Description
-
Adrien IV (1154-1159)
-
L'archevêque de Salzbourg Eberhard et ses successeurs
-
XIII Kalendas Marcii, indictione V, millesimo centesimo LVI, anno III
-
-
Latran
-
Privilège solennel
-
[Autre copie médiévale] B. AUTRICHE, Vienne, k. k. Staatsarchive, Cod. MS. 359, tome I, fol. 19. Abschrift vom 13 oder 14 Jahrhunderte.
-
Ici reprise de Julius von Pflugk-Harttung, Acta pontificum Romanorum inedita. Urkunden der Päpste vom Jahre 748 bis zum Jahre 1197, II, Stuttgart : W. Kohlhammer, 1884 [en ligne], n. 408, p. 359-360.
-
Philippe Jaffé, Wilhelm Wattenbach, Samuel Loewenfeld, Ferdinand Kaltenbrunner, Paul Ewald, Regesta pontificum Romanorum ab condita ecclesia ad annum post Christum natum MCXCVIII, 2e éd. Leipzig, : Veit, 1885-1888, 2 vol., n. 10256 [en ligne].
-
Hadrian IV bestätigt dem Erzbischofe Eberhard von Salzburg das Pallium und seine Suffraganbisthümer und nimmt seine Kirche in apostolischen Schutz1.
-
Adrianus episcopus, servus servorum Dei, venerabili fratri Eberhardo, Salzburgensi archiepiscopo, eiusque successoribus canonice substituendis, in perpetuum.
Cum ex iniuncto nobis apostolatus officio, quo cunctis Christi fidelibus auctore deo preeminemus, singulorum paci et tranquillitati debeamus intendere, presertim pro illorum quiete oportet nos esse sollicitos, qui pastorali dignitate sunt prediti et ad officium pontificale promoti ; nisi enim nos, eorum utilitatibus intendentes, ipsorum dignitates et iura, inquantum, deo permittente, possumus, integra conservemus et auctoritate apostolica eos a pravorum incursibus defendamus, de illorum salute non vere poterunt esse solliciti, qui sibi ad regendum domino sunt disponente commissi. Huius itaque rei consideratione, venerabilis in Christo frater archiepiscope, provocati tuis iustis postulationibus gratum impertimur assensum, et Salzburgensem ecclesiam, cui deo auctore preesse dinosceris, sub beati Petri et nostra protectione suscipimus et presentis scripti privilegio communimus. Statuentes, ut quascumque possessiones, quecumque bona eadem ecclesia in presentiarum iuste et canonice possidet aut in futurum concessione pontificum, largicione regum vel principum, oblacione fidelium seu aliis iustis modis, prestante domino, poterit adipisci, firma tibi tuisque successoribus et illibata permaneant. Devocionem vero tuam erga beatum Petrum et sacrosanctam Romanam ecclesiam attendentes, iuxta ecclesie tue consuetudinem tibi per huius nostri apostolici privilegii munimen pallium confirmamus, cuius utique usum fraternitas tua infra ecclesiam tantum ad missarum sollempnia hiis videlicet diebus se noverit obtinerea : natale domini, in festivitate beati Stephani, circumcisione, epyphania, cena domini, sabbato sancto, resurrectione, prima et secunda die, ascensione, pentecostes, in tribus sollempnitatibus beate Dei genitricis semperque virginis Marie, in nataliciis omnium apostolorum, excepto natalicio beati Thome, Symonis et Iude, Mathie et sancti Mathei, in natale beati Iohannis baptiste, in festo beati Iohannis evangeliste, beati Laurentii et sancti Michahelis archangeli, commemoracione omnium sanctorum, in sollempnitatibus sanctorum, qui in tua ecclesia requiescunt, in festivitate sancti Maximilianib, qui in pago Bongoensi requiescit, in consecrationibus ecclesiarum et episcoporum, benedictionibus abbatum, ordinationibus presbyterorum, in dedicatione ecclesie tue. Preterea ecclesie tue suffraganeos, videlicet Ratisponensem2, Pataviensem3, Frisingensem4, Brixinensem5 et Gurgensem6, tam tibi, quam tuis successoribus nichilominus confirmamus, salva in omnibus apostolice Sedis auctoritate. Decernimus ergo, ut nulli omnino hominum liceat, supradictam ecclesiam temere perturbare seu possessiones auferre vel ablatas retinere, minuere seu quibuslibet vexacionibus fatigare, sed illibata omnia et integra conserventur eorum, pro quorum gubernatione et sustentacione concessa sunt, usibus omnimodis profutura.
Si qua igitur in futurum ecclesiastica secularisve persona, hanc nostre constitucionis paginam sciens, contra eam temere venire temptaverit, secundo tertiove commonita, (nisi) presumpcionem suam congrua satisfactione correxerit, potestatis honorisque (sui) dignitate careat, reamque se divino iudicio existere de perpetrata iniquitate cognoscat, et a sacratissimo corpore ac sanguine Dei et domini, redemptoris nostri Iesu Christi, aliena fiat, atque in extremo examine districte ulcioni subiaceat. Cunctis autem eidem loco sua iura servantibus, sit pax domini nostri Iesu Christi, quatenus et hic fructum bone actionis percipiant, et aput districtum iudicem premia eterne pacis inveniant. Amen. Amen. Amen.
[Rota] Ego Adrianus catholice ecclesie episcopus ss. [Monogramme]
† Ego Hymarus Tusculanus episcopus ss.
† Ego Lentius Portuensis et sancte Rufine episcopus ss.
† Ego Gregorius Sabiniensis episcopus ss.
† Ego Hubaldus presbiter cardinalis tit. sancte Praxedis ss.
† Ego Manfredus presbiter cardinalis tit. sancte Sabine ss.
† Ego Bernardus presbiter cardinalis tit. sancti Clementis ss.
† Ego Iohannes sanctorum Iohannis et Pauli presbiter cardinalis tit. Pamachii ss.
† Ego Henricus presbiterc cardinalis tit. sanctorum Nerei et Achillei ss.
† Ego Oddo diaconus cardinalis sancti Georgii ad Velum aureum ss.
† Ego Guido diaconus cardinalis sancte Marie in Porticu ss.
† Ego Iacinctus diaconus cardinalis sancte Marie in Cosmydyn ss.
† Ego Odo diaconus cardinalis sancti Nicolai in carcere Tulliano ss.
† Ego Bonadies diaconus cardinalis sancti Angeli ss.
Datum Laterani, per manum Rolandi, sancte Romane ecclesie presbiteri cardinalis et cancellarii. XIII Kal. Marcii, indictione V. Incarnacionis dominice anno millesimo centesimo LVI. pontificatus vero domni Adriani pape IIII anno III. -
(a) In marg. : pallium de circumcisione domini
-
(b) sub lin. : videlicet in Bischofshof.
-
(c) Steht zweimal
-
1. Die Abschrift dieser Urkunde verdanke ich durch Vermittelung des Herrn Dr. G. Winter dem Herrn Aspiranten Josef Lampel. Meiller, Reg. Archiep. Salzburg. I, p. 78, Nr. 119 ; vergl. die Urk. vom 26 März 1152 ( APOSCRIPTA n. 4984 ).
-
2. Regensburg.
-
3. Passau.
-
4. Freising.
-
5. Brixen.
-
6. Gurk.
Informations
Document
Benjamin
Oury
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 142113 (aposcripta-4996), http://telma.irht.cnrs.fr/chartes/en/aposcripta/notice/142113 (mise à jour : 17/05/2024).