Description
-
Grégoire IX (1227-1241)
-
Le noble Jean d'Ibelin
-
V kalendas augusti, anno nono
-
-
Pérouse
-
Mandement (littere cum filo canapis)
-
[Registre de la chancellerie apostolique] R. CITÉ DU VATICAN, Archivio Segreto Vaticano, Registra Vaticana ... Greg. IX Reg. Vol. V, 58; Lib. IX, 171. Pertzii exemplar supplevimus ex Rayn. Ann. eccl. a. 1235, § 42.
-
Ici reprise de Karl Rodenberg, Epistolae s. XIII e regestis pontificum romanorum selectae, I, Berlin : Weidmann (MGH), 1883, n. 650, p. 549 [en ligne], d'après R.
-
?
-
Potthast, Regesta pontificum Romanorum, n. 9975 [en ligne].
-
Gregorius IX papa Iohannem de Ibelino reprehendit, quod populum Acconensem a fidelitate Friderici Romanorum imperatoris seducens ad obsidionem Tyri inducere nitatur, eique mandat, ut ab omnibus, quae honori imperatoris contraria sint, se avertat. Cf. n. 649.
-
Nobili viro Iohanni de Ibelino spiritum consilii sanioris.
A diutina expectatione dependimus, si forte affectus tedio que Deum offendunt et homines presumendi, studeres efficere, per que tibi et aliis in Syrie partibus constitutis possint pacis et quietis gaudia provenire. Sed ecce contrarium mirantes audivimus, et non absque turbatione plurima narramus, quod cum carissimum in Christo filium nostrum Fredericum, Romanorum imperatorem, diversis olim iniuriis provocare presumpseris, unde nichil aliud accidisse dignoscitur, nisi quod exinde status Syrie cum detrimento multorum non modicum extitit conturbatus, nunc peiora cumulando prioribus, populum Acconensem ab eius dominio et fidelitate seducens, illum ad obsidionem Tyri inducere niteris, quasi aliena usurpare iura tibi fore licitum arbitreris. Verum cum processum huiusmodi eo minus tolerare possimus, quo fere nichil est magis cordi nostro contrarium, quam quod Terra Sancta per incautelam fidelium patiatur aliquod detrimentum, nobilitatem tuam rogamus et hortamur attente, per apostolica tibi scripta precipiendo mandantes, quatenus pensato prudenter quod nobis in prefato imperatore multa inferatur iniuria, si iurium suorum patiatur ab aliquo detrimenta, presertim cum quidquid sibi prosperitatis adicitur, a nobis proprium reputetur, eo quod multe devotionis obsequiis se reddiderit ecclesie gratiosum, ab omnibus, que ipsius honori contraria dignoscuntur, te post presentium susceptionem avertere non postponas. Alioquin, cum laborantibus nobis advocare orbis terre subsidium, ut Redemptoris patria eruatur de manibus paganorum, nec velle possimus nec pati etiam debeamus, quod occasione tui Syrie partes guerre stimulis agitentur, . . decano Antiocheno, venerabilis fratris nostri . . patriarche Antiocheni vicario, damus nostris litteris in mandatis, ut te ab occupatione iurium imperatoris eiusdem vel suarum impugnatione terrarum spirituali districtione appellatione remota compescat.
Dat. Perusii, V Kal. Aug. anno nono.
In eundem fere modum scriptum est executori.
In eundem modum . . populo Acconensi. -
(a) ?
-
(b) ?
-
(c) ?
-
(d) ?
-
(e) ?
-
(f) ?
-
1. ?
-
2. ?
-
3. ?
-
?
Informations
Document
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 158554 (aposcripta-10994), http://telma.irht.cnrs.fr/chartes/en/aposcripta/notice/158554 (mise à jour : 15/06/2021).