Description
-
Jean XXII (1316-1334)
-
L'évêque de Trente
-
V nonas iulii, anno quintodecimo
-
-
Avignon
-
Mandement (littere cum filo canapis)
-
[Registre de la chancellerie apostolique] R1. CITÉ DU VATICAN, Archivio segreto Vaticano, Registra Avenionensia 38, MDCCLXVI, fol. 255 (cancellée ; taxe : XXX).
-
[Registre de la chancellerie apostolique] R2. CITÉ DU VATICAN, Archivio segreto Vaticano, Registra Vaticana 99, fol. 316v-317.
-
Ici reprise d’Emanuele Curzel, Documenti papali per la storia trentina (fino al 1341), Bologne, 2004 (Annali dell’Istituto storico italo-germanico. Fonti ; 1), n. 294, p. 454-456, d’après R1 et R2.
-
Guillaume Mollat, Jean XXII (1316-1334). Lettres communes (Bibliothèque des Écoles Françaises d’Athènes et de Rome), Paris, 1904-1947, n. 54144 (large extrait).
-
Giovanni XXII al vescovo di Trento : su richiesta di Giovanni, re di Boemia, lo incarica di assolvere Federico, preposito, e Giovanni detto Auslinger ed Everardo da Trento, canonici della canonica agostiniana di San Michele all’Adige, dalla colpa di cui si sono macchiati in quanto coinvolti nella morte di un laico avvenuta durante un’escursione in montagna alla quale, su licenza del preposito, i due canonici avevano partecipato.
-
Venerabili fratri .. episcopo Tridentino, salutem.
Pro parte dilectorum filiorum Friderici, prepositi, et Iohannis dicti Auslinger ac Everhardia de Tridento, presbyterorum, canonicorum monasterii Sancti Michaelis prope Achasimb, per prepositum soliti gubernari, ordinis sancti Augustini, tue diocesis, nobis extitit intimatum quod dicti Iohannes et Everhardusc, de dicti prepositi licentia, una cum tribus laicis ad quendam montem monasterio prefato vicinum ad capiendum aves causa solacii accesseruntd et quod, postquam fuerunt in cacumine montis eiusdem, unus ex dictis laicis, asserens se pluries ad capiendum aves in quadam parte dicti montis per funes ab hominibus se fecisse demergi, extractis quibusdam funibus quos secum detulerat, dee ipsis, prout consueverat, se ligavit, receptoque quodam baculo, cum quo se a parte rupis dicti montis, cum vellet, separare posset, fecit se pro huiusmodi avibus capiendis per declivum partis montis eiusdem descendi et se mutari, trahi et retrahi tribus vicibus per declivum antedictum et, cum quarta vice per huiusmodi declivumf descendisset, contigit quod baculus predictus, cum quo se a rupe dicti montis, ut premittitur, separabat, dee manibus suis cecidit, ita quod non poterat ab eiusdem montis contactu et allisionibus se tueri nec ab eiusdem montis coherencia separari, propter quod vivus non potuit sursum retrahi sed finaliter rigore rupis et, propter eminencias que erant in parte dicti montisg allisus et per suos humeros arrestatus, in quadam caverna dicte rupis remansit et ibidem proh labore et afflictione huiusmodi expiravit, quare pro parte dictorum prepositi et canonicorum nobis extitit humiliter supplicatum ut cum eis, presertim cum idem laicus ex sola incautela quam habuit in dicti baculi dimissione perierit, nec in aliquo dicti prepositus et canonici in nece ipsius culpabiles extitissent, misericorditer in hac parte agere dignaremur.
Nos igitur, carissimi in Christo filii nostri Iohannis Boemie regis illustris, nobis in hac parte humiliter supplicantis, et eorundem prepositi et canonicorum supplicationibus inclinati, volentes cum eisdem preposito et canonicis, si premissis veritas suffragetur, quantum cum Deo possumus, misericorditer agere in premissis, de tue quoque circumspectionis industria plenam in Domino fiduciam obtinentes, fraternitati tue per apostolica scripta committimus et mandamus quatinus, si est ita, cum eisdem prepositoi et canonicis et eorum quolibet quod, premissis nequaquam obstantibus, in suis possint ministrare ordinibus et in statu eorum, ut prius, licite remanere hac vice auctoritate apostolica studeas misericorditer dispensare, iniungens eis super hiis penitentiam salutarem prout animarum suarum saluti videris expedire.
Datum Avinione, V nonasj iulii, anno quintodecimo. -
(a) Everardi Mollat.
-
(b) Sic R1 et R2 pour Athasim ; Achafim Mollat.
-
(c) Everardus Mollat.
-
(d) excesserunt Mollat.
-
(e) ex Mollat.
-
(f) declivum huiusmodi avec signe d'inversion R2.
-
(g) rupis Mollat.
-
(h) prae Mollat.
-
(i) preposito suit, répété puis supprimé, R1.
-
(j) Suit un espace blanc d'environ deux lettres barré d'une ligne horizontale.
Informations
Document
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 145863 (aposcripta-6003), http://telma.irht.cnrs.fr/chartes/en/aposcripta/notice/145863 (mise à jour : 11/07/2019).