Général
-
Nicolas IV (1288-1292)
-
Item visitantibus illam Fratrum Ord. Minorum Civitatis novæ Firman. Diœcesis. ex Autographo in Archivo ejusdem Conventus sub plumbo.
-
Anno 1291. die 1. Februarii.
-
1291
-
NICOLAUS &c.
Universis Christifidelibus &c.
Vitæ perennis gloria &c.a quatenus ad Ecclesiam dilectorum in Christo Filiorum ... Guardiani & Fratrum Ordinis Min. Civitatis novæb Firman. Diœcesis imploraturi &c.c omnibus vere pœnitentibus, & confessis, qui eamdem Ecclesiam in SS. Francisci, & Antonii, ac S. Mariæ Magdalenæ, in cujus honorem dicitur ædificata, festivitatibus, & per octo dies festivitates ipsas immediate sequentes devote visitaverint annuatim, unum annum, & quadraginta dies de injuncta sibi pœnitentia misericorditer relaxamus. Datum ut supra.
-
Bullarium Franciscanum romanorum pontificum, tomus IV, n°CDIII., pp.213-214
-
(a) Gloria &c.: ut supra in epistola 241. pag. 143. usque ad injungentes.
-
(b) Civitatis novæ: Licèt Vaddingus ad hunc an. n. 85. hoc indulgentiarum Diploma non Minorum Cœnobio, sed Clarissarum Ecclesiæ adscribat, idque ostendat epistola 668. n. 2. an. 3. a Vaticano Regesto desumpta, & ad nos transmissa: tamen, quoniam nos in Archivo prædicti Cœnobii Minoram Civitatis novæ propriis oculis inspeximus authographum ipsius diplomatis, quod rotundis verbis titulum S. Mariæ Magdalenæ non Ecclesiæ Monialium illius Oppidi, sed Ecclesiæ FF. Minorum adscribit, idcirco nec Vaddingo in præsentiarum, nec Vaticano Regesto adhæremus. Et sane nusquam S. Mariæ Magdalenæ titulum hæc Monialium Ecclesia sibi vindicavit, bene tamen SS. Philippi, & Jacobi, ut vidimus in 2. hujus oper. tomo pag. 304. & 305. At hunc S. Mariæ Magdalenæ titulum quandoque obtinuisse Minorum Cœnobium, præter testimonium ipsiusmet Vaddingi ad an. 1399. n. 14. testatur etiam authographum ipsius diplomatis, quod controversiam omnem dirimit, & extra dubitationis aleam ponit, nihil obstante, quòd nunc S. Francisci titulo gaudet.
-
(c) Imploraturi &c.: ut in dicta 241. ep. usq. ad confessis.
Informations
Acte
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 154716 (bullarium-franciscanum-2803), http://telma.irht.cnrs.fr/chartes/bullarium-franciscanum/notice/154716 (mise à jour : 26/01/2021).