
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 164560 (aposcripta-16994), http://telma.irht.cnrs.fr/chartes/en/aposcripta/notice/164560 (mise à jour : 07/01/2023).