Général
-
Jean XXII (1316-1334)
-
Bonifatium (de Pisis ord. Min.) olim in episcopum Sulcitan. obstante reservatione apostolica electum et consecratum ad ecclesiam Corbavien. transfert.1
-
1332, iunii 3, Avinione.
-
1332
-
Bonifatio episcopo Corbavien.
Apostolatus officium etc. Olim siquidem ecclesia Sulcitana per obitum bonae memoriae Comitae episcopi Sulcitani, qui in partibus illis diem clausit extremum, pastoris solatio destituta: nos vacatione huiusmodi fide dignis relatibus intellecta provisionem ipsius ecclesiae Sulcitan. ea vice dispositioni nostrae duximus specialiter reservandam: decernentes ex tunc etc. Deinde vero dilecti filii capitulum eiusdem ecclesiae, huiusmodi reservationis et decreti forsan ignari, te in sacerdotio constitutum, ordinem fratrum Minorum expresse professum, in Sulcitanum episcopum quamvis de facto concorditer elegerunt, tuque huiusmodi electioni de te factae ad capituli praedictorum instantiam (ignarus, ut asseris, reservationis et decreti huiusmodi) consensisti, dictaque tua electio metropolitica auctoritate quamvis de facto etiam extitit confirmata tibique subsequenter munus consecrationis impensum: in his omnibus alias statutis a iure temporibus observatis; ac huiusmodi electionis, confirmationis et consecrationis negotio nobis exposito, nos electionem et confirmationem easdem, utpote post et contra reservationem et decretum praefata attentatas, irritas et inanes decernentes aliam personam ipsi Sulcitanae ecclesiae praefecimus in episcopum et pastorem, sicque tu episcopus nullius ecclesiae remansisti etc. Interim vacatione ecclesiae Corbavien.a ... per obitum bonae memoriae Petri episcopi Corbavien. fide dignis relatibus intellecta, de provisione ipsius ecclesiae Corbavien. celeri et felici, de qua nullus praeter nos hac vice se intromittere potest etc., cogitare coepimus diligenter, et demum post deliberationem, quam ad praeficiendum eidem ecclesiae Corbavien. personam utilem ac etiam fructuosam cum fratribus nostris habuimus diligentem: demum consideratis virtutum donis, quibus personam tuam Dominus earum largitor multipliciter insignivit, ad te, ne in opprobrium episcopalis dignitatis langueas prae taedio egestatis, direximus aciem nostrae mentis. Quibus omnibus debita meditatione pensatis, de persona tua eidem Corbaviensi ecclesiae de ipsorum fratrum consilio auctoritate apostolica providemus teque illi in episcopum praeficimus et pastorem, curam et admistrationem ipsius tibi tam in spiritualibus quam in temporalibus committendo etc. Datum Avinione, III nonas iunii, anno sextodecimo.b
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°981., p.528
-
Reg. Vat. t. 103, ep. 21; apud Wadd. l. c. n. 145; cfr. supra n. 978.
1 -
(a) Krbava in Sclavonia.
-
(b) In e. m. capitulo et vassallis ecclesiae Corbavien., clero ac populo civ. et dioec. Corbavien., archiepiscopo Spalatensi, Carolo regi Hungariae.