« actes-philippe3-90 »

Pro Judeis regni Navarre.

<Philippus>, Dei gratia Francie rex, gubernatori regni Navarre, salutem. Quia recolimus vobis vestre per nostras litteras dedisse in mandatis quod a Judeis regni Navarre ultra summam duarum milium librarum turonis quolibet anno non exigetis, mandamus vobis quatinus illis duobus milibus libris contentus contra litterarum nostrarum predictarum tenorem ipsos Judeos nulatenus molestetis et aliqui pro arreragiis de tempore preterito ante arrendacionem predictam ab ipsis Judeis, satisfacto tamen de dictis duobus milibus libris turonis, nulatenus exigatis, litteras siquidem nostras quas tradidistis ipsis Judeis de pecunia quam nobis mutuaverint et quas litteras post modum recuperastis, illa pecunia mutuata non soluta, restituatis eisdem, ut loco et tempore illis litteris posint se juvare. Nolumus eciam quod vos cogatis sine nostro speciali mandato predictos Judeos regni Navarre ad concedendum terminos solucionum creditoribus suis contra ipsorum voluntatem Judeorum, sed eos amicabiliter tractantes in hoc casu inducatis bono modo sine compulsione tamen ad dendum eisdem creditoribus terminos suorum debitorum. Ita quod in regno Navarre possint secure vivere et in pace remanere, presencium litterarum copiam eisdem Judeis sub sigillo nostro facientes. Datum Parisius in festo apostolorum Petri et Pauli.