Général
-
Honorius IV (1285-1287)
-
Fr. Petro O. M. Ecclesiam Wibergen. dimittente, jubetur alterum sibi in Episcopum eligere. (Ex Regesto Vatic. Pontif. epist. 209. anni 2.)
-
Anno 1286. die 18. Decembris.
-
1286
-
HONORIUS &c.
Dilectis Filiis ‥ Præposito, & Capitulo Ecclesiæ Wibergen.a Salutem, & Apostolicam Benedictionem.
Cum Frater Petrusb de Ordine Minorum, qui diùc se gesserit pro Episcopo Wibergen., in manibus Nostris spontè, ac liberè resignarit; Nos cupientes ipsi Ecclesiæ sic vacanti de Pastore idoneo celeriter, & utiliter provideri, electionem faciendam de illo, vobis de Fratrum Nostrorum consilio providimus remittendam, Universitati vestræ per Apostolica scripta mandantes, quatenùs Deum habentes præ oculis, præfatæ Ecclesiæ de personâ ydoneâ, quæ tanto congruat oneri & honori per electionem canonicam, seu postulationem concordem providere curetis; ita quòd ex hoc possitis dignis in Domino laudibus merito commendari.
Datum Romæ apud Sanctam Sabinam xv. Kalendas Januarii, Pontificatus Nostri Anno Secundo.
-
Bullarium Franciscanum romanorum pontificum, tomus III, n°LXXIII., pp.592-593
-
(a) Wibergen.: al. Wiburgen. in Dania, de qua Ecclesia. & Civitate videatur 23. epistola Martini IV. Significarunt Nobis &c. anno 1282. die 26. April. data.
-
(b) Fr. Petrus: Cujus est mentio in præfata epistola 23. Martini IV., & in 1. Honorii IV. Exposuerunt Nobis &c. anno 1285. Nonis April. scripta.
-
(c) Diu: Electus enim fuerat sub Clemente IV., qui obiit diem anno 1268., & consecratus a Jacobo Archiepiscopo Lunden. anno 1274. mense Majo defuncto.