Général
-
Jean XXII (1316-1334)
-
Custodi fratrum Min. Ianuen. concedit facultatem absolvendi capitaneos Ianuenses a censuris, quas incurrerant propter comprehensionem abbatis de Zerbino.1
-
1318, martii 11, Avinione.
-
1318
-
Dilecto filio ‥ custodi fratrum Minorum Ianuen.
Oblata nobis ex parte dilectorum filiorum capitaneorum civitatis Ianuensis petitio continebat, quod ipsi olim dilectos filios ‥ abbatem monasterii de Zerbino Cisterciensis ordinis Ianuensis dioecesis et quemdam alium sacerdotem pro eo, quod dicebantur fecisse aliqua et etiam ordinasse ipsis capitaneis damnosa et periculosa quamplurimum, capere et carceri mancipare ac eos aliquandiu detinere captivos ausu sacrilego praesumpserunt, propter quod noscuntur sententiam canonis incurrisse. Quare nobis humiliter supplicarunt, ut providere super hoc eis de opportunae absolutionis beneficio dignaremur. Nos itaque animarum eorumdem capitaneorum saluti paterna sollicitudine providere volentes, discretioni tuae, de qua fiduciam gerimus in Domino pleniorem, per apostolica scripta mandamus, quatenus ipsis auctoritate nostra, abbati et sacerdoti praedictis debita prius satisfactione impensa, iuxta formam ecclesiae beneficium absolutionis impendas, iniuncta eis iuxta tuae discretionis arbitrium pro modo culpae poenitentia salutari. Datum Avinione, V idus martii, anno secundo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°309., pp.145-146
-
Reg. Vat. t. 67, f. 231, ep. 772.
1