Description
-
Grégoire IX (1227-1241)
-
Friderico, Romanorum imperatori semper augusto, Ierusalem et Sicilie regi illustri
-
IX kalendas octobris, anno nono
-
-
Asisii
-
Mandement (littere cum filo canapis)
-
[Registre de la chancellerie apostolique] R. CITÉ DU VATICAN, Archivio Segreto Vaticano, Registra Vaticana ... Greg. IX Reg. Vol. V, 72; Lib. IX, 234.
-
Ici reprise de Karl Rodenberg, Epistolae s. XIII e regestis pontificum romanorum selectae, I, Berlin : Weidmann (MGH), 1883, n. 658, p. 557 [en ligne], d'après R.
-
?
-
Potthast, Regesta pontificum Romanorum, Add. I, n. 10021a-26252 [en ligne].
-
Gregorius IX papa Friderico Romanorum imperatori nuntiat se rectoribus societatis Lombardiae mandasse, ut procuratores idoneos usque ad Kal. Dec. ad sedem apostolicam destinent, eique suadet, ut [Hermannum] magistrum Teutonicorum procuratorem suum mittat, qui simul cum magistro Petro de Vinea negotium melius promovere possit.
-
Friderico, Romanorum imperatori semper augusto, Ierusalem et Sicilie regi illustri.
Audita litterarum serie in qua voluntatem tuam nobis super Lombardie negotio expressisti, quosdam Lombardos, nobiles, de Lombardie partibus oriundos, per quos ad Lombardos perveniat, quod eis ad tuam resumi gratiam sit plurimum oportunum et quod imputare sibi poterunt, si contingat eisdem aliquid discriminis imminere, nec non et magistrum Petrum scriptorem nostrum, virum fidelem, discretum et providum, ad venerabilem fratrem nostrum . . Antiochenum patriarcham, apostolice sedis legatum, et rectores societatis Lombardie duximus destinandos, mandantes eisdem ut procuratores idoneos pro parte societatis eiusdem super questione, que inter te ac ipsam vertitur, iuxta compromissi formam, quam a tua serenitate recepimus, sufficiens mandatum habentes cum omnibus iuribus et rationibus societatis ipsius usque ad Kalendas proximo futuri Decembris ad nostram presentiam destinarent. Verum licet nimis brevis huiusmodi terminus videatur ad tam arduum negotium terminandum, cum ad salubrem terminationem huiusmodi questionis presentia dilecti filii . . magistri hospitalis sancte Marie Teutonicorum fore credatur plurimum oportuna, excellentie tue digne duximus suadendum, quatinus magistrum eundem, pro parte tua super questione prefata et prorogatione termini, si viderimus expedire, sufficiens mandatum habentem, assignata sibi predicti compromissi forma bulla aurea communita, ad nostram destinare presentiam non omittas, quod in Kalendis eisdem compareat coram nobis, ut ipse simul cum magistro Petro de Vinea, quem propter hoc duximus retinendum, causam possit instruere et dictum negotium melius promovere.
Dat. Asisii, VIIII Kal. Octob. anno nono.
In eundem fere modum scriptum est super hoc eidem magistro. -
(a) ?
-
(b) ?
-
(c) ?
-
(d) ?
-
(e) ?
-
(f) ?
-
1. ?
-
2. ?
-
3. ?
-
?
Informations
Document
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 158563 (aposcripta-11003), http://telma.irht.cnrs.fr/chartes/en/aposcripta/notice/158563 (mise à jour : 15/06/2021).