Général
-
Clément VI (1342-1352)
-
Iterium de Nabinalis ord. Min. ecclesiae Nimocien. (Limasol in ins. Cypro) praeficit in episcopum.1
-
1344, novembris 3, Avinione.
-
1344
-
Dilecto filio Iterio de Nabinalis electo Nimocien.
Inter sollicitudines varias etc. Nuper siquidem ecclesia Nimocien. ex eo vacante, quod nos venerabilem fratrem nostrum Lambertinum Brixien. tunc Nimocien. episcopum, apud sedem apostolicam constitutum, a vinculo, quo ipsi Nimocien. ecclesiae, cui tunc praeerat, tenebatur, absolventes, ipsum ad Brixien. ecclesiam tunc vacantem duximus transferendum etc., post deliberationem, quam super hoc cum eisdem fratribus nostris habuimus diligentem, demum de te ordinis fratrum Minorum professorem, in sacerdotio constitutum, litterarum scientia praeditum, vitae et morum honestate decorum, in spiritualibus providum et temporalibus circumspectum et aliis multiplicium virtutum meritis, prout ex testimoniis fide dignis accepimus, insignitum, direximus oculos nostrae mentis. Quibus omnibus debita meditatione pensatis de persona tua ipsi Nimocien. ecclesiae de dictorum fratrum nostrorum consilio auctoritate apostolica providemus teque illi praeficimus in episcopum et pastorem, curam et administrationem dictae Nimocien. ecclesiae tibi in spiritualibus et temporibus plenarie committendo etc. Datum Avinione III nonas novembris anno tertio.
In e. m. capitulo et vassallis ecclesiae Nimocien., clero ac populo civ. et dioec. Nimocien., archiepiscopo Nicosien., Hugoni regi Cypri.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°293., pp.-155
-
Reg. Vat. t. 167 (Clem. VI a. 3, l. 4), ep. 32; Wadd. l. c. reg. pont. Clem. VI n. 72. Cfr. infra n. 372 b.
1