Description
-
Adrien IV (1154-1159)
-
L'abbé du monastère Sainte Marie d'Auhausen (dioc. d'Eichstädt), Léopold, et ses frères
-
XIIII kalendas Martis, indictione V, MCLVI, anno tertio
-
-
Latran
-
Privilège solennel
-
[Original] A. ALLEMAGNE, Munich, allgemeinen Reichsarchive. Perg. ital., br. 0,69, lang 0,825, unten umgeschlagen c. 0,03, durch 2 Löcher geht die rosa und dunkelgelbe Seidenschnur, an der das Bleisiegel hängt. Ringkreuz und päpstliche Unterschrift wohl von gleicher Hand und Dinte. Umschrift von hellerer Dinte. Datirung vom Schreiber des Hauptkörpers, nur das R Rolands mit dunklerer Dinte eingetragen. Die Zeugen scheinen theilweise von ein und demselben Schreiber herzurühren.
-
Ici reprise de Julius von Pflugk-Harttung, Acta pontificum Romanorum inedita. Urkunden der Päpste vom Jahre 748 bis zum Jahre 1197, II, Stuttgart : W. Kohlhammer, 1884 [en ligne], n. 407, p. 357-358.
-
Philippe Jaffé, Wilhelm Wattenbach, Samuel Loewenfeld, Ferdinand Kaltenbrunner, Paul Ewald, Regesta pontificum Romanorum ab condita ecclesia ad annum post Christum natum MCXCVIII, 2e éd. Leipzig, : Veit, 1885-1888, 2 vol., n. 10254 [en ligne].
-
Hadrian IV nimmt das Kloster Auhausen (D. Eichstädt) in apostolischen Schutz und bestätigt ihm seine Güter und Rechte, wofür es jährlich einen Byzantier zu zahlen hat1.
-
Adrianus episcopus, servus servorum Dei, dilectis filiis Leopoldo, abbati monasterii sancte Marie Ahusunensis, eiusque fratribus, tam presentibus quam futuris, regularem vitam professis, in ppm.
Religiosam vitam eligentibus apostolicum convenit adesse presidium, ne forte cuiuslibet temeritatis incursus aut eos a proposito revocet, aut robur, quod absit, sacre religionis infringat. Eapropter, dilecti in domino filii, vestris iustis postulationibus clementer annuimus et prefatum monasterium, in quo divino mancipati estis obsequio, sub beati Petri et nostra protectione suscipimus et presentis scripti privilegio communimus. In primis siquidem statuentes, ut ordo monasticus, qui secundum deum et beati Benedicti regulam in eodem loco noscitur institutus, perpetuis ibidem temporibus inviolabiliter observetur. Preterea, quascumque possessiones, quecumque bona idem monasterium impresentiarum iuste et canonice possidet aut in futurum concessione pontificum, largitione regum vel principum, oblatione fidelium seu aliis iustis modis, prestante domino, poterit adipisci, firma vobis vestrisque successoribus et illibata permaneant. In quibus hȩc propriis duximus exprimenda vocabulis : ecclesiam in Ahusen, villas Ekgebuinth, Prucgi, Wachivelth, Cirindorif, Mariprucki, Ratheristal, Staininbuhil, predium in Herlaibingin, quicquid iuris habetis in cappella, quȩ sita est in ipso predio, predium in Wibilishaim cum ecclesia et vinea. Preterea in parochialibus ecclesiis, quas tenetis, liceat vobis sine alicuius contradictione sacerdotes eligere et electos dyocesano episcopo representare, quibus, si idonei inventi fuerint, ipse animarum curam committata, qui de plebis quidem cura episcopo, vobis autem de temporalibus debeant respondere. Crisma vero, oleum sanctum, consecrationes altarium seu basilicarum, ordinationes quoque monachorum, qui ad sacros ordines fuerint promovendi, a dyocesano suscipietis episcopo, siquidem catholicus fuerit et gratiam apostolice Sedis habuerit ; alioquin liceat vobis, quemcumque malueritis, adire antistitem, qui nostra fultus auctoritate, quod postulatur, indulgeat. Prohibemus etiam, ne alicui omnino hominum fas sit, aliquas novas et indebitas exactiones in ipso monasterio exercere. Statuimus insuper, ut advocatus monasterii vestri advocatiam cuiquam in beneficium concedendi nullam habeat facultatem. Sepulturam quoque ipsius loci liberam esse concedimus, ut eorum devotioni et extreme voluntati, qui se illic sepeliri deliberaverint, nisi forte excommunicati vel interdicti sint, nullus obsistat, salva tamen iustitia matricis ecclesie. Obeunte vero te, nunc eiusdem loci abbate, vel tuorum quolibet successorum, nullus ibi qualibet surreptionis astutia seu violentia preponatur, nisi quem fratres communi consensu vel fratrum pars consilii sanioris secundum Dei timorem et beati Benedicti regulam de vestro vel de alieno collegio providerint eligendum. Sane novalium vestrorum, quȩ propriis manibus aut sumptibus colitis, sive de nutrimentis vestrorum animalium nullus a vobis decimas presumat exigere. Decernimus ergo, ut nulli omnino hominum liceat, supradictum monasterium ... usibus omnimodis profutura salva Sedis apostolice auctoritate et dyocesani episcopi canonica iustitia.
Ad indicium autem huius apostolice Sedis percepte protectionis annis singulis nobis nostrisque successoribus unum bizantium persolvetis. Si qua igitur... Cunctis autem ... inveniant. Amen. Am. Amen. —
[Rota] Ego Adrianus catholicȩ ȩcclesiȩ episcopus ss. [Monogramme]
† Ego Hymarus Tusculanus episcopus ss. (13)
† Ego Hubaldus presbiter cardinalis tit. sancte Praxedis ss. (1)
† Ego Iulius presbiter cardinalis tit. sancti Marcelli ss. (1)
† Ego Bernardus presbiter cardinalis tit. sancti Clementis ss. (1)
† Ego Octavianus presbiter cardinalis tit. sanctȩ Ceciliȩ ss. (4)
† Ego Henricus presbiter cardinalis tit. sanctorum Nerei et Achillei ss.
† Ego Iohannes presbiter cardinalis tit. sanctorum Silvestri et Martini ss.
† Ego Odo diaconus cardinalis sancti Georgii ad Velum aureum ss. (6)
† Ego Albertus diaconus cardinalis sancti Adriani ss. (6)
Dat. Laterani, per manum Rolandi, sancte Romane ecclesie presbiteri cardinalis et cancellarii. XIIII kalendas Mart, indictione V. Incarnationis dominice anno MCLVI. pontificatus vero domni Adriani pp IIII anno tertio. — -
(a) Neben zwei m über demo noch Abbreviaturstrich.
-
1. Vergl. Neues Archiv f. a. d. G. VII S. 96 Nr. 81 ; Jaffé, Reg., 2e éd., n. 10254. Auch am folgenden Tage urkundete der Papst für ein bairisches Kloster. Jaffé, Reg., 2e éd., n. 10257.
Informations
Document
Benjamin
Oury
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 142112 (aposcripta-4995), http://telma.irht.cnrs.fr/chartes/en/aposcripta/notice/142112 (mise à jour : 30/04/2022).