Description
-
Jean XXII (1316-1334)
-
L'évêque de Feltre et le prévôt du monastère San Michele, diocèse de Trente, ainsi que le prieur de Santa Croce de Trente
-
kalendis novembris, anno quintodecimo
-
-
Avignon
-
Mandement (littere cum filo canapis)
-
[Registre de la chancellerie apostolique] R1. CITÉ DU VATICAN, Archivio segreto Vaticano, Registra Avenionensia 37, CLXVII, fol. 175 (cancellée ; taxe XXII).
-
[Registre de la chancellerie apostolique] R2. CITÉ DU VATICAN, Archivio segreto Vaticano, Registra Vaticana 98, fol. 93.
-
Ici reprise d’Emanuele Curzel, Documenti papali per la storia trentina (fino al 1341), Bologne, 2004 (Annali dell’Istituto storico italo-germanico. Fonti ; 1), n. 280, p. 428-429, d’après R1 et R2.
-
Guillaume Mollat, Jean XXII (1316-1334). Lettres communes (Bibliothèque des Écoles Françaises d’Athènes et de Rome), Paris, 1904-1947, n. 51445.
-
Giovanni XXII conferisce ad Enrico figlio di Castellano da Rallo, prete della diocesi di Trento, il canonicato e la prebenda della chiesa di Trento vacanti per la morte di Corrado da Scena, nonostante egli sia stato provvisto anche della dignità di decano della chiesa trentina.
-
Venerabili fratri .., episcopo Feltrensi, et dilectis filiis .., preposito monasterii Sancti Michaelis, per prepositum soliti gubernari, Tridentine diocesis, ac .., priori Sancte Crucis prope Tridentum, salutem.
Vite ac morum honestas aliaque merita probitatis, super quibus apud nos dilectus filius Henricus natus dilecti filii Castellani de Rallo, presbyter Tridentine diocesis, fidedigno commendatur testimonio, nos inducunt ut sibi reddamur ad gratiam liberales.
Cum itaque, sicut accepimus, canonicatus et prebenda ecclesie Tridentine quos quondam Conradus de Sinano, olim canonicus Tridentinus, in eadem ecclesia dum viveret obtinebat, per ipsius obitum, qui apud Sedem apostolicam, ut dicitur, diem clausit extremum, apud eandem Sedem vacent ad presens, nos, attendentes quod de dictis canonicatu et prebenda, si ut premittitur vacant, nullus preter nos disponere potest hac vice, pro eo quod nos diu ante vacationem huiusmodi omnes canonicatus et prebendas ceteraque beneficia ecclesiastica tunc apud dictam Sedem vacantia et in antea vacatura collationi et dispositioni nostre specialiter reservantes, decrevimus ex tunc irritum et inane si secus super hiis a quoquam, quavis auctoritate, scienter vel ignoranter, contingeret attemptari, ac volentes dictuma Henricum, premissorum meritorum suorum intuitu, favore prosequi gracioso, discretioni vestre per apostolica scripta committimus et mandamus quatinus vos vel duo aut unus vestrum, per vos vel alium seu alios, canonicatum et prebendam predictos, si ut premittitur vacant, cum plenitudine iuris canonici ac omnibus iuribus et pertinentiis suis eidem Henrico vel procuratori suo eius nomine auctoritate nostra conferre et assignare curetis, inducentes eum vel dictum procuratorem suum pro eo in corporalem possessionem dictorum canonicatus etb prebende et iurium et pertinenciarum ipsorum et defendentes inductum, amoto ab eis quolibet illicito detentore, ac facientes ipsum vel dictum procuratorem pro eo ad eandem prebendam in predicta ecclesia in canonicumc recipi et in fratrem, stallo sibi in choro et loco in capitulo ipsius ecclesie cum plenitudine iuris canonici assignatis sibique de ipsorum canonicatus et prebende fructibus, redditibus, proventibus, iuribus et obventionibus universis integre responderi, contradictores auctoritate nostra appellatione postposita compescendo, non obstantibus quibuscumque statutis et consuetudinibus eiusdem ecclesie contrariis, iuramento, confirmatione apostolica vel quacunque firmitate alia roboratis, seu si aliqui apostolica vel alia quavis auctoritate in eadem ecclesia in canonicos sint recepti vel ut recipiantur insistant, aut si super provisionibus sibi faciendis de canonicatibus et prebendis in predicta ecclesia speciales vel de beneficiis ecclesiasticis in illis partibus generales dicte Sedis vel legatorum eius litteras impetrarint, etiam si per eas ad inhibitionem, reservationem et decretum vel alias quomodolibet sit processum, quibus omnibus, si predicti canonicatus et prebenda ut premittitur vacant, eundem Henricum in assecutione dictorum canonicatus et prebende volumus anteferri, sed nullum per hoc eis quo ad assecutionem canonicatuum et prebendarum ac beneficiorum aliorum preiudicium generari, seu si venerabili fratri nostro .. episcopo et dilectis filiis capitulo Tridentin(is) vel quibusvis aliis, comuniter vel divisim, a predicta sit Sede indultum quod ad receptionem vel provisionem alicuius minime teneantur et ad id compelli aut quod interdici, suspendi vel excomunicari non possint quodque de canonicatibus et prebendis ipsius ecclesie aliisque beneficiis ecclesiasticis ad eorum collationem, provisionem seu quamvis aliam dispositionem, coniunctim vel separatim spectantibus, nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mentionem et qualibet alia dicte Sedis indulgentia generali vel speciali, cuiuscumque tenoris existat, per quam, presentibus non expressam vel totaliter non insertam, effectus earum impediri valeat quomodolibet vel differri et de qua cuiusque toto tenore habenda sit in nostris litteris mentio specialis, aut si dictus Henricus presens non fuerit ad prestandum de observandis statutis et consuetudinibus ipsius ecclesie ratione dictorum canonicatus et prebende solitum iuramentum, dummodo in absentia sua per procuratorem ydoneum et, cum ad ecclesiam ipsam accesserit corporaliter, illud prestet, aut quod hodie de decanatu eiusdem ecclesie, ut dicebatur, vacante eidem Henrico per nostras certi tenoris litteras mandavimus provideri. Nos enim, si dicti canonicatus et prebenda, ut premittitur, vacant, irritum, prout est, decernimus et inane si secus super illis a quoquam, quavis auctoritate, scienter vel ignoranter, attemptatum est hactenus vel contigerit imposterum attemptari.
Datum Avinione, kalendis novembris, anno quintodecimo. -
(a) dictum écrit sur un mot effacé R1.
-
(b) ac écrit sur un et (?) exponctué et supprimé R1.
-
(c) et suit, supprimé R1.
Informations
Document
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 145735 (aposcripta-5989), http://telma.irht.cnrs.fr/chartes/en/aposcripta/notice/145735 (mise à jour : 17/05/2024).