« bullarium-franciscanum-2911 »

Acte | bullarium-franciscanum/notice/154824
plus d'informations

Général

  •  
    Nicolas IV (1288-1292)
  •  
    Eodem modo, ac die consimilis traditur indulgentia in singulis B. M. V. SS. Franc. Ant. & Claræ festiv. & per eorum Octavas devote visitantibus Ecclesias prædictorum Fratrum Ord. Min. Montis Compatrum1 Tusculanæ Diœc.2 Campagnanani3 Nepesinæ Diœc.4 Sutrii5, Civitatis-Castellanæ6, S. Francisci Transtiberim de Urbe7, Naulii8, & Albigauni9. ex cit. epist. 361. Reg. Vat. nu. 2. 3. 4. 5. 6. & 11. Anni quarti.
  •  
    Anno 1291. die 23. Julii.
  •  
    1291

  •  
    Bullarium Franciscanum romanorum pontificum, tomus IV, n°DXI., pp.270-271
  •  
    Montis Compatrum: in Latio ab Urbe 15. circiter mill. in Ortum, in quo plures Ordinis nostri sanctitate præditi viri claruere, de quibus Rodulphius fol. 259. & Pisanus Conf. VIII. & XI. Velut Eremitorium extitisse an. 1328. tradit Alvarus Pelagius lib. 1. cap. 68. qui Schismatis Bavari vitandi causâ se ad illud eo anno confugisse fatetur. Rodulphii autem post tempora aut bellorum vi, sive terremotu, aut alia de causa corruit, ejusque rudera tantùm hucusque conspiciuntur.

    1
  •  
    Tusculanæ Diœc.: Italis Frascati 12. milliar. ab Urbe procul.

    2
  •  
    Campagnani: aliis Capiniani Oppidi a Capena sic dicti a Roma 16. mill. in Boream, extra quod Oppidum 200. circiter passibus in accliviori loco ab Oppidanis admissi sunt Minores Fratres ad Ecclesiam parvam sub vocabulo S. Mariæ de Prato, sed quo tempore incompertum. Illud certò scimus ann. 1488. e nostris ab Observantes devenisse, teste & Gonzaga in Conv. 20. Prov. Rom. & de eo nos in primo tom. fol. 616.

    3
  •  
    Nepesinæ Diœc.: Media est inter Viterbium, & Romam hæc Civitas, quæ Plinio Nepet, Italis Nepi. Huic Eugenius IV. Sum. Pont. Sutrinam Ecclesiam an. 1436. conjunxit, solique Romano Pontifici subjecit.

    4
  •  
    Sutrii: Civitas prædictæ Nepesinæ unita, e qua 5. circiter mill. distat in Occasum. Ad hanc adductos fuisse Minores an. 1222. testatur Theulus Appar. Min. lib. 1. cap. 2. sed dubio procul ante an. 1255. ex monumentis inibi vulgatis.

    5
  •  
    Civitatis Castellanæ: de qua Civitate, & Conventu nos in 2. tomo fol. 397.

    6
  •  
    S. Franc. Transtib. de Urbe: seu S. Francisci ad Ripam, pro quo vide jam dicta in primo tomo, ac alibi.

    7
  •  
    Naulii: Naulum, aliis Naulium, italice Noli, Urbs est parva oræ Ligusticæ, Episcopalis sub Archiep. Genuensi inter Savonam, & Albingaunum, ad quam: Cathedram conscendit die 9. Martii 1746. F. Antonius Maria Arduini ex Ordine nostro, illamque regit ad hodiernam usque diem. Errat Vaddingus ad hunc an. n. 55. dum ait Conventum hunc Nauli non haberi apud Pisanum, nam eum habet in Custodia Albingauni, etsi corrupte de Nobo, & de Neo illum appellet; quare cum sit secundus præfatæ Custodiæ, antiquissimum profectò eum esse patet. Constat autem ex inferiori Epistola hujus Pontificis die 11. Septembris hoc anno data, & incipiente Ex injuncto &c. antiquum in hac Civitate Conventum FF. Minorum tunc S. Francisci nomine appellatum Monialibus Ordinis Cisterciensis traditum fuisse, qui deinceps vocabulo S. Mariæ de Rivo nuncupatus fuit.

    8
  •  
    Et Albigauni: Italis Albenga in dicta ora Ligustica Episcopalis Civitas sub præfato Archiepiscopo ad Ostia fluvii Centii. Ni traditio nos fallat, S. Patri coæva fuit Minoritica hæc Ædes, quondam in aperto loco, mox anno 1322. intra mœnia Urbis translata, Vaddingo sic testante ad eum annum n. 73.

    9

Informations

Acte
bullarium-franciscanum admin (IRHT), dans  Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 154824 (bullarium-franciscanum-2911), http://telma.irht.cnrs.fr/chartes/bullarium-franciscanum/notice/154824 (mise à jour : 26/01/2021).
http://telma.irht.cnrs.fr/chartes/bullarium-franciscanum/notice/154824
bullarium-franciscanum/notice/154824
XML  JSON