Description
-
Jean XXII (1316-1334)
-
Le cardinal-prêtre au titre de Santi Giovanni et Paulo Matteo Orsini
-
VI idus aprilis, anno quintodecimo
-
-
Avignon
-
Titre, provisions de bénéfice (littere gratiose, cum filo serico)
-
[Registre de la chancellerie apostolique] R. CITÉ DU VATICAN, Archivio segreto Vaticano, Registra Vaticana 97, XXIII, fol. 13r.
-
Ici reprise d’Emanuele Curzel, Documenti papali per la storia trentina (fino al 1341), Bologne, 2004 (Annali dell’Istituto storico italo-germanico. Fonti ; 1), n. 286, p. 437-439, d’après R.
-
Valerio Costa, Storia della Badia di S. Lorenzo di Trento (con un ampio regesto e 23 documenti vaticani inediti) (1146-1426-1468). Saggio storico per tesi di laurea in lettere, tesi di laurea, Università Cattolica di Milano (rel. V. Scardovi), 1934 (consultabile presso l’Archivio Diocesano Tridentino), parte III, n. 2.
-
Guillaume Mollat, Jean XXII (1316-1334). Lettres communes (Bibliothèque des Écoles Françaises d’Athènes et de Rome), Paris, 1904-1947, n. 53289.
-
Giovanni XXII a Matteo, cardinale prete dei Santi Giovanni e Paolo: gli dà in commenda il monastero benedettino di San Lorenzo di Trento, vacante per la morte dell’abate Pietro e per la rinuncia di Ugolino, priore di San Felice di Firenze.
-
Dilecto filio Matheo, tituli Sanctorum Iohannis et Pauli presbytero cardinali, salutem et cetera.
Dum exquisitam tue circumspectionis industriam diligenter attendimus et paterna consideratione pensamus quod tu Romanam ecclesiam, cuius honorabile membrum existis, tuorum honoras magnitudine meritorum, dignum reputamus et congruum ut te illa gratia favorabiliter prosequamur per quam oportunitatibus tuis, pro expensarum supportandis oneribus que iugiter te oportet de necessitate subire, valeas providere.
Sane dudum ex certis rationabilibus causis omnes et singulas cathedrales et collegiatas ecclesias civitatis et diocesis ac provincie Aquilegensis per biennium primo ac deinde, tempus huiusmodi biennale diversis successive vicibus de biennio in biennium prorogando, usque ad kalendas aprilis pontificatus nostri anni tertiia decimi, provisioni nostreb et Sedis apostolice per diversas nostras litteras inde confectas auctoritate apostolica duximus reservandas, decernentes ex tunc irritum et inane si secus super hiis per quoscunque, quavis auctoritate, scienter vel ignoranter, contingeret attemptari; voluimus insuper et decrevimusc per litteras novissime prorogationis huiusmodi reservationem eandem ad seculares et regulares tam cathedrales quam abbatialesd et alias quascunque collegiatas, preterquam monialium et aliarum religiosarum mulierum ecclesias exemptas et non exemptas dictarum civitatis et diocesise ac provincie, quibuslibet aliis declaracionibus alias per nos factas super hoc non obstantibusf, extendendam et deinde, cum finis huiusmodi nostre ultime prorogationis instaret, nos, similibus causis inducti, reservationem et decretum predictam usque ad duos annos ab eisdem kalendis aprilis in antea computandos, auctoritate predicta per nostras certi tenoris litteras, modo et forma expressisg superius, extendenda duximus ac etiam proroganda.
Interim autem, durante videlicet tempore prorogationis predicte, monasterioh Sancti Laurentii Tridentini, ordinis sancti Benedicti, per obitum quondam Petri, abbatis ipsiusi monasterii, qui dudum in partibus illis diem clausit extremum, vacante, nos, vacatione huiusmodi fidedignis relatibusj intellecta, eidem monasterio, cum nullus preter nos de ordinatione ipsius monasterii se intromittere possit, reservatione et decreto obsistentibusk supradictis, de persona dilecti filii Hubaldini, prioril prioratus Sancti Felicis Florentini, eiusdem ordinis, duximus providendum, preficientes ipsum eidem monasterio in abbatem.
Cum autem, sicut testimonio fidedignorum accepimus, prefatus Ubaldinusm huiusmodi provisioni recusaverit consentire, nos, volentes tam tibi, ut comodius supportare valeas onera supradicta, quam prefato monasterio, ut protectoris utilis presidio fulciatur, paterna solicitudine providere, predictum monasterium cum omnibus iuribus et pertinentiis suis tibi auctoritate apostolica in spiritualibus et temporalibus usque ad apostolice Sedis beneplacitum commendamusn, curam, regimen et administrationemo plenam et liberam monasterii nec non iurium et pertinentiarum predictorum tibi in eisdem spiritualibus et temporalibus committendo per te vel alium seu alios quem vel quos ad id duxeris deputandum specialiter vel etiam deputandos durante commenda huiusmodi, tenendum et possidendum ac etiam gubernandum, alienatione tamen bonorum immobilium dicti monasterii tibi penitus interdicta.
Volumus autem quod, debitis et consuetis ipsius monasterii oneribus supportatis, de residuis fructibus, redditibus, proventibus eiusdem monasterii libere disponere valeas, prout poterant abbates dicti monasterii qui eidem pro tempore prefuerint, proviso quod interim in dicto monasterio debitus monachorum et aliorum ministrorump numerus nullatenus minuatur, sed in eo divina et alia consueta obsequia et pietatis opera exerceantur sicut prius solita fuerint exerceri.
Datum Avinione, VI idus aprilis, anno quintodecimo.
In eodem modo dilectis filiis conventui monasterii Sancti Laurentii Tridentini, ordinis sancti Benedicti, salutem et cetera. Dum exquisitam dilecti filii nostri Mathei, tituli Sanctorum Iohannis et Pauli presbyteri cardinalis et cetera, usque solita fuerint exerceri. Quocirca universitati vestre per apostolica scripta mandamus quatinus eidem cardinali, administrationem huiusmodi exercenti, in omnibus que ad commendam, curamq et administrationem prefatas pertinent, plene et humiliterr intendatis, alioquin sententiam quam idem cardinalis administrator rite tulerit in rebelles ratam habebimus et faciemus auctore Domino usque ad satisfactionem condignam inviolabiliter observari.
Datum ut supra. -
(a) terti Costa.
-
(b) nostri Costa.
-
(c) decernimus Costa.
-
(d) abatiales Costa.
-
(e) civitatis et diocesis ajouté dans la marge extérieure.
-
(f) aliis ... obstantibus omis Costa.
-
(g) premissis Costa.
-
(h) monasterium Costa.
-
(i) Suit un espace blanc d'environ deux lettres barré par un trait horizontal.
-
(j) prelatibus Costa.
-
(k) obsistentimus Costa.
-
(l) Sic R (à cause du de ?); prioris Costa.
-
(m) Hubaldinus Costa.
-
(n) conmedamus R.
-
(o) Suit un blanc d'environ trois lettres, barré d'un trait horizontal.
-
(p) curam ajouté dans l'interligne.
-
(q) utiliter Costa.
Informations
Document
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 145766 (aposcripta-5995), http://telma.irht.cnrs.fr/chartes/en/aposcripta/notice/145766 (mise à jour : 17/05/2024).