Général
-
Benoît XII (1334-1342)
-
Roberto regi Siciliae concedit facultatem ingrediendi monasteria religiosarum inclusarum sui regni, quorumcumque ordinum existant.1
-
1339, octobris 28, Avinione.
-
1339
-
Carissimo in Christo filio Roberto regi Siciliae illustri.
Ex sinceritate tuae devotionis, quam ad nos et Romanam geris ecclesiam, provenire conspicitur, ut sedis apostolicae benignitas consueta personam tuam in hiis praecipue, quae causa devotionis exposcis, favorabiliter prosequatur. Hinc est, quod nos tuis devotis supplicationibus inclinati, ut cum duodecim saecularibus probatis et honestis et quatuor religiosis viris monasteria religiosarum inclusarum tui regni, quorumcunque ordinum existant, quibusvis ipsorum monasteriorum et ordinum statutis et consuetudinibus ac quibuslibet constitutionibus apostolicis contrariis nequaquam obstantibus, quotiescumque devotionis causa te illa visitare seu accedere ad ea contigerit, libere ingredi valeas, dummodo earum, quae monasteriis ipsis praefuerint, ad id accedat assensus, et tu dictaeque personae ibidem non comedatis vel etiam pernoctetis, tenore tibi praesentium indulgemus. Nulli ergo etc. Dat. Avinione, V kal. novembris, anno quinto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°116., p.73
-
Reg. Vat. t. 127 (Ben. XII a. 5), ep. 650. Cfr. supra pag. 55 n. 81.
1