Général
-
Jean XXII (1316-1334)
-
Eliam de Nabinallis ord. Min., mag. theol., ecclesiae Nicosien. praeficit in archiepiscopum.1
-
1332, novembris 16, Avinione.
-
1332
-
Dilecto filio Helyaea de Nabinallis electo Nicosien.
Militanti ecclesiae etc. Dudum siquidem bonae memoriae Ioanne archiepiscopo Nicosiensi regimini Nicosiensisb ecclesiae praesidente ... provisionem ipsius ecclesiae Nicosien., cum vacare contingeret, dispositioni nostrae et sedis apostolicae ea vice duximus reservandam, decernentes ex tunc etc. Postmodum autem dicto Ioanne archiepiscopo in illis partibus viam universae carnis ingresso, nos vacatione huiusmodi fidedignis relatibus intellecta ad provisionem eiusdem Nicosiensis ecclesiae ... intendentes etc., demum ad te ordinis fratrum Minorum professorem, in sacerdotio constitutum, sacrae theologiae magistrum, quem, prout fidedigna relatione percepimus, morum insignit honestas, spiritualium et temporalium providentia pluraque alia virtutum dona commendant, direximus oculos mentis nostrae. Quibus omnibus diligenti meditatione pensatis, de persona tua, nobis et eisdem fratribus nostris ob tuorum exigentiam meritorum accepta, ipsi Nicosiensi ecclesiae de dictorum fratrum nostrorum consilio auctoritate apostolica providemus teque illi praeficimus in archiepiscopum et pastorem, curam et administrationem dictae ecclesiae tam in spiritualibus quam in temporalibus tibi plenarie committendo etc. Datum Avinione, XVI kalendas decembris, anno decimo septimo.c
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°999., p.537
-
Reg. Vat. t. 104, ep. 108, apud Wadd. l. c. n. 154; cfr. supra 908.
1 -
(a) Sive « Eliae », minime autem « Ecclesiae », sicut legitur apud Wadd.
-
(b) Levcosia in insula Cypro.
-
(c) In eumdem modum capitulo, suffraganeis, vassallis ecclesiae Nicosien., clero et populo civ. et dioec. Nicosien., Hugoni regi Cypri illustri. Isti archiepiscopo summus pontifex die 9 aug. 1333 concedit conservatores iurium et bonorum ipsius, die autem 28 aug. 1333 dat facultatem mutuum usque ad summam 3000 flor. auri contrahendi (l. c. t. 105, ep. 1039 et 1335); die denique 15 sept. 1333 eidem indulget, ut possit celebrare ante auroram atque in locis interdicto ecclesiastico suppositis, ut ecclesias et coemeteria possit reconciliare per alium, ut possit testari, ut cum comitiva 50 personarum possit visitare sepulchrum Dominicum, ut ipse et familiares sui clerici possint dicere horas canonicas iuxta morem eccl. Romanae, ut confessarius sibi in articulo mortis indulgentiam plenariam possit impertiri (l. c. t. 106, epp. 1434, 1437, 1440, 1384, 29 h, 29 c, 1290).